ଟିଭି ପରଦାର ବଡ ରିଆଲିଟି ଶୋ ମଧ୍ୟରୁ ବିଗ୍ ବସ୍ ଅନ୍ୟତମ। ଏହା ଅକ୍ଟୋବର ୩ ରୁ ପ୍ରସାରିତ ହେବାର କାର୍ଯ୍ୟକ୍ରମ ରହିଛି। ଶୋ’ର ଅନେକ ପ୍ରମୋ ଏପର୍ଯ୍ୟନ୍ତ ଦେଖିବାକୁ ମିଳିଛି। ଯେଉଁଥିରେ ସଲମାନ ଖାନ୍ ନଜର ଆସିଛନ୍ତି। ପ୍ରୋମୋ ମାଧ୍ୟମରେ ସଲମାନ ଏହା ମଧ୍ୟ ସୂଚାଇ ଦେଇଛନ୍ତି ଯେ, ଏଥର ବିଗ ବସ୍ ପୂର୍ବଠାରୁ ଭିନ୍ନ ହେବାକୁ ଯାଉଛି। କରୋନା ଯୋଗୁ ଏଥିରେ ଅନେକ ସତର୍କତା ଅବଲମ୍ବନ କରାଯାଉଛି। ଜାଣନ୍ତୁ ଏ ସମ୍ପର୍କରେ….
ବିଗ୍ ବସ୍ ଘର ବିଷୟରେ ସୂଚନା ଦେଇଥିବା ଟୁଇଟର ହ୍ୟାଣ୍ଡେଲ ‘ଦ ଖବ୍ରି’ ଟୁଇଟ କରି କହିଛି ଯେ, ଏଥର ଘର ଭିତରେ ଡବଲ ବେଡ ରହିବ ନାହିଁ। ଏଥିସହ, କୌଣସି ପ୍ରତିଯୋଗୀ ଅନ୍ୟ ପ୍ରତିଯୋଗୀଙ୍କ ସହିତ ତାଙ୍କ ଶଯ୍ୟା ବାଣ୍ଟି ପାରିବେ ନାହିଁ।
ବିଗ୍ ବସ୍ ୧୪ର ଆଉ ଏକ ବଡ ପରିବର୍ତ୍ତନ ହେଉଛି ଯେ, କୌଣସି ପ୍ରତିଯୋଗୀ ତାଙ୍କ ପ୍ଲେଟ କିମ୍ବା ଗ୍ଲାସ ଅନ୍ୟମାନଙ୍କ ସହ ଶେୟାର କରିବେ ନାହିଁ। ସାଧାରଣତଃ ଦେଖାଯାଏ ଯେଉଁ ପ୍ରତିଯୋଗୀ ସହିତ ଯାହାର ଭଲ ପଡ଼େ ସେମାନେ ଏକ ଥାଳିରେ ଖାଇଥା’ନ୍ତି। କିନ୍ତୁ ଏଥର ଏହା କରିବାକୁ ଅନୁମତି ନାହିଁ।
ବିଗ୍ ବସ୍ରେ ଅନେକ କାର୍ଯ୍ୟ ଦିଆଯାଏ, ଯେଉଁଥିରେ ବେଳେବେଳେ ଦଳ ସହିତ ଖେଳିବାକୁ ପଡେ, ବେଳେବେଳେ ଜଣକୁ ଏକାକୀ ପ୍ରତିଯୋଗିତା କରିବାକୁ ପଡେ। ଏପରି ପରିସ୍ଥିତିରେ, ଛୁଆଁ ଛୁଇଁ ମଧ୍ୟ ହୋଇଥାଏ। ଯାହା ଏଥର ଘଟିବ ନାହିଁ । ଶୋ’ରେ କରାଯାଇଥିବା ତୃତୀୟ ପ୍ରମୁଖ ପରିବର୍ତ୍ତନ ହେଉଛି ପ୍ରାରମ୍ଭିକ ସପ୍ତାହରେ, ପ୍ରତିଯୋଗୀମାନଙ୍କୁ କୌଣସି କାର୍ଯ୍ୟ ଦିଆଯିବ ନାହିଁ।
ପ୍ରତି ସପ୍ତାହରେ କୋଭିଡ-୧୯ ପରୀକ୍ଷା କରାଯିବ ଖବର ଅନୁଯାୟୀ, ଏହି ଶୋରେ ଅଂଶଗ୍ରହଣ କରୁଥିବା ସମସ୍ତ ପ୍ରତିଯୋଗୀ କ୍ୱାରାଣ୍ଟାଇନ୍ରେ ଅଛନ୍ତି। ତାଙ୍କର କରୋନା ପରୀକ୍ଷା ମଧ୍ୟ କରାଯିବ।
ଶୋ’ରେ ଅଂଶଗ୍ରହଣ କରୁଥିବା ପ୍ରତିଯୋଗୀମାନଙ୍କୁ ସପିଂ ମଲ, ରେଷ୍ଟୁରାଣ୍ଟ, ଏକ ଛୋଟ ଥିଏଟର ଇତ୍ୟାଦି ସୁବିଧା ମଧ୍ୟ ଦିଆଯିବ । ଏହି ସୁବିଧାଗୁଡ଼ିକ ପୂର୍ବ ସିଜିନ୍ଠାରୁ ସମ୍ପୂର୍ଣ୍ଣ ଭିନ୍ନ।
#BiggBoss14 Updates #BB14
👉No double Beds or Bed Sharing for Contestants
👉No plate or Glass sharing
👉No physical physical task During initial weeks wherein Contestants can Touch eachother
👉Covid Tests Weekly
👉Mini-theatre, mall, a restaurant corner and spa in BB14 House— The Khabri (@TheRealKhabri) September 18, 2020