ପରୀକ୍ଷା ପୂର୍ବରୁ ବେଳେବେଳେ ପିଲାମାନେ ଅତ୍ୟଧିକ ଚାପର ଶିକାର ହୋଇଯାନ୍ତି। ସେମାନଙ୍କ ଟେନ୍ସନ୍ ଦୂର କରିବା ପାଇଁ ଅଭିଭାବକମାନେ କ’ଣ କରିବେ ଜାଣି ରଖନ୍ତୁ।
– ଭଲ ରେଜଲ୍ଟ କରିବା ପାଇଁ କିଛି ଅଭିଭାବକ ପିଲାଙ୍କୁ ବାରମ୍ବାର ଚେତାଇ ସେମାନଙ୍କ ଉପରେ ଚାପ ପକାନ୍ତି। କିନ୍ତୁ ତାହା ସମ୍ପୂର୍ଣ୍ଣ ଭୁଲ୍। ବରଂ ପିଲାଙ୍କ ପ୍ରତି ନିଜର ବିଶ୍ୱାସ ଥିବା କହି ଉତ୍ସାହିତ କରନ୍ତୁ।
– ଘର ପରିବେଶକୁ ସକାରାତ୍ମକ ରଖନ୍ତୁ। ପରୀକ୍ଷା ପାଇଁ ପିଲା ଯଦି ଚିନ୍ତାରେ ରହୁଥାଏ ତେବେ ତା ସହିତ ପାଠ ବ୍ୟତୀତ ଅନ୍ୟ ବିଷୟରେ ଚର୍ଚ୍ଚା କରନ୍ତୁ।
-ପିଲାଙ୍କୁ ପାଠ ପଢିବାକୁ ପରାମର୍ଶ ଦିଅନ୍ତୁ କିନ୍ତୁ ଗାଳି କରନ୍ତୁ ନାହିଁ।
– ସ୍ବାସ୍ଥ୍ୟ ଭଲ ରଖିବା ପାଇଁ ପିଲାଙ୍କୁ ଠିକ୍ ସମୟରେ ସୁଷମ ଖାଦ୍ୟ ଦିଅନ୍ତୁ। – ପିଲା ଯଦି ଲଗାତର ଘଣ୍ଟା ଘଣ୍ଟା ବସି ପଢୁଥାଏ ତେବେ ତାକୁ ମଝିରେ ମଝିରେ ବ୍ରେକ୍ ନେବା ପାଇଁ କୁହନ୍ତୁ। ଫଳରେ ମୁଡ୍ ଫ୍ରେଶ୍ ରହିବ ଏବଂ ପିଲାମାନେ ଷ୍ଟ୍ରେସ୍ ଫ୍ରି ରହିଥାନ୍ତି।
