ହିତାଧିକାରୀଙ୍କୁ ୮ ମାସର ରାଶନ ମିଳିନାହିଁ

ରାଜନଗର, ୮ା୨(ଡି.ଏନ୍‌.ଏ.): ମାସେ କି ଦୁଇମାସ ନୁହେଁ, ୮ମାସ ହେଲା ହିତାଧିକାରୀ ରାଶନ ସାମଗ୍ରୀ ପାଉନାହାନ୍ତି। ରାଶନ ସାମଗ୍ରୀ ପାଉ ନ ଥିବା ସମ୍ପର୍କରେ ହିତାଧିକାରୀମାନେ ରାଜନଗର ଯୋଗାଣ ଅଧିକାରୀ, ଜିଲା ଯୋଗାଣ ଅଧିକାରୀ ଓ ଉପଜିଲାପାଳଙ୍କ ନିକଟରେ ଗୁହାରି କରିଥିଲେ ମଧ୍ୟ କେହି ସେମାନଙ୍କ ଦୁଃଖ ଶୁଣିଲେନି। ସେମାନେ ରାଶନ ସାମଗ୍ରୀ ନ ପାଇବା ଯୋଗୁ ଭୋକରେ ଆଉଟୁପାଉଟୁ ହୋଇ ଶେଷରେ ବ୍ଲକ ସମ୍ମୁଖରେ ଅନଶନରେ ବସିଛନ୍ତି। ରାଜନଗର ବ୍ଲକ ସାତଭାୟା ପଞ୍ଚାୟତର ହିତାଧିକାରୀ ଏହି ହଡ଼ପର ଶିକାର ହୋଇଛନ୍ତି। ସେମାନେ ରିଟେଲର ବୀଣାକର ରାଉତଙ୍କ ପାଖରୁ ରାଶନ ସାମଗ୍ରୀ ଆଣିଥା’ନ୍ତି। ରିଟେଲର ୮ ମାସ ହେଲା ସେମାନଙ୍କୁ ରାଶନ ସାମଗ୍ରୀ ଦେଉନାହାନ୍ତି। ଏପରିକି ଜଣେ ଜଣେ ହିତାଧିକାରୀ ୧୦ମାସ ଧରି ରାଶନ ସାମଗ୍ରୀ ପାଇନାହାନ୍ତି।
ଅଭିଯୋଗ ମୁତାବକ, ରିଟେଲର ସେମାନଙ୍କଠାରୁ ପ୍ରଥମେ ମେଶିନରେ ଟିପଚିହ୍ନ ଓ ଆଇ ସ୍କାନ ନେଇଯାଆନ୍ତି। ପରେ ରାଶନ ସାମଗ୍ରୀ ଦିଆଯାଇଥାଏ। ଗତ ୮ମାସ ହେଲା ସେ ମେଶିନରେ ଟିପଚିହ୍ନ ଓ ଆଇସ୍କାନ ନେବା ପରେ ବି ଆମକୁ ରାଶନ ସାମଗ୍ରୀ ମିଳୁନାହିଁ। ତାଙ୍କ ପାଖକୁ ରାଶନ ସାମଗ୍ରୀ ପାଇଁ ଯିବା ବେଳେ ଉପରୁ ଆସିନି କହି ସମୟ ଗଡ଼ାଇ ଚାଲିଥିଲେ। ଟିପ ନ ଦେଲେ ଆଉ ସାମଗ୍ରୀ ମିଳିବନି ବୋଲି ଆମକୁ କହିବାରୁ ଆମେ ମେଶିନରେ ଆଇସ୍କାନ ଦେଉଛୁ। ମାତ୍ର ଆମର ନାଁରେ ରିଟେଲର ମାସିକ କୋଟା ବାବଦ ଚାଉଳ, ଗହମ ଓ ରିଲିଫ୍‌ ଚାଉଳକୁ ହଡ଼ପ କରି ନେଇଛନ୍ତି। କେତେଗୋଟି ଖାତାରେ ଏତେ କେଜି ବାକି ରହିଲା ବୋଲି ଲେଖି ଦେଇଛନ୍ତି। ଏ ନେଇ ଅଭିଯୋଗ କରିବା ପରେ ଆମକୁ ଆଜିଯାଏ ଚାଉଳ ଗହମ ମିଳିଲା ନାହିଁ। ଆମେ ଚାଉଳ, ଗହମ ନ ପାଇବାରୁ ଓଳିଏ ଖାଇଲେ ଆର ଓଳି ଉପବାସରେ ରହିବାକୁ ପଡୁଛି। ପ୍ରଶାସନ ଆମ ଦୁଃଖ ବୁଝୁନି, ଆମେ ଚାଉଳ ନ ପାଇବାଯାଏ ବ୍ଲକ ସମ୍ମୁଖରେ ଅନଶନରେ ବସିବୁ ବୋଲି କହିଛନ୍ତି। ସାତଭାୟାର କାଙ୍ଗାଳି ମଳିକ, ସୁବାସ ମଳିକ, ଭଗବତୀ ମଳିକ, ଜୟନ୍ତୀ ମଳିକ, ଦୁର୍ଯ୍ୟୋଧନ ମଳିକ, ସୁରଥ ମଳିକ, ଦୀପାଳି ମଳିକ, ବିଳାସିନୀ ସାହୁ, କୁନ୍ତଳା ସାହୁ ପ୍ରମୁଖ ଶତାଧିକ ହିତାଧିକାରୀ ଅନଶନରେ ବସିଛନ୍ତି। ଯୋଗାଣ ଅଧିକାରୀ ଦେବୀ ପ୍ରସାଦ ଦାଶଙ୍କ କହିବା ମୁତାବକ, ରେକର୍ଡ ଅନୁସାରେ ହିତାଧିକାରୀ ରାଶନ ସାମଗ୍ରୀ ପାଇ ସାରିଛନ୍ତି। ଅଭିଯୋଗ କରିବା ପରେ ଅନୁଧ୍ୟାନ କରି ରିଟେଲର ବୀଣାକର ରାଉତଙ୍କୁ ଡିସେମ୍ବରରେ ନିଲମ୍ବିତ କରାଯାଇଛି। କେତେଜଣ ହିତାଧିକାରୀ କେଉଁ କେଉଁ ମାସର ସାମଗ୍ରୀ ପାଇନାହାନ୍ତି, ତା’ର ହିସାବ ନ ଥିବାରୁ ସେମାନଙ୍କୁ ଚାଉଳ ଯୋଗାଣ ସମ୍ଭବ ହୋଇନି ବୋଲି କହିଛନ୍ତି। ପୂର୍ବାହ୍ନ ୧୦ଟାରୁ ହିତାଧିକାରୀମାନେ ବ୍ଲକ ସମ୍ମୁଖରେ ଅନଶନରେ ବସି ରହିଥିଲେ। ସେମାନେ ଚାଉଳ ନ ପାଇବା ଯାଏଁ ଉଠିବେନି ବୋଲି ଚେତାବନୀ ଦେଇଥିଲେ। ସନ୍ଧ୍ୟାରେ ଅତିରିକ୍ତ ଜିଲା ଯୋଗାଣ ଅଧିକାରୀ ପ୍ରଫୁଲ୍ଲ କୁମାର ଦାସ, ବିଡିଓ ସମୀର କୁମାର ବେହେରା ଅନଶନକାରୀଙ୍କ ସହ ଆଲୋଚନା କରିଥିଲେ। ୩ଜଣିଆ ଟିମ୍‌ ଗାଁରେ ପହଞ୍ଚତ୍ କାର୍ଡ ଦେଖି କେଉଁ ହିତାଧିକାରୀ କେତେ ମାସର ରାଶନ ସାମଗ୍ରୀ ପାଇନାହାନ୍ତି, ତା’ର ତାଲିକା ପ୍ରସ୍ତୁତ କରିବେ। ୭ ଦିନ ଭିତରେ ରାଶନ ସାମଗ୍ରୀ ଯୋଗାଇ ଦେବାକୁ ହିତାଧିକାରୀଙ୍କୁ ପ୍ରତିଶ୍ରୁତି ଦିଆଯିବା ପରେ ଅନଶନ ଭାଙ୍ଗିଛି। ଅନଶନକୁ ସମର୍ଥନ କରି ସାତଭାୟା ସରପଞ୍ଚ ପ୍ରସନ୍ନ କୁମାର ପରିଡା, ଯୁବନେତା ସୁଦର୍ଶନ ରାଉତ, ବ୍ଲକ କଂଗ୍ରେସ କମିଟି ସଭାପତି ଦେବେନ୍ଦ୍ର କୁମାର ଜେନା ପ୍ରମୁଖ ବସି ରହିଥିଲେ।


