କୋକସରା, ୨୫।୧୨ (ଡି.ଏନ.ଏ)- କଳାହାଣ୍ଡି ବିଜେଡି ଜିଲା ସଭାପତି ତଥା ପୂର୍ବତନ ମନ୍ତ୍ରୀ ପୁଷ୍ପେନ୍ଦ୍ର ସିଂଦେଓ ଏବଂ ଧର୍ମଗଡ ବିଧାୟକ ମୌଷଧି ବାଗ ଗୁରୁବାର କୋକସରା ବ୍ଲକର ବିଭିନ୍ନ ପଞ୍ଚାୟତ ଗସ୍ତ କରିଛନ୍ତି। ଅଞ୍ଚଳବାସୀଙ୍କ ବହୁ ପ୍ରତୀକ୍ଷିତ ଇନ୍ଦ୍ରାବତୀ ମେଗା ଲିଫ୍ଟ କେନାଲକୁ ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆସନ୍ତା ନୂତନବର୍ଷ ୫ କିମ୍ବା ୬ ତାରିଖରେ ଲୋକାର୍ପଣ କରିବା କାର୍ଯ୍ୟକ୍ରମ ରହିଥିବା ବେଳେ ଏହାକୁ ନେଇ କୋକସରା ବ୍ଲକର କନ୍ଦାବୁଟୁରା, କାଶିବାହଲ, ଫୁଫଗା ପଞ୍ଚାୟତ ଓ ମୋଟେର ପଞ୍ଚାୟତର କୁସୁମଖୁଣ୍ଟି ଠାରେ ଜନସାଧାରଣଙ୍କୁ ଭେଟି ବିଜେଡି ସରକାରଙ୍କ ଏହି ଲୋକାଭିମୁଖୀ ପ୍ରକଳ୍ପ ଓ ଏହି ମେଗା ଲିଫ୍ଟ କେନାଳରୁ କୋକସରା ବ୍ଲକର ଚାଷୀଙ୍କୁ ଆଗାମୀ ଦିନରେ ପାଣି ମିଳିବା ସହ ଅଞ୍ଚଳରେ କୃଷିର ବିକାଶ ହେବା ସହ ଅର୍ଥନୈତିକ ସ୍ଥିତିରେ ମଧ୍ୟ ଚାଷୀ ଦୁଇ ପାଦ ଆଗକୁ ବଢ଼ିବେ ବୋଲି ଜିଲା ସଭାପତି କହିଛନ୍ତି । ଧର୍ମଗଡ ବିଧାୟକ ମଧ୍ୟ ଏହି ପ୍ରକଳ୍ପ ଆମ ପାଇଁ ଏକ ସୁନେଲି ଭବିଷ୍ୟତର ବାହକ ହେବ। ଏହି ପ୍ରକଳ୍ପ ପାଇଁ ଦୀର୍ଘ ବର୍ଷର ଉଦ୍ୟମ କରିଥିଲେ ପୁଷ୍ପେନ୍ଦ୍ର ସିଂଦେଓ ଆଜି ତାଙ୍କ ପ୍ରଚେଷ୍ଟାରେ ଏହା ସଫଳ ହୋଇ ପାରିଛି ବୋଲି କହିଛନ୍ତି । ଏହି ଗସ୍ତ ସମୟରେ କନ୍ଦାବୁଟୁରା ସମିତି ସଭ୍ୟା ଅଶୋକା ନାଏକ, କୋକସରା ବ୍ଲକ ବିଜେଡି ସଭାପତି ସୁଶାନ୍ତ ବେହେରା, ଆତ୍ମା କମିଟି ଅଧ୍ୟକ୍ଷ ଋତୁରାଜ ମାଝୀ, ପ୍ରମୋଦ ପ୍ରଧାନୀ, ଇଂ. ସୁଶିଲ କୁମାର ଶବର, ମାନସ ରଞ୍ଜନ ବାଗ, ମହେଶ ଗୁପ୍ତା, ବିନୋଦ ବିହାରୀ ରାଉତ, ପଞ୍ଚକ ପୋଢ଼ ସମେତ କନ୍ଦାବୁଟୁରା, କାଶିବାହଲ, କୁସୁମଖୁଣ୍ଟି ଓ ଫୁଫଗାର ଜନସାଧାରଣ ଉପସ୍ଥିତ ରହିଥିଲେ ।
