ବାଇଡେନ୍‌, ହାରିସ୍‌

ଓ୍ବାଶିଂଟନ,୨୧ା୧: ଆମେରିକାର ୪୬ତମ ରାଷ୍ଟ୍ରପତି ରୂପେ ଜୋ ବାଇଡେନ୍‌ ଓ ୪୯ତମ ଉପରାଷ୍ଟ୍ରପତି ଭାବେ କମଲା ହାରିସ୍‌ ବୁଧବାର ଶପଥ ଗ୍ରହଣ କରିଛନ୍ତି। ଭାରତୀୟ ସମୟ ରାତି ୧୦ଟା ୩୦ରେ କଡ଼ା ସୁରକ୍ଷା ବଳୟରେ ରାଜଧାନୀ ଓ୍ବାଶିଂଟନସ୍ଥିତ ପାରମ୍ପରିକ କ୍ୟାପିଟୋଲ ବିଲ୍ଡିଂର ଓ୍ବେଷ୍ଟ ଫ୍ରଣ୍ଟରେ ସୁପ୍ରିମକୋର୍ଟ ପ୍ରଧାନ ବିଚାରପତି ଜନ୍‌ ରୋବଟ୍ସ ୭୮ ବର୍ଷୀୟ ବାଇଡେନ୍‌ଙ୍କୁ ପଦ ଓ ଗୋପନୀୟତାର ଶପଥପାଠ କରାଇଥିଲେ। ବାଇଡେନ୍‌ ତାଙ୍କ ପରିବାରର ୧୨୭ ବର୍ଷ ପୁରୁଣା ବାଇବେଲ ଛୁଇଁ ଶପଥ ନେଇଥିଲେ। ୫ ଇଞ୍ଚ ମୋଟା ଉକ୍ତ ବାଇବେଲକୁ ତାଙ୍କ ଧର୍ମପନତ୍ୀ ଜିଲ୍‌ ବାଇଡେନ୍‌ ସାଙ୍ଗରେ ନେଇ ଆସିଥିଲେ। ଦେଶର ସବୁଠୁ ବୟୋଜ୍ୟେଷ୍ଠ ରାଷ୍ଟ୍ରପତି ଭାବେ ଶପଥ ନେବା ପରେ ବାଇଡେନ୍‌ ପ୍ରଥମ ଥର ପାଇଁ ଜାତି ଉଦ୍ଦେଶ୍ୟରେ ବାର୍ତ୍ତା ଦେଇ ପରବର୍ତ୍ତୀ ୪ ବର୍ଷର କାର୍ଯ୍ୟକାଳର କାର୍ଯ୍ୟସୂଚୀ ନେଇ ଅଭିଭାଷଣ ରଖିଥିଲେ। ଏହି ଐତିହାସିକ ଭାଷଣର ଥିମ୍‌ ବା ବିଷୟବସ୍ତୁ ଥିଲା ଏକତା ଓ ଉପଶମ, ଯାହାକୁ ଭାରତୀୟ ବଂଶୋଦ୍ଭବ ବିନୟ ରେଡ୍ଡୀ ପ୍ରସ୍ତୁତ କରିଥିଲେ। ବାଇଡେନ୍‌ କହିଥିଲେ, ଗଣତନ୍ତ୍ର ବଜାୟ ରହିଛି। ଏହା ଆମେରିକାର ଦିନ। ଗଣତନ୍ତ୍ରର ଦିନ। ଆଶାର ଦିନ।
ଆମେରିକା ଅନେକ ଥର ପରୀକ୍ଷାର ସମ୍ମୁଖୀନ ହୋଇଛି। ସବୁ ଚ୍ୟାଲେଞ୍ଜରେ ବିଜୟୀ ହୋଇଛି। ଆଜି ଆମେ ଜଣେ ପ୍ରାର୍ଥୀଙ୍କ ନୁହେଁ, ବରଂ ଗଣତନ୍ତ୍ରର ବିଜୟ ଉତ୍ସବ ମନାଉଛେ। ବାଇଡେନ୍‌ଙ୍କ ଶପଥ ପୂର୍ବରୁ ୫୬ ବର୍ଷୀୟା କମଲା ହାରିସ୍‌ ପ୍ରଥମ ଭାରତୀୟ ବଂଶୋଦ୍ଭବ, କୃଷ୍ଣକାୟ ଓ ମହିଳା ଉପରାଷ୍ଟ୍ରପତି ରୂପେ ଶପଥ ନେଇଥିଲେ। ସୁପ୍ରିମକୋର୍ଟର ପ୍ରଥମ ଲାଟିନା ସଦସ୍ୟା ବିଚାରପତି ସୋନିଆ ସୋଟୋମେୟର ତାଙ୍କୁ ଶପଥ ପାଠ କରାଇଥିଲେ। ହାରିସ୍‌ ଦୁଇଟି ବାଇବେଲ ଧରି ଶପଥ ନେଇଥିଲେ। ଗୋଟିଏ ଘନିଷ୍ଠ ପାରିବାରିକ ବନ୍ଧୁ ରେଜିନା ଶେଲ୍ଟନଙ୍କର ହୋଇଥିବାବେଳେ ଅନ୍ୟଟି ସୁପ୍ରିମକୋର୍ଟର ପ୍ରଥମ ଆଫ୍ରିକୀୟ-ଆମେରିକୀୟ ବିଚାରପତିଙ୍କର।
ବାଇଡେନ୍‌ଙ୍କ ପାରିବାରିକ ପୂଜକ ଲିଓ ଜେରେମିଆହ ଓ’ଡୋନୋଭାନ୍‌ ପୂଜାର୍ଚ୍ଚନା କରିବା ପରେ ପ୍ରେସିଡେନ୍ସିଆଲ ଇନାଗୁରେଶନ ପୂର୍ବାହ୍ନ ୧୧ଟାରେ ଆରମ୍ଭ ହୋଇଥିଲା। ଜର୍ଜଆର ସାଉଥ୍‌ ଫୁଲ୍‌ଟନସ୍ଥିତ ଅଗ୍ନିଶମ ବିଭାଗର କ୍ୟାପ୍‌ଟେନ ହେବାକୁ ଥିବା ପ୍ରଥମ ଆଫ୍ରିକୀୟ-ଆମେରିକୀୟ ମହିଳା ଫାୟାରଫାଇଟର ଆଣ୍ଡ୍ରିଆ ହଲ୍‌ ନିଷ୍ଠାର ପ୍ରତିଜ୍ଞା କରାଇଥିଲେ। ଲେଡି ଗାଗା ଜାତୀୟ ସଙ୍ଗୀତ ଗାନ କରିଥିବାବେଳେ ୨୦୧୭ରେ ଦେଶର ପ୍ରଥମ ଯୁବ କବି ପୁରସ୍କାର ବିଜେତା ଅମାଣ୍ଡା ଗୋରମେନ୍‌ ଏହି ଉତ୍ସବ ପାଇଁ ସ୍ବତନ୍ତ୍ର ଭାବେ ରଚନା କରିଥିବା କବିତା ‘ଦି ହିଲ୍‌ ଓ୍ବି କ୍ଲାଇମ୍ବ’ ଆବୃତ୍ତିକରିଥିଲେ। ଏହା ପରେ ଅଭିନେତ୍ରୀ ତଥା ଗାୟିକା ଜେନିଫର ଲୋଫେଜ୍‌ଙ୍କ ପ୍ରଦର୍ଶନ ସମସ୍ତଙ୍କ ମନ ମୋହିଥିଲା। ଶପଥ ଗ୍ରହଣ ପରେ ବାଇଡେନ୍‌ ଓ ହାରିସ୍‌ ଏକ ପାରମ୍ପରିକ ପାସ୍‌ ଇନ୍‌ ରିଭ୍ୟୁରେ ଯୋଗଦେଇଥିଲେ। କ୍ୟାପିଟୋଲ୍‌ର ଇଷ୍ଟ୍‌ ଫ୍ରଣ୍ଟରେ ହୋଇଥିବା ଏହି ପାରମ୍ପରିକ ସାମରିକ କାର୍ଯ୍ୟକ୍ରମ ନୂଆ କମାଣ୍ଡର-ଇନ୍‌-ଚିଫ୍‌ଙ୍କୁ ଶାନ୍ତିପୂର୍ଣ୍ଣ କ୍ଷମତା ହସ୍ତାନ୍ତରର ପ୍ରତୀକ ଭାବେ ତାତ୍ପର୍ଯ୍ୟପୂର୍ଣ୍ଣ। ଏହା ପରେ ରାଷ୍ଟ୍ରପତି ବାଇଡେନ୍‌, ଫାଷ୍ଟ ଲେଡି ଜିଲ୍‌ ବାଇଡେନ୍‌, ଉପରାଷ୍ଟ୍ରପତି କମଲା ହାରିସ୍‌, ଫାଷ୍ଟ ସେକେଣ୍ଡ ଜେଣ୍ଟଲମ୍ୟାନ୍‌ ଡୋଉଗ୍‌ ଏମ୍‌ହୋଫ୍‌ ଭର୍ଜିନିଆସ୍ଥିତ ଆର୍ଲିଂଟନ ନ୍ୟାଶନାଲ ସିମେଟେରିକୁ ଯାଇ ଅଜ୍ଞାତ ସୈନ୍ୟମାନଙ୍କୁ ଶ୍ରଦ୍ଧାଞ୍ଜଳି ଦେଇଥିଲେ। ପରେ ସେମାନେ ପ୍ରେସିଡେନ୍ସିଆଲ ଏସ୍‌କର୍ଟରେ ହ୍ବାଇଟ୍‌ ହାଉସ୍‌ ଅଭିମୁଖେ ଯାତ୍ରା ଆରମ୍ଭ କରିଥିଲେ। ଏହି ଅବସରରେ ‘ପରେଡ୍‌ ଆକ୍ରସ୍‌ ଆମେରିକା’ର ଆୟୋଜନ କରାଯାଇଥିଲା। ଏଥିରେ ଦେଶର ୫୬ ରାଜ୍ୟ ଓ ଭୂଖଣ୍ଡ ପକ୍ଷରୁ ପ୍ରଦର୍ଶନ କରାଯାଇଥିଲା।
ଏହି ଉତ୍ସବରେ ପୂର୍ବତନ ରାଷ୍ଟ୍ରପତି ବାରାକ୍‌ ଓବାମା, ଜର୍ଜ ଡବ୍ଲ୍ୟୁ. ବୁଶ୍‌, ବିଲ୍‌ କ୍ଲିଣ୍ଟନ, ପୂର୍ବତନ ଫାଷ୍ଟ ଲେଡି ମିଶେଲ ଓବାମା, ଲଉରା ବୁଶ୍‌ ଓ ହିଲାରୀ କ୍ଲିଣ୍ଟନ ପ୍ରମୁଖ ଯୋଗଦେଇଥିଲେ। ସେହିପରି ସିନେଟ୍‌ ରିପବ୍ଲିକାନ୍‌ ନେତା ମିଚ୍‌ ମେକ୍‌କୋନ୍ନେଲ, ହାଉସ୍‌ ଅଫ୍‌ ରିପ୍ରେଜେଣ୍ଟେଟିଭ୍ସ ରିପବ୍ଲିକାନ୍‌ ନେତା କେଭ୍‌ଲିନ ମେକ୍‌କାର୍ଥି, ହାଉସ୍‌ ସ୍ପିକର ନେନ୍ସି ପେଲୋସି ଓ ସିନେଟ୍‌ ଡେମୋକ୍ରାଟ୍‌ ନେତା ଚୁକ୍‌ ସ୍କୁମର ମଧ୍ୟ ଶପଥଗ୍ରହଣ ଉତ୍ସବରେ ଉପସ୍ଥିତ ଥିଲେ। ବିଦାୟୀ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍‌ ଶପଥ ଗ୍ରହଣ ଉତ୍ସବରେ ଅନୁପସ୍ଥିତ ରହିଥିଲେ। ତେବେ ହ୍ବାଇଟ୍‌ ହାଉସ୍‌ ଛାଡ଼ି ଫ୍ଲୋରିଡାସ୍ଥିତ ନିଜ ମାର୍‌-ଏ-ଲାଗୋ ରିସର୍ଟକୁ ଯିବାର ଅବ୍ୟବହିତ ପୂର୍ବରୁ ୭୪ ବର୍ଷୀୟ ଟ୍ରମ୍ପ୍‌ ଏକ ବିଦାୟୀ ଭିଡିଓ ଜାରି କରି ନୂଆ ପ୍ରଶାସନକୁ ଶୁଭେଚ୍ଛା ଜଣାଇଥିଲେ।
