ନୂଆଦିଲ୍ଲୀ,୬।୧: ବର୍ଷ ଆରମ୍ଭରୁ ଇତିହାସ ରଚିଛି ଭାରତୀୟ ମହାକାଶ ସଂସ୍ଥା ଇସ୍ରୋ। ଭାରତର ଆଦିତ୍ୟ ଉପଗ୍ରହ ଏଲ୍-୧ ପଏଣ୍ଟର ହେଲୋ କକ୍ଷପଥରେ ପ୍ରବେଶ କରିଛି। ଭାରତର ସୂର୍ଯ୍ୟ ମିଶନ ସଫଳତା ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିଜ ଏକ୍ସ ହ୍ୟାଣ୍ଡଲରେ ସୂଚନା ଦେଇଛନ୍ତି ।
ଭାରତର ଏହି ସୂର୍ଯ୍ୟ ମିଶନ ୧୫ ଲକ୍ଷ କିଲୋମିଟର ଅତିକ୍ରମ କରି ହାଲୋ ଅର୍ବିଟରେ ପହଞ୍ଚିଛି। ଆଦିତ୍ୟର ଯାତ୍ରା ୨ ସେପ୍ଟେମ୍ବର ୨୦୨୩ ରେ ଆରମ୍ଭ ହୋଇଥିଲା। ପାଞ୍ଚ ମାସ ପରେ, ୬ ଜାନୁଆରୀ ୨୦୨୪ ସନ୍ଧ୍ୟାରେ, ଏହି ଉପଗ୍ରହ ଏଲ୍-୧ ପଏଣ୍ଟରେ ପହଞ୍ଚିଛି। ଏହି ବିନ୍ଦୁରେ ଥିବା ସୂର୍ଯ୍ୟର ହାଲୋ କକ୍ଷପଥରେ ନିୟୋଜିତ ହୋଇଛି। ଏହାକୁ ହେଲୋ କକ୍ଷପଥରେ ରଖିବା ପାଇଁ ଆଦିତ୍ୟ- ଏଲ୍-୧ ଉପଗ୍ରହର ଥ୍ରଷ୍ଟରଗୁଡିକ କିଛି ସମୟ ପାଇଁ ଅନ୍ କରାଯାଇଥିଲା। ଏଥିରେ ସମୁଦାୟ ୧୨ ଟି ଥ୍ରଷ୍ଟର ଅଛି।
India creates yet another landmark. India’s first solar observatory Aditya-L1 reaches it’s destination. It is a testament to the relentless dedication of our scientists in realising among the most complex and intricate space missions. I join the nation in applauding this…
— Narendra Modi (@narendramodi) January 6, 2024
ବର୍ତ୍ତମାନ ଆଦିତ୍ୟ ସୂର୍ଯ୍ୟଙ୍କୁ ଅଧ୍ୟୟନ କରୁଥିବା ଅନ୍ୟ ଚାରିଟି ନାସା ଉପଗ୍ରହର ଗୋଷ୍ଠୀରେ ଯୋଗ ଦେଇଛି। ଆଦିତ୍ୟ ଏଲ୍-୧ କୁ ସୂର୍ଯ୍ୟର କକ୍ଷପଥରେ ରଖିବା ଏକ ଚ୍ୟାଲେଞ୍ଜିଂ କାର୍ଯ୍ୟ ଥିଲା। ଏଥିରେ ଗତି ଏବଂ ଦିଗର ସଠିକ୍ ସମନ୍ୱୟ ଆବଶ୍ୟକ ଥିଲା। ଏଥିପାଇଁ ଇସ୍ରୋ ଏହାର ମହାକାଶଯାନ କେଉଁଠାରେ ଅଛି ତାହା ଜାଣିବା ଆବଶ୍ୟକ। କେଁଉଠାରେ ଅଛି ? ଏହା ଆଉ କେଉଁଠାକୁ ଯିବ? ଏହି ଉପାୟରେ ଏହାକୁ ଟ୍ରାକିଂ କରିବାର ପ୍ରକ୍ରିୟାକୁ ଅର୍ବିଟ ନିର୍ଣ୍ଣୟ କୁହାଯାଏ।
