Advertisement

ପକ୍ଷୀଙ୍କ ଜୀବନ ନେଉଛି ବେଆଇନ ଚିଙ୍ଗୁଡ଼ି ଘେରି

ଭୁବନେଶ୍ୱର, ୫।୧(ବ୍ୟୁରୋ): ଚିଲିକା ହ୍ରଦକୁ ରାମସର ସାଇଟ୍‌ ମାନ୍ୟତା ମିଳିବା ପରେ ତାହାକୁ ଚିଙ୍ଗୁଡ଼ି ଘେରିମୁକ୍ତ କରିବା ପାଇଁ ବ୍ୟବସ୍ଥା କରାଯାଇଥିଲା। ହାଇକୋର୍ଟ ମଧ୍ୟ ବେଆଇନ ଚିଙ୍ଗୁଡ଼ି ଘେରି ଉଚ୍ଛେଦ ପାଇଁ ଆଦେଶ ଦେଇଥିଲେ। କିନ୍ତୁ ଜିଲା ଓ ସ୍ଥାନୀୟ ପ୍ରଶାସନ ଏହି ଆଦେଶକୁ ଠିକ୍‌ ଭାବେ ପାଳନ କରୁ ନ ଥିବାରୁ ଏବେବି ଚିଲିକା ଭିତରେ ଶହ ଶହ ବେଆଇନ ଚିଙ୍ଗୁଡ଼ି ଘେରି ସେମିତି ଚାଲିଛି। ବୁଧବାର ଚିଲିକାରେ ପକ୍ଷୀ ଗଣନାବେଳେ ସାତପଡ଼ା ରେଞ୍ଜ ଅଞ୍ଚଳରେ ଗଣନାକାରୀ ଟିମ୍‌ ଏଭଳି ଚିଙ୍ଗୁଡ଼ି ଘେରି ଦେଖିବାକୁ ପାଇଥିଲେ। ଖାଲି ସେତିକି ନୁହେଁ, ଚିଙ୍ଗୁଡ଼ି ଘେରି ତିଆରି ହୋଇଥିବା ଜାଲରେ ପାଣିକୁଆ ସମେତ ଅନ୍ୟ ପକ୍ଷୀଗୁଡ଼ିକ ଫସି ଯାଉଥିବା ମଧ୍ୟ ଜାଣିବାକୁ ପାଇଥିଲେ। କେନ୍ଦ୍ରାପଡ଼ା ଥାନା ଇନ୍ସପେକ୍ଟର ଜ୍ୟୋତିରଞ୍ଜନ ସାମନ୍ତରାୟ, ସ୍ନେକ୍‌ ହେଲ୍ପ ଲାଇନର ସଂଯୋଜକ ଲଳିତ ମୋହନ ପଣ୍ଡା, ଅରଖକୁଦା ଫରେଷ୍ଟର ଦୁର୍ଗା ଚରଣ ଟୁଡୁ ପ୍ରମୁଖ ପକ୍ଷୀ ଗଣନା କରୁଥିବାବେଳେ ମାଣିକ ପାଟଣା ନିକଟରେ ଏକ ଚିଙ୍ଗୁଡ଼ି ଘେରି ଭିତରେ ପାଣିକୁଆ (Little cormorant) ମାଛ ଖାଇବା ଆଶାରେ ପଶିଯିବା ପରେ ଆଉ ଫେରି ନ ପାରି ଜାଲରେ ଛନ୍ଦି ହୋଇ ଛଟପଟ ହେଉଥିବା ଦେଖିଥିଲେ। ପରେ ସମସ୍ତେ ମିଶି ଚିଙ୍ଗୁଡି ଘେରିର ବାଉଁଶକୁ ଓପାଡ଼ି ଯତ୍ନର ସହିତ ପାଣିକୁଆଟିକୁ ଉଦ୍ଧାର କରିଥିଲେ। ପକ୍ଷୀଟି ଦେହରେ ବିଶେଷ ଆଘାତ ନ ଥିବାରୁ ସେହି ସ୍ଥାନରେ ହିଁ ତାକୁ ମୁକ୍ତ କରିଦିଆଯାଇଥିଲା। ଏନେଇ ଲଳିତ କହିଛନ୍ତି, ଉଦ୍ଧାରବେଳେ ପାଣିକୁଆଟିର ପଞ୍ଝା ବାଜି ମୋ ହାତ ଟିକେ ଆଞ୍ଚୁଡି ହୋଇଥିଲା ସତ, ହେଲେ ପକ୍ଷୀଟି ମୋ ହାତରୁ ଉଡ଼ିଯିବାବେଳେ ଯେଉଁ ଖୁସି ମିଳିଥିଲା ତାହା ଯନ୍ତ୍ରଣାକୁ ଲାଘବ କରି ଦେଇଥିଲା।