କ୍ୟାପିଟୋଲ ବିଲ୍ଡିଂରେ ବିଦାୟୀ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍‌ଙ୍କ କଠୋରପନ୍ଥୀ ସମର୍ଥକମାନେ ଦଙ୍ଗା ଭିଆଇବାର ଦୁଇ ସପ୍ତାହ ପରେ ଏହି ଶପଥ ଗ୍ରହଣ ଉତ୍ସବ ଅନୁଷ୍ଠିତ ହୋଇଛି। ଟ୍ରମ୍ପ୍‌ଙ୍କ ସଶସ୍ତ୍ର ସମର୍ଥକମାନେ କାର୍ଯ୍ୟକ୍ରମକୁ ଭଣ୍ଡୁର କରିବା ଲାଗି ହିଂସା ଭିଆଇପାରନ୍ତି ବୋଲି ଗୋଇନ୍ଦା ସଂସ୍ଥା ଫେଡେରାଲ୍‌ ବ୍ୟୁରୋ ଅଫ୍‌ ଇନ୍‌ଭେଷ୍ଟିଗେଶନ (ଏଫ୍‌ବିଆଇ) ପକ୍ଷରୁ ସତର୍କ କରାଯାଇଥିଲା। କୌଣସି ପ୍ରକାର ଅପ୍ରୀତିକର ପରିସ୍ଥିତି ଏଡ଼ାଇବା ଲାଗି ଅଭୂତପୂର୍ବ ସୁରକ୍ଷା ବନ୍ଦୋବସ୍ତ କରାଯାଇଥିଲା। ଏହି ଐତିହାସିକ ସମାରୋହରେ ୨୫,୦୦୦ରୁ ଊର୍ଦ୍ଧ୍ୱ ନ୍ୟାଶନାଲ ଗାର୍ଡଙ୍କୁ ମୁତୟନ କରାଯାଇଥିଲା। ଏହାବାଦ ୧୦,୦୦୦ରୁ ଊର୍ଦ୍ଧ୍ୱ ସୁରକ୍ଷା କର୍ମୀଙ୍କୁ ମଧ୍ୟ ନିୟୋଜିତ କରାଯାଇଥିଲା। ସମ୍ପୂର୍ଣ୍ଣ କ୍ୟାପିଟୋଲ ହିଲ୍‌, ପେନ୍‌ସିଲଭାନିଆ ଆଭିନ୍ୟୁର ଏକ ବୃହତ୍‌ ଅଂଶ ଓ ହ୍ବାଇଟ୍‌ ହାଉସ୍‌କୁ ସର୍ବସାଧାରଣ ପ୍ରବେଶକୁ ନିଷିଦ୍ଧ କରିବା ଲାଗି ୮ ଫୁଟ୍‌ ଉଚ୍ଚର ଏକ ଲୁହା ବ୍ୟାରିକେଡ୍‌ ନିର୍ମାଣ କରାଯାଇଥିଲା। ଫଳରେ ରାଜଧାନୀ ଓ୍ବାଶିଂଟନ ଏକ ସେନା ଛାଉଣୀ ପାଲଟିଯାଇଥିଲା। ଏହାବାଦ୍‌ ଶାନ୍ତିପୂର୍ଣ୍ଣ କ୍ଷମତା ହସ୍ତାନ୍ତରକୁ ସୁନିଶ୍ଚିତ କରିବା ଲାଗି ଓ୍ବାଶିଂଟନ ଡିସିକୁ ଏକ ଦୁର୍ଗରେ ପରିଣତ କରିବା ସହ ୫୦ ଷ୍ଟେଟ୍‌ କ୍ୟାପିଟୋଲ୍‌ରେ ହାଇଆଲର୍ଟ ଜାରି କରାଯାଇଥିଲା।


