ଗଞ୍ଜାମ,୩।୯(ବିଦ୍ୟାଧର ସାହୁ ): ଅଖିଳ ଭାରତ କୃଷକ ସଭା ଅନୁବନ୍ଧିତ ଓଡ଼ିଶା କୃଷକ ସଭା ପକ୍ଷରୁ ଗଞ୍ଜାମ ତହସିଲଦାର ସୁକାନ୍ତ ଚନ୍ଦ୍ର ମିଶ୍ରଙ୍କୁ ସ୍ମାରକ ପତ୍ର ପ୍ରଦାନ କରାଯାଇଛି । ଧାନ ରୁଆ ବେଉଷା ଚାଲିଥିବା ବେଳେ ସାର ମିଳୁ ନାହିଁ । ୟୁରିଆ ସାର ବସ୍ତା ପ୍ରତି ୭୦୦ ଟଙ୍କାରେ କିଣି ଡିଲରମାନେ କଳାବଜାର କରୁଛନ୍ତି। ଯାହା ଫଳରେ ଚାଷୀ ଅଧିକ ମୂଲ୍ୟରେ ସହର ବଜାର ଯାଇ କିଣି ଆଣିବାକୁ ପଡୁଛି । ସମବାୟ ସମିତିକୁ କମ୍ ସାର ଯୋଗାଣ ହେବାରୁ ସମସ୍ତ ଚାଷୀଙ୍କୁ ଆବଶ୍ୟକ ଅନୁଯାଇ ସାର ମିଳୁ ପାରୁନlହିଁ । ଏଣୁ ସମବାୟ ସମିତିକୁ ପର୍ଯ୍ୟାପ୍ତ ପରିମାଣରେ ସାର ଯୋଗାଣ କରିବା, ସମସ୍ତ ସାର ଦୋକାନରେ କେତେ ସାର ଆସିଛି କେତେ ସାର ବିକ୍ରି ହୋଇଛି ଆଉ ତାର ତାଲିକା ବ୍ଲକ ଓ ପଂଚାୟତ ସ୍ତରରେ କୃଷି କାର୍ଯ୍ୟାଳୟରେ ଲଟକାଇବା ଓ କଳାବଜାରଙ୍କୁ ଗିରଫ କରି ଉପଯୁକ୍ତ ଦଣ୍ଡ ଦେବା ଦାବି ନେଇ ଜିଲାପାଳଙ୍କ ଉଦ୍ଦେଶ୍ୟରେ ତହସିଲଦାରଙ୍କୁ ଦାବି ପତ୍ର ପ୍ରଦାନ କରାଯାଇଛି । ଏହି ପ୍ରତିନିଧି ଦଳରେ ଓଡ଼ିଶା କୃଷକ ସଭାର ଜିଲା ସଭାପତି ପି. ହରି କୃଷ୍ଣ ରେଡ୍ଡୀ, ଯୋଗେଶ ଚନ୍ଦ୍ର ସାହୁ, ସରପଞ୍ଚ ବୈରାଗୀ ବେହେରା,ବ୍ଲକସଭାପତି ଧର୍ମ ରାଜ ସ୍ବାଇଁ ପଦ୍ମନାଭ ପ୍ରଧାନ. ସୁଶୀଲ ପ୍ରଧାନ. ଦୁର୍ଯ୍ୟୋଧନ ସ୍ବାଇଁ , ପ୍ରଭାକର ବେହେରା ପ୍ରମୁଖ ଉପସ୍ଥିତ ଥିଲେ ।