ସେପଟେ ପକ୍ଷୀ ଗଣନାବେଳେ ଡଙ୍ଗା ବାରଣ କରାଯାଇଥିଲେ ମଧ୍ୟ ପର୍ଯ୍ୟଟକଙ୍କ ଡଙ୍ଗା ବୁଲୁଥିବା ଦେଖିଥିଲେ। ବୁଧବାର ପକ୍ଷୀ ଗଣନା ପାଇଁ ସକାଳବେଳା ଚିଲିକାରେ ମଙ୍ଗଳାଯୋଡ଼ି, ରମ୍ଭା ଆଦି ଅଞ୍ଚଳରେ ପର୍ଯ୍ୟଟକ ଡଙ୍ଗାକୁ ବାରଣ କରାଯାଇଥିବାବେଳେ ସାତପଡ଼ାରେ କିନ୍ତୁ ପ୍ରାୟ ଦୁଇଶହରୁ ଊର୍ଦ୍ଧ୍ୱ ଡଙ୍ଗା ଭିତରେ ପର୍ଯ୍ୟଟକଙ୍କୁ ବୁଲାଉଥିଲା। ଏନେଇ ବନ୍ୟପ୍ରାଣୀ ବିଶେଷଜ୍ଞ ବିଶ୍ୱଜିତ ମହାନ୍ତି କହିଛନ୍ତି, ରାଜ୍ୟରେ ସବୁ ସ୍ଥାନରେ ପକ୍ଷୀ ଗଣନା ପାଇଁ ସକାଳବେଳା ପର୍ଯ୍ୟଟନ ବନ୍ଦ ରଖାଯାଇଥାଏ। କାରଣ ଡଙ୍ଗା ପଶିଲେ ପକ୍ଷୀମାନେ ଉଡ଼ିଯିବେ। ସେହିପରି ସାତପଡ଼ାରେ ପର୍ଯ୍ୟଟକଙ୍କ ମାତ୍ରାଧିକ ସମାଗମ ଓ ଡଙ୍ଗା ଚଳାଚଳ ହେତୁ ଚିଲିକାରେ ଡଲଫିନ ସଂଖ୍ୟା ଦୀର୍ଘ ୧୫ବର୍ଷ ହେଲା ବଢ଼ିପାରୁନି। ଯଦିଓ ଚିଲିକାରେ ଅଧିକ ସଂଖ୍ୟକ ଡଲଫିନ ରହିବା ପାଇଁ ସ୍ଥାନର ଅଭାବ ନାହିଁ, ମାତ୍ର ବନ ବିଭାଗର ନିଷ୍କ୍ରିୟତା ଏବଂ ଅବିଚାରିତ ପର୍ଯ୍ୟଟନ ପାଇଁ ଡଲଫିନ ବଂଶ ଶୀଘ୍ର ଲୋପ ପାଇବ। ସେହିପରି ବେଆଇନ ଚିଙ୍ଗୁଡି ଘେରି ପାଇଁ ଡଲଫିନ୍‌ ବାସସ୍ଥାନ ଗୁରୁତର ପ୍ରଭାବିତ ହେଉଛି ବୋଲି ସେ କହିଛନ୍ତି। ଉଲ୍ଲେଖଯୋଗ୍ୟ, ସାତପଡ଼ାରେ ଖାଲି ଚିଙ୍ଗୁଡ଼ି ଘେରି ପକ୍ଷୀ ବା ଡଲ୍‌ଫିନଙ୍କ ପାଇଁ ବିପଦ ଆଣୁଛି ତାହା ନୁହେଁ, ମାତ୍ରାଧିକ ପର୍ଯ୍ୟଟନ ମଧ୍ୟ ଡଲଫିନଙ୍କ ବଂଶ ବିସ୍ତାର କରିବା ଦିଗରେ ଅନ୍ତରାୟ ସୃଷ୍ଟି କରୁଛି। ଡଲଫିନଙ୍କ ପଛରେ ପର୍ଯ୍ୟଟକ ଡଙ୍ଗା ଦିନ ତମାମ ଗୋଡ଼େଇବା ଫଳରେ ସେମାନଙ୍କର ପ୍ରଜନନ ପ୍ରକ୍ରିୟାରେ ବାଧା ସୃଷ୍ଟି ହେଉଛି ବୋଲି ବିଶ୍ୱଜିତ୍‌ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

