ଚେନ୍ନାଇ,୯।୪: ଇଣ୍ଡିଆନ ପ୍ରିମିୟର ଲିଗର ୧୪ତମ ସିଜନ ଶୁକ୍ରବାର ଅର୍ଥାତ୍ ଆଜିଠାରୁ ଆରମ୍ଭ ହେବାକୁ ଯାଉଛି। ଆଇପିଏଲ ୨୦୨୧ରେ ମୁମ୍ବାଇ ଇଣ୍ଡିଆନ୍ସ ଅଧିନାୟକ ରୋହିତ ଶର୍ମା ବିଜୟଧାରା ବଜାୟ ରଖିବାକୁ ଚେଷ୍ଟା କରୁଥିବାବେଳେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ଅଧିନାୟକ ବିରାଟ କୋହଲି ପ୍ରଥମ ଟାଇଟେଲ ଜିତିବାକୁ ପଡ଼ିଆକୁ ଓହ୍ଲାଇବେ। ସେହିପରଚେନ୍ନାଇ ସୁପର କିଙ୍ଗ୍ସ ଅଧିନାୟକ ମହେନ୍ଦ୍ର ସିଂ ଧୋନୀ ଗତ ସିଜିନର ବିଫଳକୁ ଭୁଲି ପୁଣି ବିଜୟ ଟ୍ରାକୁ ଫେଡ଼ରିବାକୁ ଚେଷ୍ଟା କରିବେ। ଏହି ଟୁର୍ନାମେଣ୍ଟ ଆରମ୍ଭ ପୂର୍ବରୁ ବହୁ ପୂର୍ବତନ କ୍ରିକେଟର ଏବଂ କ୍ରିକେଟ ପଣ୍ଡିତମାନେ ବିଭିନ୍ନ ଭବିଷ୍ୟବାଣୀ କରିବା ଆରମ୍ଭ କରିଦେଇଛନ୍ତି।
କ୍ରିକେଟ ବିଶେଷଜ୍ଞମାନେ ପ୍ରତ୍ୟେକ ଦଳର ଦୁର୍ବଳତା ଏବଂ ଶକ୍ତି ବିଷୟରେ କ୍ରମାଗତ ଭାବରେ ପୂର୍ବାନୁମାନ କରିବା ସହିତ କେଉଁ ଦଳ ଆଇପିଏଲ ୨୦୨୧ ଟାଇଟେଲ ଜିତିବେ ବୋଲି ପୂର୍ବାନୁମାନ କରୁଛନ୍ତି। ଏଥର ମଧ୍ୟ ମୁମ୍ବାଇ ଇଣ୍ଡିଆନ୍ସକୁ ଟାଇଟେଲ୍ ଜିତିବାର ପ୍ରବଳ ଦାବିଦାର କୁହାଯାଉଛି। ଇଂଲଣ୍ଡର ପୂର୍ବତନ ଅଧିନାୟକ ମାଇକେଲ ଭନ ରୋହିତ ଶର୍ମାଙ୍କ ଦଳ ପ୍ରିୟ ଦଳ ବୋଲି କହିଛନ୍ତି।
ୟୁଏଇରେ ଖେଳାଯାଇଥିବା ଆଇପିଏଲ ୨୦୨୦ରେ ଦିଲ୍ଲୀ କ୍ୟାପିଟାଲ୍ସକୁ ପରାସ୍ତ କରି ମୁମ୍ବାଇ ଇଣ୍ଡିଆନ୍ସ ପଞ୍ଚମ ଥର ପାଇଁ ରେକର୍ଡ ଜିତଥିଲା। ଏଥର ମଧ୍ୟ ମୁମ୍ବାଇ ଇଣ୍ଡିଆନ ଷଷ୍ଠ ଥର ଟାଇଟେଲ ଜିତିପାରେ ବୋଲି ମାଇକେଲ୍ ଭନ ଭବିଷ୍ୟବାଣୀ କରିଛନ୍ତି। ମୁମ୍ବାଇ ଇଣ୍ଡିଆନ୍ସ ହେଉଛି ଆଇପିଏଲ ୨୦୨୧ର ସବୁଠାରୁ ଶକ୍ତିଶାଳୀ ଦଳ। ଦଳରେ ଅନେକ ଅନ୍ତର୍ଜାତୀୟ ଖେଳାଳି ଅଛନ୍ତି। ରୋହିତ ହେଉଛନ୍ତି ସବୁଠାରୁ ସଫଳ ଆଇପିଏଲ ଅଧିନାୟକ। ବ୍ୟାଟିଂ ଏବଂ ବୋଲିଂରେ ସେମାନଙ୍କର ଅନେକ ବିକଳ୍ପ ଅଛି ବୋଲି ସେ କହିଛନ୍ତି।
