କାମ ନ କରି ୬୩ ଲକ୍ଷ ଟଙ୍କାର ବିଲ୍‌

ପଟ୍ଟାମୁଣ୍ଡାଇ,୨୬ା୧୧(ସ୍ବ.ପ୍ର.): ରାଜ୍ୟ ସରକାର କୋଭିଡ୍‌ ଗାଇଡ୍‌ ଲାଇନ୍‌କୁ କଡ଼ାକଡ଼ି ଲାଗୁ କରିବା ସହ ବିଭିନ୍ନ ବିଭାଗର ଉନ୍ନୟନମୂଳକ କାର୍ଯ୍ୟକୁ ବନ୍ଦ ରଖିଥିଲେ। ହେଲେ ପଟ୍ଟାମୁଣ୍ଡାଇ ପୂର୍ତ୍ତ ବିଭାଗ ସବ୍‌ଡିଭିଜନରେ ରାସ୍ତା ନିର୍ମାଣ ଓ ମରାମତି କରାଯାଇଥିବା କାଗଜପତ୍ରରେ ଦର୍ଶାଯାଇଛି। ୨୦୨୦-୨୧ଆର୍ଥତ୍କ ବର୍ଷରେ ବିଭିନ୍ନ କାମ ଆଳରେ ୬୩,୨୯,୩୧୫ ଟଙ୍କା ହରିଲୁଟ ହୋଇଥିବା ସୂଚନା ଅଧିକାର ଆଇନ ବଳରେ ମିଳିଥିବା ବିଭାଗୀୟ ତଥ୍ୟରୁ ଜଣାପଡିଛି। ସୂଚନା ଅଧିକାର କର୍ମୀ କଳ୍ପତରୁ ନାୟକ କେନ୍ଦ୍ରାପଡ଼ା ପୂର୍ତ୍ତ ବିଭାଗ ଡିଭିଜନ-୧ ନିର୍ବାହୀ ଯନ୍ତ୍ରୀଙ୍କୁ ମାଗିଥିବା ତଥ୍ୟକୁ ଆଧାର କରି ଯେଉଁ ତଥ୍ୟ ପ୍ରଦାନ କରାଯାଇଛି ତାହା ସମସ୍ତଙ୍କୁ ସ୍ତମ୍ଭୀଭୂତ କରିଦେବ। ପଟ୍ଟାମୁଣ୍ଡାଇ ପୂର୍ତ୍ତ ବିଭାଗ ସବ୍‌ଡିଭିଜନ ଅଧୀନରେ ଥିବା ବ୍ରାହ୍ମଣୀ ନଦୀ ବନ୍ୟା ନିରୋଧକ ବନ୍ଧର ପଟ୍ଟାମୁଣ୍ଡାଇ-ରାଜନଗର ରାସ୍ତାରେ କରାଯାଇଛି ଏଭଳି କେଳେଙ୍କାରୀ। ରାସ୍ତାର ଶୂନ୍ୟ କିମି ପଟ୍ଟାମୁଣ୍ଡାଇ ବାଇପାସଠାରୁ ମଦନପୁର ପର୍ଯ୍ୟନ୍ତ ରାସ୍ତାରେ ହୋଇଛି ଏଭଳି ଠକେଇ। ଗୋଟିଏ ମାତ୍ର ପ୍ରକଳ୍ପ କାର୍ଯ୍ୟ ଟେଣ୍ଡର ମାଧ୍ୟମରେ ହୋଇଛି। ଅନ୍ୟସବୁ କାର୍ଯ୍ୟ ବିଭିନ୍ନ ପ୍ରଭାବଶାଳୀ ବ୍ୟକ୍ତିଙ୍କୁ ସ୍ପିଟଅପ କାମ ଜରିଆରେ ଠିକାଦାରି ଦିଆଯାଇଛି। ଏହି କାର୍ଯ୍ୟକୁ ବିଭାଗୀୟ ଭାବେ କରାଯାଇଥିବା ଦର୍ଶାଯାଇଛି। ଏହି ସବୁକାର୍ଯ୍ୟ ବିଭାଗୀୟ ଅଧିକାରୀ ଓ ଠିକାଦାରଙ୍କ ମଧ୍ୟରେ ଚାଲିଥିବା ମଧୁଚନ୍ଦ୍ରିକାର ଫଳ ବୋଲି ଅଭିଯୋଗ ହୋଇଛି।

