ପୁରୀ,୨୨।୧(ଅଜିତ୍ କୁମାର ମହାନ୍ତି)- ପୁରୀ ଜଗନ୍ନାଥ ମନ୍ଦିରରେ ଖୁବଶୀଘ୍ର ବୋମା ପଡ଼ିବ,ଖୁବଶୀଘ୍ର ପୁରୀ ଗ୍ରାଣ୍ଡ ସେଣ୍ଟରରେ ଗୁଳି ଫୁଟେଇବୁ ଏବଂ ରାଜ୍ୟ ସଭା ଏମପି ଶୁଭାଶିଷ ଖୁଣ୍ଟଆଙ୍କୁ ଗୁଳିମାଡ଼ କରିବା ନେଇ ଧମକ ଦିଆଯାଇଥିଲା । ଏକ ଫେସବୁକ୍ ଆଇଡି ମାଧ୍ୟମରେ ପୋଷ୍ଟ ସୋସିଆଲ ମିଡିଆରେ ବେଶ ଭାଇରାଲ ହୋଇଥିଲା। ଯାହାକୁ ନେଇ ପୁରୀରେଏକ ଭୟରବାତାବଣ ସୃଷ୍ଟି ହୋଇଥିଲା। ଫେସବୁକରେ ଜୁଲିରାଣୀ ପଣ୍ଡା ନାମକ ଏକ ଫେସବୁକ୍ ଆଇଡିରୁ ଏପରୀ ଧମକ ପୂର୍ଣ୍ଣ ପୋଷ୍ଟ କରାଯାଇଥିଲା। ଏପରି ପୋଷ୍ଟ ଭାଇରାଲ ହେବା ପରେ ପୋଲିସ ପକ୍ଷରୁ ପଦକ୍ଷପ ଗ୍ରହଣ କରାଯାଇଛି । ଅପରପକ୍ଷରେ ଶୁଭାଶିଷ ଖୁଣ୍ଟିଆଙ୍କୁ ଦୁଇଦିନ ତଳେ ଫୋନ ମେସେଜ ଯୋଗେ ଧମକ ପୂର୍ଣ୍ଣ ମେସେଜ ଆସିଥିଲା।
୧୦ ଲକ୍ଷ ଟଙ୍କା ଦିଅ, ରାଜ୍ୟ ସଭାରୁ ଇସ୍ତଫା ଦିଅବୋଲି ଲେଖାଥିଲା। ତେବେ ତାହାକୁ ଖୁଣ୍ଟିଆ ଗୁରୁତ୍ୱର ସହ ନେଇଥିବା ବେଳେ ସୋସିଆଲ ମିଡିଆରେ ତାଙ୍କୁ ଗୁଳି କରାଯିବା ନେଇ ପୋଷ୍ଟ ହେବା ପରେ ତାଙ୍କୁ ସୁରକ୍ଷା ଯୋଗାଇଦେବାକୁ ସରକାରଙ୍କୁ କହିଛନ୍ତି। ତେବେ ଶ୍ରୀମନ୍ଦିରରେ ବୋମା ପକାଇବା ଏବଂ ରାଜ୍ୟ ସଭା ଏମପି ଶୁଭାଶିଷ ଖୁଣ୍ଟିଆଙ୍କୁ ଗୁଳିକରି ହତ୍ୟା ସହ ସୋସିଆଲ ମିଡିଆରେ ଧମକପୂର୍ଣ୍ଣ ପୋଷ୍ଟ ଅପଲୋଡ ହେବା ପରେ ପୋଲିସ ପକ୍ଷରୁ ତଦନ୍ତ ପ୍ରକ୍ରିୟାକୁ ଜୋରଦାର କରାଯାଇଛି । ଏନେଇ ଏସ୍ପି ସୂଚନା ଦେଇ କହିଛନ୍ତି, ଆମ ନଜରକୁ ଆସିଥିଲା ଗୋଟିଏ ଫେସବୁକ ଆଇଡିରେ କିଛି ଧମକପୂର୍ଣ୍ଣ ପୋଷ୍ଟ କରାଯାଇଛି। ନଜରକୁ ଆସିବା ପରେ ସାଇବର ଥାନା ପକ୍ଷରୁ ଉକ୍ତ ସୋସିଆଲ ମିଡିଆକୁ ଚିଠି କରାଯାଇଛି ତଥ୍ୟ ସଂଗ୍ରହ କରିବା ନିମନ୍ତେ। ପୋଷ୍ଟକୁ ମଧ୍ୟ ଯାଞ୍ଚ କରିବା ପାଇଁ ସିଟି ଡିଏସପିଙ୍କ ନେତୃତ୍ୱରେ ଏକ ସ୍ବତନ୍ତ୍ର ଟିମ୍ ଗଠନ କରାଯାଇ ଯାଞ୍ଚ କରାଯାଉଛି । ସୁରକ୍ଷାକୁ କଡାକଡି କରାଯିବା ସହ ସମସ୍ତଙ୍କୁ ଆଲଟ କରାଯାଇଛି।
ଶ୍ରୀମନ୍ଦିର ସ୍ବତନ୍ତ୍ର ସୁରକ୍ଷା ବାହିନୀ ଏବଂ ସ୍ବତନ୍ତ୍ର କମାଣ୍ଡୋ ଜଗନ୍ନାଥ ମନ୍ଦିର ସୁରକ୍ଷା ଦାୟିତ୍ୱରେ ରହିଛନ୍ତି । ପୁରୀ ସହରର ଗୁରୁତ୍ୱପୂର୍ଣ୍ଣ ସ୍ଥାନଗୁଡ଼ିକରେ ସୁରକ୍ଷା ବ୍ୟବସ୍ଥା ବଢ଼ାଯାଇଛି । ବୋମ ସ୍କାଡ ପ୍ର୍ଯଯକ ଦିନ ଶ୍ରୀମନ୍ଦିର ଚାରିପାଖକୁ ତନଖି କରୁଛ୍ନ୍ତି। ପୋଲିସ ପୋଷ୍ଟ ଘଟଣାରେ କିଛି ଜଣଙ୍କୁ ଅଟକ ରଖି ପଚରାଉଚରା କରାଯାଉଛି । ତେବେ ଯେପରୀ ସମସ୍ତ ତଥ୍ୟ ଆସିପାରିବ ସେ ନେଇ ପୋଲିସ ପକ୍ଷରୁ କାର୍ଯ୍ୟ କରାଯାଉଛି । ଖୋଲତାଡ କରାଯିବ। ସମସ୍ତ ଟିମ ଆଲର୍ଟ ଅଛନ୍ତି ତେଣୁ କେହି ଭୟଭିତ ହେବାର ନାହିଁ । ତେବେ ରାଜ୍ୟ ସଭା ଏମପିକୁ ଧମକ ଦିଆଯାଇଛି ସେ ନେଇ ଏମପିଙ୍କ ସହ ଆଲୋଚନା କରାଯାଇଛି । ତାଙ୍କୁ ସୁରକ୍ଷା ଯୋଗାଇଦେବା ଆମର ଦାଇତ୍ୱ। ପୋଷ୍ଟକୁ ନେଇ ଯାଞ୍ଚ କରାଯାଉଛି ଖୁବଶୀଘ୍ର ସମସ୍ତ ଘଟଣା ସାମ୍ନାକୁ ଆସିବ।
ଧମକପୂର୍ଣ୍ଣ ପୋଷ୍ଟ ଆସିଥିବା ସୋସିଆଲ ମିଡିଆ ଆକାଉଣ୍ଟର ୟୁଆରଏଲ୍ ଲିଙ୍କକୁ ଯାଞ୍ଚକରାଯାଉଛି । ଘଟଣା ସ୍ପଷ୍ଟ ହେବ ବୋଲି ପୁରୀ ଏସପି ପ୍ରତୀକ ସିଂ ସୂଚନା ଦେଇଛନ୍ତି । ସେହିପରି ଜୁଲିରାଣୀ ପଣ୍ଡା କିଏ ,ତାଙ୍କ ନାମ ନେଇ ଅ୍ଯଯ କିଏ ଏପରି ଆକାଉଣ୍ଟ କରି ପୋଷ୍ଟ କରିଛି ସେ ନେଇ ସିଟି ଡିଏଓପିଙ୍କ ନେତୁତ୍ୱରେ ଟିମ ଗଠନ କରାଯାଇ ତଦନ୍ତ କରାଯାଉଛି ବୋଲି ଏସ୍ପି କହିଛନ୍ତି। ଅପରପକ୍ଷରେ ରାଜ୍ୟ ସଭା ଏମପିଙ୍କ ଖୁଣ୍ଟିଆ କହିଛନ୍ତି କି ଦୁଇଦିନ ତଳେ ମୋ ମୋବାଇଲକୁ ଗୋଟିଏ ନମ୍ବରରୁ ମେସେଜ୍ ଯୋଗେ ୧୦ ଲକ୍ଷ ଟଙ୍କା ଦାବି କରିବା ସହ ରା୍ଯଯସଭା ଏମପିଙ୍କ ପଦରୁ ଇସ୍ତଫା ଦେବା ପାଇଁ ମେସେଜ ଆସିଥିଲା। ଏହା ଏକ ଫେକ୍ ମେସେଜ ଭାବି ଅଣଦେଖା କରିଥିଲି।ମାତ୍ର ମଙ୍ଗଳବାର ସୋସିଆଲ ମିଡିଆରେ ପୁଣି ଜୀବନରୁ ମାରିଦେବାକୁ ତଥା ଗୁଳିମାଡ଼ କରିବାକୁ ଧମକ ଆସିଛି।ଏନେଇ ପୋଲିସକୁ ଅବଗତ କରାଇଛି। ମୁଁ ଓ ମୋ ପରିବାରର ସୁରକ୍ଷା ବୃଦ୍ଧି ପାଇଁ ପୁରୀ ଏସପିଙ୍କୁ ନିବେଦନ କରିଛି । ଏହି ଘଟଣାକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସୋସିଆଲ ମିଡିଆ ଏକ୍ସ ମାଧ୍ୟମରେ ପୁରୀ ଶ୍ରୀମନ୍ଦିର ସୁରକ୍ଷା ଏବଂ ତାଙ୍କ ଜୀବନ ରକ୍ଷା ପାଇଁ ନିବେଦନ କରିଛନ୍ତି। ଏହା ସହ ଓଡ଼ିଶାରେ ଆଇନଶୃଙ୍ଖଳା ବିପର୍ଯ୍ୟସ୍ତ ହୋଇ ପଡ଼ିଥିବା, ପ୍ରଧାନମନ୍ତ୍ରୀଙ୍କୁ ଜଣାଇଛନ୍ତି। ଏଥିସହ ବିଜେଡି ସୁପ୍ରିମ ତଥା ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ମଧ୍ୟ ଜଣାଇଛନ୍ତି। ଖବରପାଇ ଏସପି ଙ୍କ ଠାରୁ ଆରମ୍ଭ କରି ଉଚ୍ଚ ପଦସ୍ଥ ଅତ୍ଧକରୀଙ୍କୁ ଜଣାଇଛି। ତେବେ ଘଟଣା ପଛରେ କେଉଁମାନେ ରହିଛନ୍ତି ,କାହିକି ଏପରୀ କରାଯାଇଛି ପୋଲିସ ତାହାର ତଦନ୍ତ କରି ଲୋକ ଲୋଚନକୁ ଆଣୁ ବୋଲି କହିଛନ୍ତି ।
