ଚଣ୍ଡିଗଡ଼,୩୦।୧୧: ଭାରତୀୟ ଜନତା ପାର୍ଟିକୁ ବୁଧବାର ଏକ ବଡ ଝଟକା ଲାଗିଛି। ପଞ୍ଜାବ ବିଧାନସଭାର ପୂର୍ବତନ ଉପ ବାଚସ୍ପତି ଅଜାୟିବ ସିଂହ ଭଟ୍ଟି ଓ ପୂର୍ବତନ ଏମଏସପି ରାଜିନ୍ଦର ସିଂ ଭାଜପାରୁ ସମ୍ପର୍କ କାଟି କଂଗ୍ରେସରେ ଯୋଗ ଦେଇଥିଲେ। ଏହା ପୂର୍ବରୁ ରାଜକୁମାର ବେରକାଙ୍କ ସମେତ ୫ ପୂର୍ବତନ କଂଗ୍ରେସ ନେତା ବି ଭାଜପାକୁ ଛାଡି ଘର ବାହୁଡା ହୋଇଛନ୍ତି।
ବୁଧବାର ପଞ୍ଜାବ କଂଗ୍ରେସ ଭବନରେ ଭଟ୍ଟି ଓ ରାଜିନ୍ଦର ସିଂଙ୍କୁ ପ୍ରଦେଶ ମୁଖ୍ୟ ଅମରିନ୍ଦର ସିଂହ ରାଜା ବ୍ରାର ଓ ବିରୋଧୀ ଦଳ ନେତା ପ୍ରତାପ ସିଂ ବାଜଓ୍ବା ତାଙ୍କୁ କଂଗ୍ରେସ ଦଳକୁ ସ୍ବାଗତ କରିଥିଲେ। ସୂଚନାଯୋଗ୍ୟ, ଭଟ୍ଟି ସେହି ସମୟରେ କଂଗ୍ରେସ ଛାଡି ଭାଜପାରେ ଯୋଗ ଦେଇଥିଲେ ଯେତେବେଳେ କ୍ୟାପଟେନ ଅମରିନ୍ଦର ସିଂ କଂଗ୍ରେସ ଛାଡି ଭାଜପା ହାତ ଧରିଥିଲେ। ଅପରପକ୍ଷେ ଭଟ୍ଟିଙ୍କ ଭଳି ତାଙ୍କ ଝିଅ ଜୀବନ ଜ୍ୟୋତ କୌର ବି କଂଗ୍ରେସରେ ସାମିଲ ହୋଇଯାଇଛନ୍ତି।