ମିଳିଥିବା ତଥ୍ୟ ଅନୁଯାୟୀ, ପଟ୍ଟାମୁଣ୍ଡାଇ ବଜାର ଶୂନ୍ୟ କିମିଠାରୁ ୪ କିମି ଅଳଭା ପର୍ଯ୍ୟନ୍ତ ବିଭାଗୀୟ ଟେଣ୍ଡର ମାଧ୍ୟମରେ ୧୫,୧୭,୪୦୧ ଟଙ୍କା ଖର୍ଚ୍ଚ କରାଯାଇ ୪ା୯ା୨୦ରେ ବିଲ୍‌୍‌ ପୈଠ ହୋଇଛି। କିନ୍ତୁ ଏହି ରାସ୍ତାଟି ଏବେ ମରଣଯନ୍ତା ପାଲଟିଛି। ଆଣ୍ଠୁଏ ଲେଖାଏ ଗର୍ତ୍ତ ସୃଷ୍ଟି ହୋଇ ଯାତାୟାତ ଠପ ହୋଇଛି। ସେହିପରି ଏହି ରାସ୍ତାର ୬.୩୦୦ କିମିଠାରୁ ୬.୫୩୦ କିମି ୨୩୦ ମିଟର ରାସ୍ତାର ମରାମତି ପାଇଁ ୨,୫୯,୦୫୬ ଟଙ୍କା ଖର୍ଚ୍ଚ ହୋଇଛି। ୨୧ା୧ା୨୧ରେ ବିଲ୍‌ ପୈଠ କରାଯାଇଛି। ଏହି ରାସ୍ତାର ୮.୫୧୦ଠାରୁ ୮.୭୪୦ କିମି ୨୩୦ ମିଟର ରାସ୍ତା ମରାମତି ପାଇଁ ୨,୫୯,୬୬୬ ଟଙ୍କା ଖର୍ଚ୍ଚ ହୋଇଥିବା ବେଳେ ୧୮ା୧ା୨୧ରେ ବିଲ୍‌ ପୈଠ ହୋଇଛି। ଅନ୍ୟପକ୍ଷରେ ଏହି ରାସ୍ତାର ୯କିମିଠାରୁ ୯.୨୩୦ କିମି ପର୍ଯ୍ୟନ୍ତ ୨୩୦ ମିଟର ରାସ୍ତାକୁ ମରାମତି କାର୍ଯ୍ୟ ପାଇଁ ବିଭାଗ ପକ୍ଷରୁ ୨,୯୬,୧୦୦ ଟଙ୍କା ଖର୍ଚ୍ଚ କରାଯାଇ ୧୭ା୧ା୨୧ରେ ବିଲ୍‌ ପୈଠ ହୋଇଛି। ବିଭାଗୀୟ ନିର୍ବାହୀ ଯନ୍ତ୍ରୀଙ୍କ ଦ୍ୱାରା ପାସ ପର ପେମେଣ୍ଟ ଅର୍ଡର କରାଯାଇ ନ ଥିବା ଓ ଦସ୍ତଖତ ନ ଥିବା ଜଣାପଡିଛି। ପୁଣି ରାସ୍ତାର ୬.୭୬୦ ଠାରୁ ୬.୯୮୦ କିମି ପର୍ଯ୍ୟନ୍ତ ୨୨୦ ମିଟର ରାସ୍ତା ମରାମତି ପାଇଁ ୨,୨୮,୨୦୫ ଟଙ୍କା ବ୍ୟୟ କରାଯାଇ ୧୨ା୨ା୨୧ରେ ବିଲ୍‌ କରାଯାଇଛି। ଉକ୍ତ ରାସ୍ତାର ୫.୦୨୦ ଠାରୁ ୫.୨୫୦ କିମି ପର୍ଯ୍ୟନ୍ତ ୨୩୦ ମିଟର ରାସ୍ତା ମରାମତି ପାଇଁ ୨,୬୨,୫୨୬ ଟଙ୍କା ଖର୍ଚ୍ଚ ଦର୍ଶାଯାଇ ୧୬ା୧ା୨୧ରେ ବିଲ୍‌ ହୋଇଛି। ରାସ୍ତାର ୭.୬୫୫ଠାରୁ ୮.୦୫୦ କିମି ପର୍ଯ୍ୟନ୍ତ ୪୦୦ ମିଟର ପର୍ଯ୍ୟନ୍ତ ରାସ୍ତା ମରାମତି ପାଇଁ ୪ ଲକ୍ଷ ୫,୪୫୮ ଟଙ୍କାର ବିଲ ୧ା୨ା୨୧ରେ ପୈଠ ହୋଇଛି। ଏହି ରାସ୍ତାର ୧୬ ଠାରୁ ୨୦ କିମି ୪ କିମି ରାସ୍ତାପାଶର୍‌ବରେ ଥିବା ଗଛ ଗଣ୍ଡିରେ ଓ ପୋଲରେ ରଙ୍ଗ ଦେବାକୁ ବିଭାଗ ଖର୍ଚ୍ଚ କରିଛି ୨,୪୯,୮୧୦ ଟଙ୍କା। ଏହାର ବିଲ୍‌ ୧୮ା୧୨ା୨୦ରେ କରାଯାଇଛି। ସେହିପରି ରାସ୍ତାର ୯.୫୦୦ଠାରୁ ୯.୭୩୦ କିମି ପର୍ଯ୍ୟନ୍ତ ୨୩୦ ମିଟର ରାସ୍ତା ମରାମତି ପାଇଁ ବିଭାଗ ପକ୍ଷରୁ ୨,୬୩,୩୧୨ ଟଙ୍କା ଖର୍ଚ୍ଚ କରାଯାଇ ୩୦ା୧ା୨୧ରେ ବିଲ୍‌ ହୋଇଛି। ଏହି ରାସ୍ତାର ୯.୨୪୦ଠାରୁ ୯.୪୭୦ କିମି ୨୩୦ ମିଟର ନିର୍ମାଣ ପାଇଁ ୨,୯୯,୩୬୧ ଟଙ୍କା ବ୍ୟୟରେ ୨୭ା୧ା୨୧ରେ ବିଲ୍‌ ପୈଠ ହୋଇଛି। ଏହି ରାସ୍ତାର ୬.୫୩୦ଠାରୁ ୬.୭୬୦ କିମି ଯାଏ ୨୩୦ ମିଟର କାର୍ଯ୍ୟ ପାଇଁ ୫ା୨ା୨୧ରେ ୨,୫୨,୫୭୪ ଟଙ୍କା ବିଭାଗ ବିଲ୍‌ କରାଯାଇଛି। ରାସ୍ତାର ୮.୦୫୦ଠାରୁ ୮.୨୮୦ କିମି ପର୍ଯ୍ୟନ୍ତ ୨୩୦ ମିଟର ବାବଦରେ ୨,୬୧,୫୨୨ ଟଙ୍କା ଖର୍ଚ୍ଚ ହୋଇଥିବା ବେଳେ ୧୯ା୧ା୨୧ରେ ବିଲ୍‌ ହୋଇଛି। ରାସ୍ତାର ୧୧.୭୦୦ଠାରୁ ୧୧.୯୩୦ କିମି ପର୍ଯ୍ୟନ୍ତ ୨୩୦ ମିଟର ରାସ୍ତାର ମରାମତି ପାଇଁ ୨,୨୩,୧୬୯ ଟଙ୍କା ବ୍ୟୟ କରାଯାଇ ୩ା୨ା୨୧ରେ ବିଲ୍‌ ପୈଠ ହୋଇଛି। ଏହି ରାସ୍ତାର ୫.୭୭୦ ଠାରୁ ୬ କିମି ପର୍ଯ୍ୟନ୍ତ ୨୩୦ ମିଟର କାର୍ଯ୍ୟ ପାଇଁ ଏଫଡିଆର ଅନୁଦାନ ଅର୍ଥରେ ବିଭାଗ ୨,୬୨,୩୫୯ ଟଙ୍କା ଖର୍ଚ୍ଚ କରି ୨୦ା୧ା୨୧ରେ ବିଲ୍‌ ପୈଠ କରିଛି। ପୁଣି ରାସ୍ତାର ୪ ଠାରୁ ୪.