ଭଞ୍ଜନଗର,୧୩।୪(ବାବୁଲା ପ୍ରଧାନ): ଗଞ୍ଜାମ ଜିଲା ଭଞ୍ଜନଗର ପିଏମଶ୍ରୀ ୟୁ. ବି. ହାଇସ୍କୁଲଠାରେ ବ୍ଲକର ଓଷ୍ଟା ଖବରଦାତା ସମ୍ମିଳନୀ ସୋମବାର ଅନୁଷ୍ଠିତ ହୋଇଯାଇଛି। ଏଥିରେ ସଭାପତି ଦିଲ୍ଲୀପ କୁମାର ସ୍ବାଇଁ ଅଧ୍ୟକ୍ଷତା କରିଥିଲେ। ଜିଲା ସଭାପତି ସନ୍ତୋଷ କୁମାର ଜେନା, ସମ୍ପାଦକ ବିଜୟ କୁମାର ବେହେରା, ନିମ୍ନ ମାଧ୍ୟମିକ ଶିକ୍ଷକ ସଂଘ ରାଜ୍ୟ ମୁଖ୍ୟ ଉପଦେଷ୍ଟା ଜଗବନ୍ଧୁ ଜେନା,ବ୍ଲକ ସମ୍ପାଦକ ଗୌରୀନନ୍ଦନ ହୋତା, ରାଜ୍ୟ କାର୍ଯ୍ୟକାରିଣୀ ସଦସ୍ୟ ରାମଚନ୍ଦ୍ର ପୋଲାଇ, ଜିଲା ଉପଦେଷ୍ଟା ଭିକାରୀ ଚରଣ ଗୌଡ଼, ବରିଷ୍ଠ ଶିକ୍ଷକ ଉମାକାନ୍ତ ନାହାକ ଯୋଗ ଦେଇ ଶିକ୍ଷା, ଶିକ୍ଷକ, ଶିକ୍ଷାୟତନର ବିକାଶ କରାଯିବ ବୋଲି ମତବ୍ୟକ୍ତ କରିଥିଲେ। ମୁଖ୍ୟ ଅତିଥି ଭାବେ ପ୍ରଫେସର କୃତ୍ତିବାସ ବିଶ୍ୱାଳ ଯୋଗଦେଇ ଓଷ୍ଟାର କାର୍ଯ୍ୟକ୍ରମ, ସଂଗଠନ, ବିଭିନ୍ନ ସମସ୍ୟାର ସମାଧାନ କରୁଥିବା ଉପରେ ବକ୍ତବ୍ୟ ରଖିଥିଲେ। ପ୍ରାରମ୍ଭରେ ବରିଷ୍ଠ ଶିକ୍ଷୟିତ୍ରୀ ଉଷା ଦାସ ପ୍ରାରମ୍ଭିକ ସଂଗୀତ ଗାନ କରିବା ପରେ ସମ୍ପାଦକ ଗୌରୀନନ୍ଦନ ହୋତା ସମ୍ପାଦକୀୟ ବିବରଣୀ ସହ ସ୍ବାଗତ ଭାଷଣ ପ୍ରଦାନ କରିଥିଲେ। ଅନ୍ୟମାନଙ୍କ ମଧ୍ୟରେ ପ୍ରଧାନ ଶିକ୍ଷକ କାମରାଜୁ ଗୌଡ଼, ସିଦ୍ଧାର୍ଥ ଶଙ୍କର ସ୍ବାଇଁ, ଉମାକାନ୍ତ ନାହାକ ଆଗାମୀ କାର୍ଯ୍ୟଧାରା ଉପରେ ଗୁରୁତ୍ୱ ଦେଇ ସଂଗଠନକୁ ସୁଦୃଢ କରାଯିବା ଉପରେ କହିଥିଲେ। ଓଷ୍ଟା ଭଞ୍ଜନଗର ବ୍ଲକର କାର୍ଯ୍ୟକାଳ ସରିଯାଇଥିବା ଯୋଗୁ ତାକୁ ଭାଙ୍ଗି ଆଗାମୀ ତିନି ବର୍ଷ ପାଇଁ ଏକ ନୂତନ ବ୍ଲକ କମିଟି ଗଠନ ସର୍ବସମ୍ମତି କ୍ରମେ କରାଯାଇଛି। ଏଥିରେ ସଭାପତି ଭାବେ ଉପେନ୍ଦ୍ରଭଞ୍ଜ ଉଚ୍ଚ ବିଦ୍ୟାଳୟର ଉମାକାନ୍ତ ନାହାକ, ଉପସଭାପତି ଭାବେ ଗାଲେରୀ ହାଇସ୍କୁଲର ଆଦିତ୍ୟ ପ୍ରସାଦ ତ୍ରିପାଠୀ, ମୁଜାଗଡ଼ ଉଚ୍ଚ ମାଧ୍ୟମିକ ବିଦ୍ୟାଳୟର ବୈଜୟନ୍ତୀମାଳା ପ୍ରିୟଦର୍ଶିନୀ ବାହାଡାପଦର ହାଇସ୍କୁଲର ହୃଷିକେଶ ନାୟକ, ସମ୍ପାଦକ ଭାବେ ଦଦରାଲୁଣ୍ଡା ହାଇସ୍କୁଲର ସତ୍ୟବାନ ସାହୁ, ଯୁଗ୍ମସମ୍ପାଦକ ଭାବେ ପ୍ରମୋଦ ପାତ୍ର ହାଇସ୍କୁଲ,ଲେମ୍ଭେଇରୁ ଶେଷଦେ ସାହୁ, ସାର୍ଦୁଳ ହାଇସ୍କୁଲରୁ ପ୍ରଦୀପ କୁମାର ଗୌଡ଼, ଡିହପଢlଳ ହାଇସ୍କୁଲରୁ ରୀତା ସାହୁ, ଜିଲା ସଦସ୍ୟ ଭାବେ ବଡକୋଦଣ୍ଡା ହାଇସ୍କୁଲରୁ ମନୋରଞ୍ଜନ ପଣ୍ଡା, କୁଲାଡ଼ ଉଚ୍ଚ ମାଧ୍ୟମିକ ବିଦ୍ୟାଳୟରୁ ଲଷ୍ମୀଧର ସଂଗ୍ରାମସିଂ ରାଜ୍ୟ ସଦସ୍ୟ ଭାବେ ବିପ୍ରଚରଣ ହାଇସ୍କୁଲ, ତିଲିସିଙ୍ଗିରୁ କାମରାଜୂ ଗୌଡ଼,ବ୍ରାହ୍ମଣପଦର ହାଇସ୍କୁଲରୁ ମହେନ୍ଦ୍ର କୁମାର ଘଡେଇ ମନୋନୀତ ହୋଇଥିବାବେଳେ ଉପଦେଷ୍ଟା ଭାବେ ବାସନ୍ତୀ ପାଣିଗ୍ରାହୀ,ସନ୍ତୋଷ କୁମାର ଜେନା, ଦିଲ୍ଲୀପ କୁମାର ସ୍ବାଇଁ, ସରୋଜଲଷ୍ମୀ ଦାସ, ରାଜଲଷ୍ମୀ ସେଠୀଙ୍କୁ ନିର୍ବାଚିତ କରାଯିବା ପରେ ଜିଲା ସମ୍ପାଦକ ଶ୍ରୀଯୁକ୍ତ ବେହେରା ଶପଥ ପାଠ କରାଇଥିଲେ ।
