ରୋଷେଇ ପାଇଁ ଟମାଟୋର ବ୍ୟବହାର ତ ସମସ୍ତେ କରିଥାନ୍ତି । କିନ୍ତୁ ଟମାଟୋକୁ ଅନ୍ୟ କାମରେ ମଧ୍ୟ ବ୍ୟବହାର କରାଯାଇପାରେ –
ଫେସ୍ ସ୍କ୍ରବ୍ : ଟମାଟୋ ଏପରି ଏକ ଫଳ ଯେଉଁଥିରେ ପ୍ରଚୁର ପରିମାଣରେ ଭିଟାମିନ୍ ଅଛି । ଏଥିରେ ଥିବା ଭିଟାମିନ୍ ମୁହଁରେ ଚମକ ଆଣିବାରେ ସାହାଯ୍ୟ କରିଥାଏ । ତେଲିଆ ଚେହେରା, ବ୍ରଣ, ମୁହଁରେ କୁଞ୍ଚନ ଆଦି ସମସ୍ୟା ଦୂର କରିବା ପାଇଁ ଟମାଟୋକୁ ଫେସ୍ ସ୍କ୍ରବ୍ ଭାବେ ବ୍ୟବହାର କରି ପାରିବେ ।
ପିତ୍ତଳ ବାସନ ସଫା : ପୁରୁଣା ପିତ୍ତଳ ବାସନ ବା ପାତ୍ର ଗୁଡିକୁ ସଫା କରିବା ପାଇଁ ଟମାଟୋ ପେଷ୍ଟ ବା ଟମାଟୋ କେଚପ୍ ବ୍ୟବହାର କରି ପାରିବେ। ଏଥିରେ କୌଣସି କେମିକାଲ୍ର ଦରକାର ପଡେ ନାହିଁ। ଟମାଟୋ କେଚପ୍ ବା ଜୁସ୍କୁ ପିତ୍ତଳ ଜିନିଷରେ ଲଗାଇ କିଛି ସମୟ ପରେ ସଫା କଲେ ଏହା ପୂର୍ବ ପରି ଚକ୍ଚକ୍ କରିଥାଏ ।
ବାସନ ସଫା: କଢ଼େଇରେ ଖାଦ୍ୟ ପୋଡି ଗଲେ ଏହାକୁ ଛଡେଇବା ବହୁତ କଷ୍ଟ । କିନ୍ତୁ ଏଥିରେ କିଛି ଟମାଟୋ ସସ୍ ପକେଇ କିଛି ସମୟ ଛାଡି ଦେଲା ପରେ ସଫା କଲେ ଏଥିରେ ଜଳିଯାଇଥିବା ଖାଦ୍ୟ ଗୁଡିକ ସହଜରେ ସଫା ହୋଇ ଯାଇଥାଏ ।
ଦରଜ କମାଏ: ମହିଳା ମାନେ ହାଇ ହିଲ୍ ପିନ୍ଧିବାକୁ ବହୁତ ପସନ୍ଦ କରନ୍ତି । କିନ୍ତୁ ବହୁତ ସମୟ ପଯର୍ୟନ୍ତ ହିଲ୍ ପିନ୍ଧିକି ଚାଲିଲେ ପାଦ ଖଣ୍ଡିଆ ହୋଇଯାଏ ା ଏହି ପରି ଖଣ୍ଡିଆର ଦରଜ କମାଇବା ପାଇଁ ଟମାଟୋ ବେଶ୍ ସହାୟକ ହୋଇଥାଏ । ଖଣ୍ଡିଆ ହୋଇଥିବା ସ୍ଥାନରେ ଫାଳେ ଟମାଟୋ କାଟି ଗୁଡାଇ ୮ରୁ ୧୦ ମିନିଟ୍ ରଖିଦେଲେ ଏହା ଦରଜ କମାଇ ଦେଇଥାଏ ।
