ଅତାବିରା, ୭।୯(ଯୁଧିଷ୍ଠିର ମହାପାତ୍ର): ବରଗଡ଼ ଜିଲା ଅତାବିରା ଥାନା ତଥା ଗୋଡ଼ଭଗା ଫାଣ୍ଡି ଅଧିନସ୍ଥ କାଦୋବାହାଲରେ ସୋମବାର ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଏଥିରେ ୨ବାଇକ ଆରୋହୀଙ୍କ ମୃତ୍ୟୁ ହୋଇଛି। ସେମାନେ ହେଲେ, କାଦୋବାହାଲ ଗ୍ରାମର ପରମାନନ୍ଦ ରୋହିଦାସ, ଓ ନିବେଶ ରୋହିଦାସ l ସେମାନେ ଗୋଡ଼ଭଗାରୁ କାଦୋବାହାଲ ଘରକୁ ଫେରୁଥିବା ବେଳେ ବାଇକଟି ରାସ୍ତା କଡ଼ ଗଛରେ ଧକ୍କା ଦେଇଥିଲେ l ଗୁରୁତର ଅବସ୍ଥାରେ ସେମାନଙ୍କୁ ବୁର୍ଲା ଡାକ୍ତରଖାନା ପଠାଯାଇଥିଲା । ତେବେ ସେଠାରେ ଡାକ୍ତର ସେମାନଙ୍କୁ ମୃତ ଘୋଷଣା କରିଥିଲେ। ଏ ନେଇ ଅତାବିରା ଥାନା କେଶ ନମ୍ବର ୩୮୦/୨୦୨୬ରେ ଏକ ମାମଲା ରୁଜୁ ହୋଇ ଅଧିକ ତଦନ୍ତ ଚାଲିଥିବା ଆଇଆଇସି ପ୍ରକାଶ କର୍ଣ୍ଣ କହିଛନ୍ତି।
Dharitri – Odisha’s No.1 Odia Daily
