ବେଙ୍ଗାଲୁରୁ,୬।୩: କର୍ନାଟକ କଂଗ୍ରେସ ମୁଖ୍ୟ ଡି.କେ ଶିବକୁମାର ଭାଜପାକୁ ଟାର୍ଗେଟ୍ କରିଛନ୍ତି। ରାଜ୍ୟରେ ଶାସକ ଭାରତୀୟ ଜନତା ପାର୍ଟି (ଭାଜପା) ଉପରେ ବର୍ଷି ଭାଜପା ଲୋକମାନଙ୍କୁ କିପରି ମିଛ କହିବ ତାହା କେବଳ ଜାଣିଛି ବୋଲି ଶିବକୁମାର କହିଛନ୍ତି।
କର୍ନାଟକ କଂଗ୍ରେସ ସଭାପତି ଟୁଇଟର୍ରେ କହିଛନ୍ତି, ଲୋକଙ୍କ ମଧ୍ୟରେ ମିଛ ପ୍ରଚାର କରିବା ଏବଂ କୌଣସି ପ୍ରାମାଣିକତା ବିନା ଉଚ୍ଚ ଦାବି କରିବା ଭାଜପା କେବଳ ଜାଣିଛି। ନିକଟରେ ଭାଜପା ବେଙ୍ଗାଲୁରୁରେ ଏକ ଆଇଫୋନ ଉତ୍ପାଦନ ୟୁନିଟ ଖୋଲି ଏକ ଲକ୍ଷ ଚାକିରି ସୃଷ୍ଟି କରିବାର କଥା ଦେଇଥିଲା, ଯାହା ମିଥ୍ୟା ପ୍ରମାଣିତ ହୋଇସାରିଛି। କର୍ନାଟକ ଆଉ ଭାଜପାକୁ ଆଉ ବିଶ୍ୱାସ କରିବ ନାହିଁ।
ସୂଚନାଯୋଗ୍ୟ, କର୍ନାଟକରେ ବିଧାନସଭା ନିର୍ବାଚନକୁ ନେଇ ରାଜନୀତି ସରଗରମ ହୋଇଛି। ବିଭିନ୍ନ ଦଳ ପକ୍ଷରୁ ଏବେ ଲୋକଙ୍କୁ ବିଭିନ୍ନ ପ୍ରତିଶ୍ରୁତି ଦେଉଛନ୍ତି।