୫୧୦ କିମି ପର୍ଯ୍ୟନ୍ତ ୫୧୦ ମିଟର ମରାମତି ପାଇଁ ୪,୧୭, ୬୩୮ ଟଙ୍କା ଖର୍ଚ୍ଚ କରାଯାଇ ୧୨ା୧ା୨୧ରେ ବିଲ୍‌ କରାଯାଇଛି। ସେହିପରି ପଟ୍ଟାମୁଣ୍ଡାଇ-ରାଜନଗର ରାସ୍ତାର ବ୍ରାହ୍ମଣୀ ବନ୍ୟା ନିରୋଧକ ବନ୍ଧ ଅଳଭା ଜଙ୍କ୍‌ସନ ସ୍କୋୟାରର ନିର୍ମାଣ ପାଇଁ ୮,୭୦,୬୩୫ ଟଙ୍କା ବିଭାଗ ଖର୍ଚ୍ଚ କରି ୨୮ା୭ା୨୦ରେ ବିଲ୍‌ ହୋଇଛି। ୨୦୨୦-୨୧ ଆର୍ଥିକ ବର୍ଷରେ ରାସ୍ତାର ଆଶୁ ମରାମତି, ନିର୍ମାଣ ଓ ଅନ୍ୟ କାର୍ଯ୍ୟ ଦର୍ଶାଇ ମୋଟ ୬୩,୨୯,୩୧୫ ଟଙ୍କା ବିଭାଗ ଖର୍ଚ୍ଚ କରିଛି। କିନ୍ତୁ ଦୁଇବର୍ଷ ହେଲା ରାସ୍ତା ମରଣଯନ୍ତା ପାଲଟିଛି। ଏହାର ଭିଜିଲାନ୍ସ ତଦନ୍ତ କରିବାକୁ ପୂର୍ବତନ ବିଧାୟକ ଅଲେଖ କୁମାର ଜେନା, ପଟ୍ଟାମୁଣ୍ଡାଇ ବ୍ଲକ କଂଗ୍ରେସ ସଭାପତି ମଳୟ କୁମାର ଦାସ ଦାବି କରିଛନ୍ତି। ଏହା ବ୍ୟତୀତ କାର୍ଯ୍ୟ ଦିବସଗୁଡ଼ିକ ଅନୁଧ୍ୟାନ କଲେ ଲକ୍‌ଡାଉନ ବେଳେ ରାସ୍ତା କାମ ହୋଇଛି। ଘରୁ କେହି ବାହାରକୁ ଆସୁ ନ ଥିବା ବେଳେ କିପରି ରାସ୍ତା ନିର୍ମାଣ ହେଲା ସାଧାରଣରେ ପ୍ରଶ୍ନବାଚୀ ସୃଷ୍ଟି କରିଛି। ଏ ସମ୍ପର୍କରେ ବିଭାଗୀୟ ସହ ନିର୍ବାହୀଯନ୍ତ୍ରୀ ରାମଚନ୍ଦ୍ର ନାୟକଙ୍କୁ ପଚାରିବାରେ ନିର୍ମାଣ କାମରେ ଅନିୟମିତତା ନାହିଁ। ତେବେ ଗାଡିମୋଟରର ଅତ୍ୟଧିକ ଭାଇବ୍ରେଶନ ଯୋଗୁ ମାଟି ସହ୍ୟ ନ କରି ରାସ୍ତାରେ ଖାଲଖମା ହୋଇଛି ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଝାରସୁଗୁଡ଼ା, ବ୍ରଜରାଜନଗରରେ ଲକ୍‌ଡାଉନ୍‌: ରାସ୍ତାଘାଟ ଶୂନ୍‌ଶାନ, ବଜାର ଫାଙ୍କା

