ନୂଆଦିଲ୍ଲୀ,୨୪।୧୧:ପୂର୍ବ ଦିଲ୍ଲୀ ନିର୍ବାଚନମଣ୍ଡଳୀର ଭାଜପା ସାଂସଦ ତଥା ପୂର୍ବତନ କ୍ରିକେଟର ଗୌତମ ଗମ୍ଭୀରଙ୍କୁ ହତ୍ୟା ଧମକ ଦିଆଯାଇଛି। ଗମ୍ଭୀର ଦିଲ୍ଲୀ ପୋଲିସରେ ଏନେଇ ଅଭିଯୋଗ କରିଛନ୍ତି। ସେ କହିଛନ୍ତି ଯେ, ତାଙ୍କୁ ‘ଆଇଏସ କଶ୍ମୀର’ ପକ୍ଷରୁ ହତ୍ୟା ଧମକ ଦିଆଯାଇଛି। ଏହା ସହିତ ସେ ହତ୍ୟା ଧମକ ଦିଆଯାଇଥିବା ଏକ ଇ-ମେଲର ସ୍କ୍ରିନ୍ଶଟ୍ ମଧ୍ୟ ଶେୟାର କରିଛନ୍ତି। ଏହି ମେଲର ପ୍ରେରକଙ୍କ ନାମ ହେଉଛି ଆଇଏସ କଶ୍ମୀର। ଏହି ବିଷୟରେ ସୂଚନା ପାଇବା ମାତ୍ରେ ଆମେ ଏହି ଘଟଣାର ତଦନ୍ତ ଆରମ୍ଭ କରିଯାଇଛି। ସୁରକ୍ଷା ପାଇଁ ଗମ୍ଭୀରଙ୍କ ଘର ବାହାରେ ସୁରକ୍ଷା ବୃଦ୍ଧି କରାଯାଇଛି ବୋଲି ଡିସିପି କେନ୍ଦ୍ରୀୟ ଶ୍ୱେତା ଚୌହାନ କହିଛନ୍ତି।
ସୂଚନାଯୋଗ୍ୟ, କ୍ରିକେଟରରୁ ରାଜନେତା ପାଲଟିଥିବା ଗମ୍ଭୀର ଅନେକ ପ୍ରସଙ୍ଗରେ ସେ ନିଜର ମତ ପ୍ରକାଶ କରୁଥିବା ଦେଖିବାକୁ ମିଳିଛି। ଅତୀତରେ ମଧ୍ୟ ସେ ଅନେକ ଥର ଆତଙ୍କବାଦ ବିରୋଧରେ ମଧ୍ୟ ବିବୃତ୍ତି ଦେଇଛନ୍ତି।
