ଦାରିଙ୍ଗବାଡି,୧୧।୮(ଅରୁଣ ସହୁ):ଆସନ୍ତା ଶନିବାର ସ୍ବାଧୀନତା ଦିବସ ପାଳନ ହେବ। ଏଥିପାଇଁ ଚାରିଆଡେ ଏବେ ଜୋରଦାର ପ୍ରସ୍ତୁତି ଚାଲିଛି। ଏହି ପ୍ରରିପ୍ରେକ୍ଷୀରେ କନ୍ଧମାଳ ଜିଲା ଦାରିଙ୍ଗବାଡି ହେଲିପ୍ୟାଡ଼ ପଡିଆରେ ବ୍ଲକସ୍ତରୀୟ ସ୍ବାଧୀନତା ଦିବସ ପାଳନ କରାଯିବ। ସେଥିପାଇଁ ସ୍ଥାନୀୟ ପ୍ରଶାସନ ପକ୍ଷରୁ ଜୋରଦାର ପ୍ରସ୍ତୁତି କରାଯିବା ସହ ମଙ୍ଗଳବାର ସକାଳ ସମୟରେ ବିଡ଼ିଓ ପ୍ରୀତିରଞ୍ଜନ ରଥ, କନିଷ୍ଠ ଯନ୍ତ୍ରୀ ଧିରେନ ସେଠି ପରେଡ ପଡିଆରେ ପହଞ୍ଚି ସ୍ଥିତି ପରଖିଛନ୍ତି। ଏବେ ଅଞ୍ଚଳରେ ବର୍ଷା ଲାଗିରହିଛି। ଫଳରେ ପରେଡ ପଡିଆ କର୍ଦ୍ଧମାକ୍ତ ହୋଇପଡିଛି। ତାକୁ ମରାମତି କରାଯିବାକୁ ବିଡ଼ିଓ ନିର୍ଦ୍ଦେଶ ଦେଇଛନ୍ତି।
ସେହିପରି ମଞ୍ଚ ମରାମତି, ବାରିକେଟ ନିର୍ମାଣ ଓ ଅନ୍ୟାନ କାର୍ଯ୍ୟର ତଦାରଖ କରିଛନ୍ତି ବିଡ଼ିଓ। ଏହି ଦିବସ ପାଳନ ପୁର୍ବରୁ ବ୍ଲକସ୍ତରୀୟ ପ୍ରତିଯୋଗିତା ଅନୁଷ୍ଠିତ କରାଯାଉଛି। ଯେଉଁ ସବୁ ଛାତ୍ରୀଛାତ୍ର ପ୍ରତିଯୋଗିତାରେ କୃତିତ୍ୱ ଅର୍ଜନ କରିବେ ସେମାନଙ୍କୁ ସ୍ବାଧୀନତା ଦିବସ ପାଳନ ସମୟରେ ପୁରସ୍କୃତ କରାଯିବ ବୋଲି ବିଡ଼ିଓ କହିଛନ୍ତି।
Dharitri – Odisha’s No.1 Odia Daily
