ନୂଆଦିଲ୍ଲୀ,୩୧।୧୨ : ରାହୁଲ ଗାନ୍ଧୀ ଭାରତ ଯୋଡୋ ଯାତ୍ରାରେ ଏପର୍ଯ୍ୟନ୍ତ ତାଙ୍କର ଯାତ୍ରା ଅନୁଭୂତି ଗଣମାଧ୍ୟମକୁ ଜଣାଇଛନ୍ତି। ଏହା ସହିତ ସେ କେନ୍ଦ୍ର ସରକାରଙ୍କୁ ଅନେକ ପ୍ରଶ୍ନ ମଧ୍ୟ ପଚାରିଛନ୍ତି। ରାହୁଲ କହିଛନ୍ତି ଯେ ଏହି ଯାତ୍ରା ହିଂସା ବିରୁଦ୍ଧରେ। ଏହା ଏପର୍ଯ୍ୟନ୍ତ ଏକ ସଫଳ ଯାତ୍ରା ରହିଛି। ଦେଶରେ ଏବେ ବେକାରୀ ଏବଂ ମୁଦ୍ରାସ୍ଫୀତି ପ୍ରସଙ୍ଗ ମଧ୍ୟ ଅଛି। କେତେକ ମନୋନୀତ ଲୋକଙ୍କ ପାଖରେ କୋଟି କୋଟି ଅଛି ଏବଂ ସାଧାରଣ ଲୋକଙ୍କ ପାଖରେ ଟଙ୍କା ନାହିଁ।
ଆରଏସଏସ ଏବଂ ଭାଜପାକୁ ମୁଁ ଧନ୍ୟବାଦ ଜଣାଉଛି। ସେମାନେ ଯେତେ ଆକ୍ରମଣ କଲେ ମଧ୍ୟ ମୋର କିଛି ଆପତ୍ତିନାହିଁ। ଏହା ଦ୍ୱାରା ମୁଁ ଅଧିକ ଶକ୍ତି ପାଇବି। ମୁଁ ଭଜପା-ଆରଏସଏସକୁ ଗୁରୁ ବୋଲି ବିବେଚନା କରେ, ସେମାନେ ମତେ ବାଟ ଦେଖାଉଛନ୍ତି। ବିରୋଧୀ ଦଳର ସମସ୍ତ ନେତା ଆମ ସହିତ ଛିଡା ହୋଇଛନ୍ତି।
ରାହୁଲ କହିଛନ୍ତି ଯେ ଭାଜପା ଏବଂ କଂଗ୍ରେସ ଏକ ସମାନ ହୋଇପାରିବେ ନାହିଁ। କାରଣ ଦୁଇ ଦଳ ଦୁଇଟି ଭିନ୍ନ ମତ ଦ୍ୱାରା ପରିଚାଳିତ। ଏହା ଏକକୌଶଳପୂର୍ଣ୍ଣ ରାଜନୀତି। ଏହା ଯୁଦ୍ଧ ନୁହେଁ। ବାସ୍ତବରେ, ସେହି ଚିନ୍ତାଧାରାକୁ ପରାସ୍ତ କରିବା ପାଇଁ ଅନ୍ୟ ଏକ ଚିନ୍ତାଧାରା ଆବଶ୍ୟକ । ଉତ୍ତରପ୍ରଦେଶରେ ସମାଜବାଦୀ ଚିନ୍ତାଧାରା ଅଛି, ଏହା ଦେଶର ସବୁ ସ୍ଥାନରେ କାମ କରିପାରିବ ନାହିଁ। ସମସ୍ତେ ଜାଣୁଛନ୍ତି ଯେ ଟଙ୍କା ଦେଇ ଭାଜପା ସରକାର ଗଠନ କରୁଛି। ବିଧାୟକଙ୍କୁ କିଣି ନିର୍ବାଚିତ ସରକାରଙ୍କୁ ଭାଙ୍ଗୁଛି ବୋଲି ରାହୁଲ କହିଛନ୍ତି।