ଝାରସୁଗୁଡା ଅଫିସ,୨୨।୩- କରୋନା ଭୁତାଣୁର ସଂକ୍ରମଣକୁ ରୋକିବା ପାଇଁ ରବିବାର ଦିନିକିଆ ଜନତା କର୍ଫ୍ୟୁ ପାଳନ କରିବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦେଶବାସୀଙ୍କୁ ଅନୁରୋଧ କରିଥିଲେ।...

କୋଚିଂ ସେଣ୍ଟରରେ ପାଠ ପଢ଼ାଇ ୨ ଅଧ୍ୟାପକ ତଣ୍ଡ ଗଣିଲେ

ବୌଦ୍ଧ,୧୫ା୫(ସ୍ବ.ପ୍ର.)-କେରାନା ଭୁତାଣୁ ସଂକ୍ରମଣ ଆଶଙ୍କାରେ ସାରା ଦେଶରେ ସମସ୍ତ ଶିକ୍ଷା ଅନୁଷ୍ଠାନ ସହ କୋଚିଂ ସେଣ୍ଟର ବନ୍ଦ ରହିଛି। ଯେଉଁମାନେ ଏହାର ଅବମାନନା କରିବେ ସେମାନେ...

ନିର୍ମାଣ ହେଉନି ବଢ଼େଇପୁର ଗ୍ରାମ ରାସ୍ତା

ଆର.ଉଦୟଗିରି,୯ା୫(ଡି.ଏନ.ଏ.): ମୋହନା ବ୍ଲକ ଏକ ଆଦିବାସୀ ବହୁଳ ଅଞ୍ଚଳ। ଏହି ବ୍ଲକର ବିକାଶ ପାଇଁ ସରକାର କୋଟି କୋଟି ଟଙ୍କାର ଅନୁଦାନ ଦେଇଥାନ୍ତି । କିନ୍ତୁ...

ବେକରି ଫ୍ୟାକ୍ଟ୍ରିକୁ ଯାଉଥିଲା ପଚା ଅଣ୍ଡା: ରାସ୍ତାରେ ଜବତ କଲା ସିଏମ୍‌ସି

କଟକ ଅଫିସ,୬।୧୦: କଟକ ମହାନଗର ନିଗମ (ସିଏମ୍‌ସି) ବୁଧବାର ଅଟୋରେ ଯାଉଥିବା ୧୦ ପେଟି ପଚା ଅଣ୍ଡା ଜବତ କରିଛି। ଏହି ଅଣ୍ଡାକୁ ପାଉଁରୁଟି, କେକ...

ପଞ୍ଚାୟତିରାଜ ଓ ପାନୀୟ ଜଳ ବିଭାଗ ଖର୍ଚ୍ଚ ଦାବି ଆଲୋଚନା: ପେସା ଆଇନ କଥା ଉଠାଇଲେ ନରସିଂହ

ଭୁବନେଶ୍ୱର, ୨୦ା୭(ବ୍ୟୁରୋ): ବିଧାନସଭାରେ ଶୁକ୍ରବାର ଅପରାହ୍ନରେ ପଞ୍ଚାୟତିରାଜ ଓ ପାନୀୟ ଜଳ ବିଭାଗର ଖର୍ଚ୍ଚ ଦାବି ଉପରେ ଆଲୋଚନା ପାଇଁ ବାଚସ୍ପତି ସୂର୍ଯ୍ୟ ନାରାୟଣ ପାତ୍ର...

ନାବାଳିକାଙ୍କୁ ବଳାତ୍କାର, ଅଭିଯୁକ୍ତ ଗିରଫ

ତୁମୁଡିବନ୍ଧ,୩୦ା୧୧(ଡି.ଏନ୍‌.ଏ.): ଜଣେ ନାବାଳିକା(୧୪)ଙ୍କୁ ବଳାତ୍କାର କରାଯାଇଥିବା ନେଇ ତୁମୁଡ଼ିବନ୍ଧ ଥାନାରେ ପରିବାର ପକ୍ଷରୁ ଅଭିଯୋଗ ହୋଇଛି। ପୋଲିସ ନଂ.୮୫/୧୯ରେ ମାମଲା ରୁଜୁକରି ନାବାଳିକାଙ୍କ ପଡୋଶୀ ଶମ୍ଭୁ...

ବରୁଣେଇ ମନ୍ଦିରରୁ ଚୋରି: ତାଲା ଭାଙ୍ଗି ଟଙ୍କା, ସୁନାଗହଣା ନେଇଗଲେ ଦୁର୍ବୃତ୍ତ

ଖୋର୍ଦ୍ଧା ଅଫିସ,୪।୧୨: ଖୋର୍ଦ୍ଧା ଜିଲା ଆଦର୍ଶ ଥାନା ଅନ୍ତର୍ଗତ ପର୍ଯ୍ୟଟନ କ୍ଷେତ୍ର ବରୁଣେଇ ମନ୍ଦିରରୁ ମଙ୍ଗଳବାର ରାତିରେ ଚୋରି ହୋଇଛି। ଦୁର୍ବୃତ୍ତ ଦାନ ବାକ୍ସ ଭାଙ୍ଗି...

୮୪ ପ୍ରତିଶତ ଗାଁ ଗ୍ରୀନ୍‌ ଜୋନରେ, ସହର ପାଇଁ ବଢ଼ିଛି ଚିନ୍ତା: ଗଞ୍ଜାମ ଜିଲାପାଳ

ଛତ୍ରପୁର,୧୬।୭(ଡି.ଏନ୍‌.ଏ.): ଗଞ୍ଜାମ ଜିଲାରେ କରୋନା କାୟା ବିସ୍ତାର କରିବାରେ ଲାଗିଛି। ଦିନକୁ ଦିନ କରୋନା ପଜିଟିଭ ସଂଖ୍ୟା ବୃଦ୍ଧି ସହ ମୃତ୍ୟୁ ହାର ରାଜ୍ୟ ସରକାରଙ୍କ...

Advertisement
Archives

Model This Week