‘ଚାଷୀଙ୍କ ସମସ୍ୟାକୁ ଗୁରୁତ୍ୱ ଦେବି’

ସୋନପୁର,୧।୭: ସୁବର୍ଣ୍ଣପୁରର ୩୦ତମ ଜିଲାପାଳ ଭାବେ ଅବୋଲି ସୁନିଲ ନରଓ୍ବଣେ ଗୁରୁବାର ଦାୟିତ୍ୱ ଗ୍ରହଣ କରିଛନ୍ତି। ନରଓ୍ବଣେ ଏହା ପୂର୍ବରୁ ରାଉରକେଲାର ଅତିରିକ୍ତ ଜିଲାପାଳ ଭାବେ...

ଖୋର୍ଦ୍ଧାରେ ଟ୍ରାଫିକ୍‌ ପୋଲିସ, ଏଏସ୍‌ଆଇଙ୍କ ଦାଦାଗିରି: ଲାଞ୍ଚ ନ ଦେବାରୁ ପିଟିଲେ, ଚାଲାଣ ନ କାଟି ଛଡ଼ାଇନେଲେ ୫ଶହ ଟଙ୍କା

ଖୋର୍ଦ୍ଧା ଅଫିସ, ୨୫ ।୧୨: ଖୋର୍ଦ୍ଧା ଆଦର୍ଶ ଥାନା ବ୍ୟାଙ୍କ ଛକରେ ଜଣେ ଟ୍ରାଫିକ ପୋଲିସ ଓ ଆଦର୍ଶ ଥାନା ଏଏସ୍‌ଆଇଙ୍କର ଦାଦାଗିରି ଯୋଗୁ ବୁଧବାର...

ରହୁନି କଟକଣା, ସୁରକ୍ଷା ଢିଲା

ପୁରୁଣା ଭୁବନେଶ୍ୱର,୨୯।୧୨(ଡି.ଏନ୍‌.ଏ.): ପର୍ଯ୍ୟଟନ ଋତୁ ପାଇଁ ରାଜଧାନୀର ଖଣ୍ଡଗିରି, ଉଦୟଗିରି, ନନ୍ଦନକାନନ, ଧଉଳି ଆଦି ପର୍ଯ୍ୟଟନ କ୍ଷେତ୍ରରେ ନାହିଁ ନଥିବା ଭିଡ଼ ପରିଲକ୍ଷିତ ହେଉଛି। ଏଥିରୁ...