Enter your email to get our daily news in your inbox.

All Right Reserved By Dharitri.Com

କେଜ୍‌ରିଓ୍ବାଲଙ୍କ ଗିରଫଦାରୀକୁ ନେଇ ଆମେରିକା ଦେଇଥିବା ମନ୍ତବ୍ୟ ଉପରେ କଡ଼ା ଜବାବ ଦେଲା ଭାରତ

ନୂଆଦିଲ୍ଲୀ,୨୮।୩ : ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍‌ରିଓ୍ବାଲଙ୍କ ଗିରଫଦାରୀ ଏବଂ କଂଗ୍ରେସର ବ୍ୟାଙ୍କ ଆକାଉଣ୍ଟକୁ ଅଚଳ କରାଯିବା ଘଟଣା ଉପରେ ଆମେରିକାର ମନ୍ତବ୍ୟ ଅବାଞ୍ଛିତ ବୋଲି...

ଭାରତର ଆପତ୍ତି ସତ୍ତ୍ୱେ ସୁଧୁରୁନି ଆମେରିକା, ପୁଣି କେଜ୍‌ରିଓ୍ବାଲଙ୍କ ଗିରଫକୁ ନେଇ ଏମିତି କହିଲା

ଓ୍ବାଶିଂଟନ୍‌,୨୮।୩: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍‌ରିୱାଲଙ୍କ ଗିରଫଦାରୀ ଉପରେ ଆମେରିକା ପୁଣି ଥରେ ମନ୍ତବ୍ୟ ଦେଇଛି। ଭାରତ ବିରୋଧ ପ୍ରଦର୍ଶନ ସତ୍ତ୍ୱେ ଆମେରିକା ଏଥିରୁ ନିବୃତ୍ତ...

ରାଜକୁମାରୀଙ୍କୁ କ୍ୟାନସର, ତଥାପି ତୁଟୁନି ରାଜ ପରିବାର କଳି

ଲଣ୍ଡନ,୨୮।୩: ବ୍ରିଟିଶ ରାଜ ପରିବାରର ଦୁଇ ଭାଇଙ୍କ ମଧ୍ୟରେ ମତଭେଦ ବଢିବାରେ ଲାଗିଛି। ରାଜକୁମାରୀ କେଟ ମିଡଲେଟନ କ୍ୟାନସର ରୋଗ ସହ ସଂଗ୍ରାମ କରୁଛନ୍ତି। ଏହି...

୭୦ ହଜାର ସରକାରୀ କର୍ମଚାରୀଙ୍କୁ ଛଟେଇ କରିବେ ସରକାର

ନୂଆଦିଲ୍ଲୀ,୨୭।୩: ଦେଶର ଅର୍ଥନୀତିକୁ ସୁଧାରିବା ପାଇଁ ଆଗାମୀ ସମୟରେ ୭୦ ହଜାର କର୍ମଚାରୀଙ୍କୁ ଛଟେଇ କରିବେ ସରକାର। ମାର୍ଚ୍ଚ ୨୬ ରେ ଏକ କାର୍ୟ୍ୟକ୍ରମରେ ସମ୍ବୋଧନ...