Enter your email to get our daily news in your inbox.

All Right Reserved By Dharitri.Com

ମୁଖ୍ୟମନ୍ତ୍ରୀ ପୁନର୍ବିଚାର କରିବେ ବୋଲି ବିଶ୍ୱାସ: ସମୀର

ଗୋପ, ୧୯ା୪(ଭାରତୀ ଭୂଷଣ ଉପାଧ୍ୟାୟ): ନିମାପଡ଼ା ବିଧାୟକ ସମୀର ରଞ୍ଜନ ଦାଶଙ୍କୁ ବିଜେଡି ପକ୍ଷରୁ ଟିକେଟ ନ ମିଳିବା ନେଇ ଏବେ ତାଙ୍କ ସମର୍ଥକଙ୍କ ମଧ୍ୟରେ...

ନିମାପଡ଼ା ଆସନରେ ମାଷ୍ଟରଷ୍ଟ୍ରୋକ୍‌ ଖେଳିପାରେ କଂଗ୍ରେସ

ନିମାପଡ଼ା,୧୯ା୪(ରଞ୍ଜନ ପଟ୍ଟନାୟକ): ନିମାପଡ଼ା ବିଧାନସଭା ନିର୍ବାଚନମଣ୍ଡଳୀ ପାଇଁ ଭାଜପା ଏବଂ ବିଜେଡି ପ୍ରାର୍ଥୀ ଘୋଷଣା କରିସାରିଥିବା କଂଗ୍ରେସ ପଡ଼ିଛି ପଛରେ। ୨୦୧୯ ନିର୍ବାଚନରେ ଦିଲ୍ଲୀପ ନାୟକକଂଗ୍ରେସରୁ...

ଚିଟ୍‌ଫଣ୍ଡ ଅଭିଯୁକ୍ତଙ୍କ ପାସ୍‌ପୋର୍ଟ ଫେରାଅ: ହାଇକୋର୍ଟ

କଟକ,୧୯ା୪ (କାର୍ତ୍ତିକ ସାହୁ) ଜଣେ ଚିଟ୍‌ଫଣ୍ଡ ଅଭିଯୁକ୍ତଙ୍କ ପାସ୍‌ପୋର୍ଟ ଫେରାଇବାକୁ ହାଇକୋର୍ଟ ସିବିଆଇକୁ ଆଦେଶ ଦେଇଛନ୍ତି। ଏଥିସହ ସମ୍ପୃକ୍ତ ଅଭିଯୁକ୍ତଙ୍କ ପାସ୍‌ପୋର୍ଟ ଫେରାଇବା ବିରୋଧରେ ସିବିଆଇ...

କୋରାପୁଟରେ ଶକ୍ତି ପ୍ରଦର୍ଶନ କଲେ ମାମୁଁ ଭଣଜା

କୋରାପୁଟ,୧୯।୪(ଅମିତାଭ ବେହେରା) କୋରାପୁଟ ସଂସଦୀୟ କ୍ଷେତ୍ରରେ ଆସନ୍ତା ମେ ୧୩ରେ ପ୍ରଥମ ପର୍ଯ୍ୟାୟ ମତଦାନ ହେବ। ଗତକାଲି ଅର୍ଥାତ ୧୮ରୁ ପାର୍ଥୀପତ୍ର ଦାଖଲ ଆରମ୍ଭ ହୋଇଥିବାବେକେ...

ଟ୍ରେନ୍‌ ଚଳାଚଳରେ ପରିବର୍ତ୍ତନ

ସମ୍ବଲପୁର,୧୯ା୪(ପ୍ରମୋଦ ବହିଦାର): ରେଳବାଇ ସୁରକ୍ଷା ଜନିତ ରକ୍ଷଣାବେକ୍ଷଣ କାର୍ଯ୍ୟ ପାଇଁ ସମ୍ବଲପୁର ରେଳମଣ୍ଡଳ ଅଧୀନସ୍ଥ କେତେକ ଟ୍ରେନ୍‌ ଚଳାଚଳରେ ପରିବର୍ତ୍ତନ କରାଯାଇଥିବା ନେଇ ସମ୍ବଲପୁର ରେଳ...

ତାପମାତ୍ରାରେ ଭୁବନେଶ୍ୱକୁ ଟପିଲା କଟକ

ଭୁବନେଶ୍ୱର,୧୯।୪: ରାଜ୍ୟରେ ଜାରି ରହିଛି ପ୍ରଚଣ୍ଡ ତାତି। ସକାଳ ୮ଟା ପରେ ଘରୁ ବାହାରିବା ମୁସ୍କିଲ ହୋଇପଡୁଛି। ରାଜ୍ୟରେ ଏ ବର୍ଷ ପ୍ରଥମ ଥର ପାଇଁ...

୨୦୧୯ରେ ପୁରୀ ବିଧାନସଭାରେ କାହିଁକି ହାରିଥିଲା ବିଜେଡି, କାରଣ କହିଲେ ସଭାପତି…

ପୁରୀ,୧୯।୪: ୨୦୧୯ରେ ପୁରୀ ବିଧାନସଭା ଆସନରେ କାହିଁକି ହାରିଲା ବିଜେଡି । ଏନେଇ କାରଣ କହିଛନ୍ତି ଖୋଦ ଜିଲା ବିଜେଡି ସଭାପତି । ସଭାପତି ଦିବାକର...

ପିକ୍‌ଅପ୍‌ରୁ ଜବତ ହେଲା ପୁଳାପୁଳା ଟଙ୍କା

ପଦ୍ମପୁର,୧୯ା୪(ପ୍ରଦୀପ୍ତ ଦାଶ): ବରଗଡ଼ ଜିଲା ପଦ୍ମପୁର ଥାନା ପୋଲିସ ଶୁକ୍ରବାର ଏକ ପିକ୍‌ଅପ୍‌ରୁ ପୁଳାପୁଳା ଟଙ୍କା ଜବତ କରିଛି। ଗାଇସିଲେଟ -ପଦ୍ମପୁର ରାସ୍ତାର ଗଡ଼ଭାଟି ଛକରୁ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri