ମାଓବାଦୀ ମୁକ୍ତ ସତ୍ତ୍ୱେ ସତର୍କ ରହିବା: ଏସ୍‌ପି

ଅନୁଗୋଳ ଅଫିସ୍‌, ୧୧ା୭ – ଅନୁଗୋଳ ଜିଲାରେ ଏବେ ମାଓବାଦୀଙ୍କ ଚଳପ୍ରଚଳ ନାହିଁ। ଗତ ଦୁଇ ବର୍ଷ ମଧ୍ୟରେ ମାଓବାଦୀଙ୍କ ସମ୍ପର୍କରେ କୌଣସି ସୂଚନା ମିଳିନାହିଁ। ତେଣୁ ମାଓପ୍ରବଣ ଜିଲା ତାଲିକାରୁ ଅନୁଗୋଳକୁ ସରକାର ମୁକ୍ତ କରିଛନ୍ତି। ଓଡ଼ିଶା ପୋଲିସ ଓ ଅନୁଗୋଳ ପୋଲିସ ପାଇଁ ଏହା ଗର୍ବର ବିଷୟ। ତଥାପି ଏହାକୁ ଖାମଖିଆଲି ଭାବେ ନ ନେଇ ସତର୍କ ରହିବା ବୋଲି ଜିଲା ପୋଲିସ ମୁଖ୍ୟାଳୟରେ ଏକ ଖବରଦାତା ସମ୍ମିଳନୀରେ ଏସ୍‌ପି ଜଗମୋହନ ମୀନା ପ୍ରକାଶ କରିଛନ୍ତି।
ଏସ୍‌ପି କହିଛନ୍ତି, ଅନୁଗୋଳ ଜିଲାରେ ଗତ ୫ ବର୍ଷରେ ୯ ଥର ମାଓବାଦୀ କାର୍ଯ୍ୟକଳାପ ଦେଖାଦେଇଛି। ସେଥିମଧ୍ୟରୁ ୬ ଥର ପୋଲିସ ଓ ମାଓବାଦୀଙ୍କ ମଧ୍ୟରେ ଗୁଳିବିନିମୟ ହୋଇଛି। ୨୦୧୩ରେ ଛେଣ୍ଡିପଦା ଥାନା ପାତ୍ରପଡ଼ା ନିକଟରେ ପ୍ରଥମେ ମାଓବାଦୀଙ୍କ ସହ ପୋଲିସର ମୁହଁ।ମୁହିଁ ହୋଇଥିଲା। ୨୦୧୬ ଜାନୁୟରୀ ୨୪ରେ ପାଲଲହଡ଼ା ଥାନା ଅଧୀନରେ କଳଙ୍ଗ ଡିଭିଜନ୍‌ର ସୁନୀଲ ଓରଫ ପି. କୁମାରସ୍ବାମୀ ଓ ତାଙ୍କ ସ୍ତ୍ରୀ ସୋନିଙ୍କୁ ଏସ୍‌ଓଜି ଟିମ୍‌ ଏନ୍‌କାଉଣ୍ଟର କରିଥିଲେ। ୨୦୧୫ ଫେବୃୟାରୀ ୧୨ରେ ପାଲଲହଡ଼ା ଥାନା ପଟାମୁଣ୍ଡା ଗାଁର ସାମୁଏଲ ବୋଡ଼ରାକୁ ମାଓବାଦୀ ହତ୍ୟା କରିଥିଲେ। ସେହିବର୍ଷ ସେପ୍ଟେମ୍ବର ୨୯ରେ ପୁରୁଣାକୋଟ ଥାନା ଫରେଷ୍ଟ ବିଟ୍‌ ହାଉସ୍‌ ଉପରେ ଅତର୍କିତ ଗୁଳିଚାଳନା କରିଥିଲେ। ୩୦ ତାରିଖରେ ଟୁଲୁକା ଫରେଷ୍ଟ ବିଟ୍‌ ହାଉସ୍‌କୁ ଅଗ୍ନି ସଂଯୋଗ କରିଥିଲେ। ଶେଷଥର ପାଇଁ ୨୦୧୮ ଅଗଷ୍ଟ ୧୨ରେ ଗୁଳି ବିନିମୟ ହୋଇଥିଲା। ମାଓବାଦୀ ପ୍ରବଣ ଜିଲା ତାଲିକାରୁ ମୁକ୍ତ ହୋଇଥିଲେ ବି ଗୋଇନ୍ଦା ବିଭାଗ ଓ ଅନୁଗୋଳ ପୋଲିସ ଦୃଷ୍ଟି ରଖିବ। ଆବଶ୍ୟକ ପଡିଲେ ଏସ୍‌ଓଜି ରିକ୍ୟୁସନ କରାଯିବ ବୋଲି ଏସ୍‌ପି ପ୍ରକାଶ କରିଛନ୍ତି।

ଆତ୍ମସମର୍ପଣ କରିଛନ୍ତି ୬ ମାଓବାଦୀ
ଅନୁଗୋଳ ଜିଲାରେ ମାଓବାଦୀ କାର୍ଯ୍ୟକଳାପ ଦେଖାଦେବା ପରଠାରୁ ଅଦ୍ୟାବଧି ୬ ଜଣ ମାଓବାଦୀ ଆତ୍ମସମର୍ପଣ କରିଛନ୍ତି। ୨୦୧୫ ଡିସେମ୍ବରରେ ସମ୍ବଲପୁର-ଦେବଗଡ଼-ସୁନ୍ଦରଗଡ଼(ଏସ୍‌ଡିଏସ୍‌) କ୍ୟାଡରର ମାଧବ, ୨୦୧୬ ଏପ୍ରିଲ ୬ରେ ପୁରୁଣାକୋଟ ଥାନା ସିଟିକୋଇଲି ଅଞ୍ଚଳର ପିଣ୍ଟୁ ଓ ୨୦୧୭ ଡିସେମ୍ବରରେ ଝାଡ଼ଖଣ୍ଡ ଅଞ୍ଚଳର ଜଣେ, ଏସ୍‌ଡିଏସ୍‌ କ୍ୟାଡରର ଜଣେ, ୨୦୧୮ ଏପ୍ରିଲରେ ରାଞ୍ଚି ଅଞ୍ଚଳର ଛୋଟୁ ଗଞ୍ଜୁ ଓ ଏସ୍‌ଡିଏସ୍‌ କ୍ୟାଡରର ଜଣେ ଅନୁଗୋଳ ପୋଲିସ ନିକଟରେ ଆତ୍ମସମର୍ପଣ କରିଛନ୍ତି।

ପରିଶ୍ରମର ଫଳ ମିଳିଛି: ଆଇଜି
ଉତ୍ତର-କେନ୍ଦ୍ରାଞ୍ଚଳ ରେଞ୍ଜ ଆଇଜି ନରସିଂହ ଭୋଳ କହିଛନ୍ତି, ପୋଲିସ କର୍ମଚାରୀଙ୍କ ପରିଶ୍ରମର ଫଳ ମିଳିଛି। ଅନୁଗୋଳ ମାଓବାଦୀ ଜିଲା ତାଲିକାରୁ ମୁକ୍ତ ହୋଇଥିବାରୁ ସରକାର ଏବେ ଅନ୍ୟ ଜିଲାର ମାଓବାଦୀଙ୍କ ଉପରେ ଅଧିକ ଧ୍ୟାନ ଦେଇପାରିବେ। ୨୦୧୬ରେ ପୋଲିସ ଏନ୍‌କାଉଣ୍ଟର ପରେ କଳିଙ୍ଗନଗର ମାଓବାଦୀ କ୍ୟାଡର ଗତିବିଧି ସମ୍ପୂର୍ଣ୍ଣ ଭାବେ ବନ୍ଦ ହୋଇଯାଇଥିଲା। ଏହାପରେ ଜଣେ ପରେ ଜଣେ ମାଓଦାବୀ ଆତ୍ମସମର୍ପଣ କରିଥିଲେ। ଗୋଇନ୍ଦା ବିଭାଗର ଉଦ୍ୟମ ଯୋଗୁ ଏସବୁ ସମ୍ଭବ ହୋଇଛି।


Enter your email to get our daily news in your inbox.

All Right Reserved By Dharitri.Com

ଗ୍ୟାସ୍‌ ଲିକ୍‌ରୁ ନିଆଁ ଲାଗି ମହିଳା ଗୁରୁତର

ବେଗୁନିଆପଡା,୧୫।୬(ଡି.ଏନ.ଏ.)-କୋଦଳା ଥାନା ଫାସି ଗ୍ରାମରେ ଶନିବାର ଗ୍ୟାସ୍‌ ଲିକ୍‌ରୁ ନିଆଁ ଲାଗି ଜଣେ ମହିଳା ଗୁରୁତର ହୋଇଛନ୍ତି। ସେ ହେଲେ କେଦାର ଦଳେଇଙ୍କ ସ୍ତ୍ରୀ ଦମୟନ୍ତୀ।...

ବାଲେଶ୍ବରରେ ଭାରତ ବନ୍ଦ ଡାକରା ପ୍ରଭାବଶୂନ୍ୟ

ବାଲେଶ୍ୱର ଅଫିସ, ୨୯।୧: ବହୁଜନ କ୍ରାନ୍ତି ମୋର୍ଚ୍ଚା ପକ୍ଷରୁ ଦିଆଯାଇଥିବା ଭାରତ ବନ୍ଦ ଡାକରା ବାଲେଶ୍ବରରେ ସମ୍ପୂର୍ଣ୍ଣ ବିଫଳ ହୋଇଛି। ବୁଧବାର ପୂର୍ବାହ୍ନ ୯ଟା ସମୟରେ...

