ଭଞ୍ଜନଗର,୧୧।୬(ବାବୁଲା ପ୍ରଧାନ): ଗଞ୍ଜାମ ଜିଲା ଭଞ୍ଜନଗର ବନ ବିହାର ପରିସରରେ ଗୁରୁବାର ରଜ ମହୋତ୍ସବ ପାଳିତ ହୋଇଯାଇଛି । ଆଇନା ପକ୍ଷରୁ ଆୟୋଜିତ ଏହି କାର୍ଯ୍ୟକ୍ରମରେ ଋତୁସ୍ରାବ ଜନିତ ସଚେତନତା କାର୍ଯ୍ୟକ୍ରମ ମଧ୍ଯ ଅନୁଷ୍ଠିତ ହୋଇଥିଲା। ଏଥିରେ ଭଞ୍ଜନଗର ସି ଡି ପି ଓ ମିଲୀମା କୁମାରୀ ପଣ୍ତା ମୁଖ୍ୟ ଅତିଥି ଭାବେ ଯୋଗଦେଇ ମାସିକ ଋତୁସ୍ରାବ ହେଉଛି ଏକ ପ୍ରକୃତିର ନିୟମ ବୋଲି କହିଥିଲେ। ଏହାକୁ ଆମେ ଲାଜ କରିବା ନାହିଁ କି ଲୁଚାଇବା ନାହିଁ। ଗୋଟେ କିଶୋରୀ ବାଳିକା ପ୍ରଥମେ ଋତୁସ୍ରାବ ହୁଏ ସେ ମା ହେବାପାଇଁ ଯୋଗ୍ୟ ବିବେଚିତ ହୁଏ। ଏହାକୁ ଆମେ ଛୁଆଁ ଅଛୁଆଁ ଭେଦ ଭାବ ନକରି ସେହି ସମୟକୁ ଆମେ ମହିଳାକୁ କିଭଳି ଅଧିକ ବିଶ୍ରାମ ଦେବା ସେ ଉପରେ ସି ଡି ପି ଓ କହିଥିଲେ।
ଅନ୍ୟମାନଙ୍କ ମଧ୍ୟରେ ଭଞ୍ଜନଗର ବ୍ରହ୍ମା କୁମାରୀ ଈଶ୍ୱରୀୟ ବିଶ୍ୱବିଦ୍ୟାଳୟ ଶାଖା ମୁଖ୍ୟ ପରିଚାଳିକା ବ୍ରହ୍ମାକୁମାରୀ ସନ୍ତୋଷୀନି, ସାମାଜିକ କର୍ମୀ
ଶୁଳପାଣି ଶତପଥି , ଅବସରପ୍ରାପ୍ତ ଶିକ୍ଷକ ମୃତ୍ୟୁଞ୍ଜୟ ରଥ, ଅଧ୍ୟାପିକା
ସୁଜାତା ସିଂ, ମହିଳା ଓ ଶିଶୁ ବିକାଶ ବିଭାଗ ସୁପର ଭାଇଜର ଭାଗ୍ୟଲତା ବେହେରା, ଲକ୍ଷ୍ମି ସାହୁ, ମଳୟ ମଞ୍ଜରୀ ମୁନି, ଆମେନିକା ଟପୋ, ସରିତା ରାଣୀ ପାତ୍ର ପ୍ରମୁଖ ଅତିଥି ଭାବେ ଯୋଗ ଦେଇଥିଲେ। ଏହି ଉତ୍ସବରେ ମହିଳା, କିଶୋରୀ ବାଳିକା, ଦିବ୍ୟାଙ୍ଗ ମାନେ ଯୋଗ ଦେଇଥିଲେ। ଆଇନା କର୍ମଚାରୀ ଟୁକୁନା ଖଟେଇ, କରୁଣାକର ବାରିକ୍, ବିଶ୍ୱନାଥ ଗୌଡ଼, ଦେବବ୍ରତ ପାତ୍ର,ଗଙ୍ଗାଧର ସାହୁ, ସୌଭାଗ୍ୟ ମଞ୍ଜରୀ ପ୍ରଧାନ, ହୃଷିକେଶ ପାତ୍ର, ପ୍ରିୟଙ୍କା ସାହୁ, ନବାନୀ ନାୟକ, କରିସ୍ମା ପ୍ରଧାନ ପ୍ରମୁଖ କାର୍ଯ୍ଯକ୍ରମକୁ ପରିଚାଳନା କରିବାରେ ସହଯୋଗ କରିଥିଲେ।
ଉତ୍ସବରେ ମହିଳାମାନେ ଦୋଳି ଖେଳିବା ସହ ସେମାନଙ୍କ ମଧ୍ୟରେ ଝୋଟି, ପିଠା, ସଙ୍ଗୀତ, ମେହେନ୍ଦି, ନୃତ୍ୟ ପ୍ରମୁଖ ପ୍ରତିଯୋଗୀତା ହୋଇଥିଲା। ଏହାପରେ ସେମାନଙ୍କୁ ପୁରସ୍କୃତ କରାଯାଇଥିଲା ।