ଦେଶରେ ଅନେକ ରାଜନେତା ଅଛନ୍ତି, ଯେଉଁମାନେ କେବଳ ରାଜନୀତି ପାଇଁ ଲୋକଙ୍କ ମଧ୍ୟରେ ପରିଚିତ ନୁହଁନ୍ତି। ସେମାନେ ବ୍ୟକ୍ତିଗତ ଜୀବନକୁ ନେଇ ମଧ୍ୟ ଚର୍ଚ୍ଚାର ଶିରୋନାମା ପାଲଟିଛନ୍ତି। ଆସନ୍ତୁ ଜାଣିବା ସେଭଳି କିଛି ନେତାଙ୍କ ପତ୍ନୀ ଏବଂ ଶ୍ୱଶୁରଙ୍କ ସମ୍ପର୍କରେ…
ଆର୍ଜେଡି ଅଧ୍ୟକ୍ଷ ଲାଲୁ ପ୍ରସାଦ ଯାଦବ ୧୯୭୩ରେ ରାବିଡି ଦେବୀଙ୍କୁ ବିବାହ କରିଥିଲେ। ରାବିଡିଙ୍କ ବାପାଙ୍କ ନାମ ଶିବପ୍ରସାଦ ଚୌଧୁରୀ। ସେ ସମ୍ଭାନ୍ତ ଘରର ଥିଲେ।
୧୯୯୯ରେ ଅଖିଳେଶ ଯାଦବ ଡିମ୍ପଲଙ୍କୁ ବିବାହ କରିଥିଲେ। ଡିମ୍ପଲ ରାଜପୁତ ପରିବାରର ଥିଲେ। ତାଙ୍କ ବାପା ହେଉଛନ୍ତି ଏସ୍ସି ରାଓ୍ବତ। ଅଖିଳେଶଙ୍କ ଶ୍ୱଶୁର ଆର୍ମିରେ କର୍ନେଲ ରହିଥିଲେ।
ବିହାର ମୁଖ୍ୟମନ୍ତ୍ରୀ ନିତିଶ କୁମାର ମଞ୍ଜୁ କୁମାରୀଙ୍କୁ ବିବାହ କରିଥିଲେ। ତାଙ୍କ ଶ୍ୱଶୁରଙ୍କ ନାମ ସ୍ବ.କୃଷ୍ଣାନନ୍ଦ ସିହ୍ନା। ସେ ପାଟଣା ହାଇସ୍କୁଲର ଶିକ୍ଷକ ଥିଲେ।
୧୯୮୭ରେ କୋହ୍ଲାପୁରର ସୋନଲଙ୍କୁ ବିବାହ କରିଥିଲେ ଅମିତ ଶାହା। ସୋନଲ କୋହ୍ଲାପୁରର ପଦ୍ମାରାଜେ ଗର୍ଲସ୍ ହାଇସ୍କୁଲରୁ ସ୍କୁଲଶିକ୍ଷା ସମାପ୍ତ କରିଥିଲେ। ତାଙ୍କ ବାପାଙ୍କ ପାଖରେ କୋହ୍ଲାପୁରରେ ଜମି ଥିଲା।
ରାଜନାଥ ସିଂଙ୍କ ପୁଅ ପଙ୍କଜ ସିଂ ଉତ୍ତରପ୍ରଦେଶର ନୋଏଡାର ବିଧାୟକ ଅଛନ୍ତି। ତାଙ୍କ ପତ୍ନୀ ସୁଷମା ଅନ୍ତର୍ଜାତୀୟସ୍ତରର ଶୁଟର୍। ସେହିଭଳି ପଙ୍କଜଙ୍କ ଶ୍ୱଶୁର ନାରାୟଣ ସିଂ ରାଣା, ଉତ୍ତରାଖଣ୍ଡ ରାଜନୀତିରେ ସକ୍ରିୟ ଥିଲେ।
ଜମ୍ମୁ-କଶ୍ମୀରର ପୂର୍ବ ମୁଖ୍ୟମନ୍ତ୍ରୀ ଉମର ଅବଦୁଲ୍ଲା ୧୯୯୪ରେ ଦିଲ୍ଲୀର ପାୟଲଙ୍କୁ ବିବାହ କରିଥିଲେ। ପାୟଲଙ୍କ ବାପା ରାମନାଥ ସେନାରେ ମେଜର ଜେନେରାଲ ଥିଲେ। ୨୦୧୧ରେ ଉଭୟଙ୍କ ଛାଡ଼ପତ୍ର ହୋଇଯାଇଛି।