ଓଲଟିଲା ବସ୍‌, ୩୫ ଯାତ୍ରୀ ଆହତ

ସମ୍ବଲପୁର,୯।୮(ବ୍ୟୁରୋ): ଭାରସାମ୍ୟ ହରାଇ ଓଲଟିଲା ଯାତ୍ରୀବାହୀ ବସ୍‌। ସମ୍ବଲପୁର ଜିଲା ଜୁଜୁମୁରା ଥାନା ଅନ୍ତର୍ଗତ ଫୁଲଝରଣ ନିକଟରେ ମଙ୍ଗଳବାର ଏଭଳି ଏକ ଦୁର୍ଘଟଣା ଘଟିଛି। ଏଥିରେ...

୧୦ ଜିଲାରେ ହେବ ଇ-ଆଇସିୟୁ ବ୍ୟବସ୍ଥା

ଭୁବନେଶ୍ୱର,୩୧ା୮(ବ୍ୟୁରୋ): ସ୍ବାସ୍ଥ୍ୟସେବାରେ ଉନ୍ନତି ଆଣିବା ନିମନ୍ତେ ରାଜ୍ୟ ସରକାର ଇ-ଆଇସିୟୁ ବ୍ୟବସ୍ଥା ଆରମ୍ଭ କରିବାକୁ ଯାଉଛନ୍ତି। ଜିଲାସ୍ତରୀୟ ମୁଖ୍ୟ ଚିକିତ୍ସାଳୟରେ ପ୍ରତିଷ୍ଠିତ ଆଇସିୟୁଗୁଡ଼ିକୁ ଏହା ମାଧ୍ୟମରେ...

ରାଜ୍ୟରେ ୩୫% କମ୍‌ ବର୍ଷା

ଭୁବନେଶ୍ୱର,୨୮ା୬(ବ୍ୟୁରୋ):ଦୁର୍ବଳ ମୌସୁମୀ ପ୍ରଭାବ ଓଡ଼ିଶାରେ ଦେଖିବାକୁ ମିଳିଲାଣି। ରାଜ୍ୟର ଚାଷୀମାନେ ମୁଖ୍ୟତଃ ମୌସୁମୀ ବର୍ଷା ଉପରେ ନିର୍ଭର କରିଥାଆନ୍ତି। ବର୍ଷା ନ ଥିବାରୁ ଚାଷୀ ହାତ...

ଜନନୀ ଯନ୍ତ୍ରଣା: ପହଞ୍ଚି ପାରିଲାନି ଆମ୍ବୁଲାନ୍ସ, ଖଟରେ ବୁହାହେଲେ ପ୍ରସୂତି

ରାୟଗଡା ଅଫିସ, ୧୮।୩: ଖଟରେ ବୁହା ହେଲେ ପ୍ରସୂତି। ଗ୍ରାମକୁ ରାସ୍ତା ନ ଥିବାରୁ ପ୍ରସୂତିଙ୍କୁ ଖଟରେ ବୁହା ହୋଇଥିବା ଭଳି ଘଟଣା ଦେଖିବାକୁ ମିଳିଛି...

ଆଜି ଖୋଲିବ ପ୍ରଥମରୁ ସପ୍ତମ ଶ୍ରେଣୀ: ୨୮ରୁ ସ୍କୁଲ ଯିବେ ପିଲା

ଭୁବନେଶ୍ୱର, ୧୪।୨(ବ୍ୟୁରୋ): ସାରା ରାଜ୍ୟରେ ସୋମବାରଠାରୁ ପ୍ରଥମରୁ ସପ୍ତମ ଶ୍ରେଣୀ ପର୍ଯ୍ୟନ୍ତ ସ୍କୁଲ ଖୋଲିବ। ହେଲେ ଏବେ ଛାତ୍ରୀଛାତ୍ରମାନେ ସ୍କୁଲ ଯିବେ ନାହିଁ। କେବଳ ଶିକ୍ଷକ...

Advertisement
Archives

Model This Week