ପ୍ରାଥମିକ ସ୍ବାସ୍ଥ୍ୟସେବାରୁ ବଞ୍ଚିତ ଗ୍ରାମବାସୀ

ପଟ୍ଟାମୁଣ୍ଡାଇ,୧୨।୩(ସ୍ବ.ପ୍ର.): ସରକାର ଗ୍ରାମପଞ୍ଚାୟତ ଲୋକମାନଙ୍କୁ ସ୍ବାସ୍ଥ୍ୟସେବା ଯୋଗାଇ ଦେବା ପାଇଁ ପ୍ରାଥମିକ ସ୍ବାସ୍ଥ୍ୟକେନ୍ଦ୍ର ଓ ଏଏନ୍‌ଏମ୍‌ କେନ୍ଦ୍ର ସ୍ଥାପନ କରିଛନ୍ତି। ଲୋକଙ୍କୁ ନିଜ ଘର ପାଖରେ...

ସ୍କୁଲ, କଲେଜ ଫି’ ଛାଡ଼ ନେଇ ଜିଲାପାଳଙ୍କଠାରେ ଦାବିକଲା ଛାତ୍ର କଂଗ୍ରେସ

ବଲାଙ୍ଗୀର ଅଫିସ,୨୮ା୫: ବଲାଙ୍ଗୀର ଜିଲା ଛାତ୍ର କଂଗ୍ରେସ ପକ୍ଷରୁ ଛାତ୍ରୀଛାତ୍ରଙ୍କ ସମସ୍ୟା ନେଇ ଜିଲାପାଳଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି। ଛାତ୍ର ସଭାପତି ଅଙ୍କିତ ସାହୁଙ୍କ...

ଟ୍ରେନ୍‌ ଧକ୍କାରେ ମା’, ଝିଅ ମୃତ

ଯାଜପୁର ରୋଡ୍‌,୨୩।୧୧(ଡି.ଏନ୍‌.ଏ.): ଯାଜପୁର କେନ୍ଦୁଝର ରୋଡ୍‌ ରେଳ ଷ୍ଟେଶନ ନିକଟ ଅହମ୍ମଦନଗର ନିକଟରେ ଶନିବାର ହାଓ୍ବଡା-ପୁରୀ ପାସେଞ୍ଜର ଟ୍ରେନ୍‌ ଧକ୍କାରେ ଦୁଇଜଣଙ୍କ ମୃତ୍ୟୁ ଘଟିଛି। ମୃତକ...

ଅବହେଳିତ ଅବସ୍ଥାରେ ମିନି କୋଣାର୍କ

ଗୋପ,୧୨।୧୨(ଡି.ଏନ୍‌.ଏ): କୋଣାର୍କର ସୂର୍ଯ୍ୟ ମନ୍ଦିର ଭଳି ଗୋପ ବ୍ଲକ ଅଧୀନ ଏରବଙ୍ଗ ପଞ୍ଚାୟତର ବୟାଳିଶବାଟି ଗ୍ରାମରେ ଏକ ମିନି କୋଣାର୍କ ମନ୍ଦିର ରହିଛି। ହେଲେ ଏହି...

ବିଧାୟକଙ୍କ ଗାଡ଼ି ପୋଡ଼ି ଘଟଣା: ୨ ଅଭିଯୁକ୍ତଙ୍କ ଜାମିନ ମଞ୍ଜୁର

ତାଳଚେର,୧୫।୧୨(ନି.ପ୍ର.): ତାଳଚେର ବିଧାୟକଙ୍କ ଗାଡ଼ି ପୋଡି ଘଟଣାରେ ଦୁଇ ଅଭିଯୁକ୍ତଙ୍କୁ ରବିବାର ସକାଳେ ତାଳଚେର ଏସ୍‌ଡିଜେଏମ୍‌ କୋର୍ଟ ଚାଲାଣ କରାଯାଇଥିଲା। ସେଠାରେ ୨ ଅଭିଯୁକ୍ତଙ୍କ ଜାମିନ...

କଳା ଦିବସ ପାଳନ କଲା କୁଡୁମୀ ସେନା

ବାରିପଦା ଅଫିସ,୬ା୯: ୧୯୫୦ମସିହା ସେପ୍ଟେମ୍ବର ୬ତାରିଖ ଦିନ କେନ୍ଦ୍ର ସରକାର କୁଡୁମୀ ଜାତିକୁ ଅନୁସୂଚିତ ଜାତିରୁ ବାଦ ଦିଆଯାଇଥିବା ପ୍ରତିବାଦରେ ଶୁକ୍ରବାର ମୟୂରଭଞ୍ଜ କୁଡୁମୀ ସେନା...

Advertisement
Archives

Model This Week