ଥାଇଲାଣ୍ଡରେ ସମଲିଙ୍ଗୀ ବିବାହକୁ ମଞ୍ଜୁରୀ

ବ୍ୟାଙ୍କକ୍‌,୨୭ା୩:ଥାଇଲାଣ୍ଡ ପାର୍ଲାମେଣ୍ଟର ନିମ୍ନ ସଦନ ବୁଧବାର ସମଲିଙ୍ଗୀ ବିବାହ ସମ୍ପର୍କିତ ବିଲ୍‌କୁ ମଞ୍ଜୁରୀ ଦେଇଛି। ହାଉସ୍‌ ଅଫ୍‌ ରିପ୍ରେଜେଣ୍ଟେଟିଭ୍ସର ୪୧୫ ସଦସ୍ୟଙ୍କ ମଧ୍ୟରୁ ୪୦୦ ଜଣ...

କେଜ୍‌ରିଓ୍ବାଲଙ୍କ ଗିରଫଦାରୀକୁ ନେଇ ଆମେରିକା ଦେଇଥିବା ମନ୍ତବ୍ୟ ଉପରେ ଭାରତ ଅସନ୍ତୋଷ, ଆମେରିକା କୂଟନୀତିଜ୍ଞଙ୍କୁ…

ନୂଆଦିଲ୍ଲୀ,୨7୭।୩: ଦିଲ୍ଲୀ ଏକ୍ସାଇଜ ପଲିସି ମାମଲାରେ ଦିଲ୍ଲୀ ମୁଖ୍ୟମନ୍ତ୍ରୀ କେଜ୍‌ରିଓ୍ବାଲଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି) ଗିରଫ କରିଛି। ଏହି ଖବର ଆମେରିକାରୁ ଜର୍ମାନୀ ପର୍ଯ୍ୟନ୍ତ ପହଞ୍ଚିଥିବା ବେଳେ...

ଆମେରିକାର ବ୍ରିଜ୍‌ ଭୁଶୁଡିବା ଘଟଣା: ଜାହାଜ କ୍ରୁ ମେମ୍ବରଙ୍କୁ ମିଳିଲା ହିରୋ ଆଖ୍ୟା

ଓ୍ବାଶିଂଟନ୍‌,୨୭।୩: ଆମେରିକାର ମେରିଲ୍ୟାଣ୍ଡସ୍ଥିତ ବାଲଟିମୋର ସହରରେ ଏକ ନଦୀ ଉପରେ ନିର୍ମିତ ବ୍ରିଜ୍‌ ଏକ ଜାହାଜ ସହିତ ଧକ୍କା ହେତୁ ଭୁଶୁଡି ପଡିଛି। ଏହି ଦୁର୍ଘଟଣାରେ...

ପାକିସ୍ତାନରେ ବଡ଼ ଧରଣର ଆତଙ୍କବାଦୀ ଆକ୍ରମଣ, ୫ ଚାଇନା ନାଗରିକଙ୍କ ମୃତ୍ୟୁ

ଇସଲାମାବାଦ,୨୬।୩: ପାକିସ୍ତାନରେ ମଙ୍ଗଳବାର ବଡ଼ ଆତ୍ମଘାତୀ ଆତଙ୍କବାଦୀ ଆକ୍ରମଣ ଘଟିଛି। ଖେବର୍‌ ପାଖ୍‌ତୁନ୍‌ଖ୍ବାଠାରେ ହୋଇଥିବା ଏହି ଆକ୍ରମଣରେ ୫ ଚାଇନା ନାଗରିକଙ୍କ ସମେତ ୬ଜଣଙ୍କ ମୃତ୍ୟୁ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri