ମୋରିସଟାଉନ୍,୮ା୬: ବିଶ୍ୱକପ୍ରେ ମରକ୍କୋ ବିପକ୍ଷ ପ୍ରଥମ ମ୍ୟାଚ୍ ଖେଳାଯିବାକୁ ଆଉ ଏକ ସପ୍ତାହରୁ କମ୍ ଦିନ ଥିବାବେଳେ ବ୍ରାଜିଲ ଆଘାତଜନିତ କାରଣରୁ ଦଳରେ ଜଣେ ଖେଳାଳି ପରିବର୍ତ୍ତନ କରିଛି। ରାଇଟ୍ବ୍ୟାକ୍ ଓ୍ବେସ୍ଲିଙ୍କ ସ୍ଥାନରେ ମିଡ୍ଫିଲ୍ଡର ଏଡରସନଙ୍କୁ ଦଳରେ ସାମିଲ କରିଛି। ବ୍ରାଜିଲିଆନ ଫୁଟ୍ବଲ ମହାସଂଘ ପକ୍ଷରୁ ଦିଆଯାଇଥିବା ସୂଚନା ଅନୁସାରେ ଓ୍ବେସ୍ଲିଙ୍କ ବାମଜଙ୍ଘ ମାଂସପେଶୀରେ ଆଘାତ ଲାଗିଛି। ଶନିବାର ରାତିରେ କ୍ଲେଭେଲାଣ୍ଡଠାରେ ଇଜିପ୍ଟ ବିପକ୍ଷ ଏକ ବନ୍ଧୁତ୍ୱପୂର୍ଣ୍ଣ ମ୍ୟାଚ ଖେଳୁଥିବା ବେଳେ ପ୍ରାରମ୍ଭରୁ ସେ ପଡ଼ିଆ ଛାଡ଼ିଥିଲେ। ଓ୍ବେସ୍ଲି ହେଉଛନ୍ତି ଜଣେ ଆଥଲେଟ୍।
ତାଙ୍କୁ ଦଳର ଜଣେ ପ୍ରମୁଖ ଖେଳାଳି ଭାବେ ଗଣାଯାଏ। ୨୬ ବର୍ଷୀୟ ଏଡରସନ ବର୍ତ୍ତମାନ ଆମେରିକା ଯାଇ ଦଳ ସହିତ ଯୋଗଦେବେ। ବ୍ରାଜିଲ ଶନିବାର ଏହାର ପ୍ରଥମ ଗ୍ରୁପ୍ ମ୍ୟାଚ ନ୍ୟୁଜର୍ସିର ଇଷ୍ଟ ରଥରଫୋର୍ଡ ଅନ୍ତର୍ଗତ ମିଡୋଲାଣ୍ଡ୍ସଠାରେ ଖେଳିବ। ଦଳର ଅନ୍ୟ ଜଣେ ଖେଳାଳି ମଧ୍ୟ ଆଘାତଜନିତ ସମସ୍ୟାରେ ଅଛନ୍ତି। ସେ ହେଉଛନ୍ତି ୩୪ ବର୍ଷୀୟ ଫରଓ୍ବାର୍ଡ ନେମାର। ସେ ଦଳର ଅନ୍ୟ ଖେଳାଳିମାନଙ୍କ ସହ କ୍ଲେଭେଲାଣ୍ଡ ଗସ୍ତ କରି ନ ଥିଲେ।
