ପୂଜାକୁ ଫେରିଲା ବାଜା

ବଅଁରପାଳ,୧୮ା୧(ଉପେନ୍ଦ୍ର ରାଉତ): ଆଧ୍ୟାତ୍ମିକ ଆୟୋଜନ ହେଉ କି ସାଂସ୍କୃତିକ ଅବା ମାଙ୍ଗଳିକ, ବାଦ୍ୟ ବିନା ଏହାର କଳ୍ପନା କଷ୍ଟକର। ଶାସ୍ତ୍ରରେ ମଧ୍ୟ ବାଦ୍ୟକୁ ସର୍ବଦା ଶୁଭର ସୂଚନା ବୋଲି ମାନ୍ୟ କରାଯାଇଛି। ସେଥିପାଇଁ ପୂଜା, ବିବାହ, ବ୍ରତ ଆଦିରେ ପ୍ରଥମେ ଖୋଜାପଡ଼େ ବାଜା। କିନ୍ତୁ ମହାମାରୀ କୋଭିଡ୍‌-୧୯ କାରଣରୁ ଦୀର୍ଘ ୯ ମାସ ହେଲା ଏହି ବାଦ୍ୟକୁ ଏସବୁ କାର୍ଯ୍ୟରେ ସାମିଲ ପାଇଁ ଅନୁମତି ନ ଥିଲା। ଏପରି କି ଗତ ପୂଜା ଋତୁରେ ବିନା ବାଜାରେ ଦେବଦେବୀଙ୍କ ଭସାଣି ଶୋଭାଯାତ୍ରା ଅନୁଷ୍ଠିତ ହୋଇଥିଲା। କିନ୍ତୁ ବିଳମ୍ବ ହେଲେ ବି ଚଳିତମାସରେ ସରକାର ଅନୁମତି ଦେବା ପରେ ବାଜା ତା’ର ପୂର୍ବ ସମ୍ମାନ ଫେରିପାଇଛି। ଆଗକୁ ସରସ୍ବତୀ ପୂଜା ସହ ବିବାହ ଋତୁ ଆସୁଥିବାରୁ ଅନୁଗୋଳ ଜିଲା ବଅଁରପାଳ ବ୍ଲକର ବାଦ୍ୟକାର, ଡିଜେ, ବ୍ରାସପାର୍ଟି ମାଲିକ ଓ କର୍ମଚାରୀ ମହଲରେ ଖୁସିର ଲହରି ଖେଳିଯାଇଛି।
ବଅଁରପାଳ ବ୍ଲକର ନାଲ୍‌କୋ, କାଣ୍ଡସର, କୁରୁଡୁଲୁ, ତୁରଙ୍ଗ, କୁଲାଡ଼, ଗିରାଙ୍ଗ, ଗୋତମରା, ବଅଁରପାଳ, ବୁଢ଼ାପଙ୍କ, ବନ୍ଦା, ନୂଆହତା, ଗଡ଼ସନ୍ତ୍ରୀ, ତଳମୂଳ, ମହୀଧରପୁର ଓ ଫୁଲୁପଡ଼ା ଆଦି ଅଞ୍ଚଳରେ ୨୫ରୁ ଅଧିକ ଡିଜେ, ବ୍ରାସ ଓ ଢୋଲପାର୍ଟି ଅଛନ୍ତି। ବଅଁରପାଳ ସହ ଅନୁଗୋଳ ଓ ଢେଙ୍କାନାଳ ଜିଲାର ବିଭିନ୍ନ ପୂଜା ଉତ୍ସବ ଏବଂ ବିବାହ ଶୋଭାଯାତ୍ରା ପାଇଁ ଏମାନଙ୍କ ନିକଟକୁ ବରାଦ ଆସେ। ଗୋଟିଏ କାର୍ଯ୍ୟକ୍ରମ ପାଇଁ ୨୫ରୁ ୩୦ ହଜାର ଟଙ୍କା ମିଳେ। ତେଣୁ ପ୍ରତିବର୍ଷ ପୂଜା ଓ ବିବାହ ଋତୁରେ ଲକ୍ଷାଧିକ ଟଙ୍କାର ଆୟ ହୋଇଥାଏ। ଗୋଟିଏ ଦଳରେ ୨୦ରୁ ୩୦ ସଦସ୍ୟ ସାମିଲ ଥିବାରୁ ଶତାଧିକ ପରିବାର ଏହି ରୋଜଗାର ଉପରେ ନିର୍ଭର କରନ୍ତି। କିନ୍ତୁ କରୋନା ପାଇଁ ଦୀର୍ଘ ୯ ମାସ ବାଦ୍ୟ ପରିବେଷଣ ବନ୍ଦ ରହିଥିବାରୁ ଏଥିରୁ ଆୟ କରୁଥିବା ଲୋକଙ୍କ ଆର୍ଥିକ ଅବସ୍ଥା ଶୋଚନୀୟ ହୋଇପଡ଼ିଥିଲା। ସେହିପରି ଋଣ କରି ମ୍ୟୁଜିକ ସିଷ୍ଟମ ବ୍ୟବସାୟ କରୁଥିବା ଡିଜେ, ବ୍ରସ୍‌ପାର୍ଟି ମାଲିକମାନେ ବିପୁଳ କ୍ଷତି ସହିବାକୁ ବାଧ୍ୟ ହୋଇଥିଲେ। ତେବେ କରୋନା ସଂକ୍ରମଣ ତଳମୁହଁା ହେବା ପରେ ସରକାର ଏବେ ସାଂସ୍କୃତିକ କାର୍ଯ୍ୟକ୍ରମ, ବିବାହ ଶୋଭାଯାତ୍ରାରେ ୨ଶହରୁ ଅଧିକ ଲୋକଙ୍କୁ ସାମିଲ ଅନୁମତି ଦେଇଛନ୍ତି। ସେହିପରି ଡିଜେ, ବ୍ରାସ୍‌ପାର୍ଟି ଉପରେ ଲଗାଯାଇଥିବା କଟକଣାକୁ ମଧ୍ୟ ହଟାଇ ଦେଇଛନ୍ତି। ସରକାରଙ୍କ

୫ଟି ସ୍ଥାନରୁ ଅଗ୍ରିମ ମିଳିଲାଣି
ବ୍ୟାଙ୍କରୁ ଋଣ କରି ସାଉଣ୍ଡ ସିଷ୍ଟମ ବ୍ୟବସାୟ କରିଛି। କରୋନା ପୂର୍ବରୁ ବେପାର ଖୁବ୍‌ ହେଉଥିଲା। ବିବାହ ଋତୁରେ ଗୋଟିଏ ଦିନରେ ଏକାଧିକ ଶୋଭାଯାତ୍ରା ପାଇଁ ବରାଦ ମିଳୁଥିଲା। କିନ୍ତୁ କରୋନା ପାଇଁ ବର୍ଷେ ବେକାର ହୋଇଗଲା। ଲକ୍ଷ ଲକ୍ଷ ଟଙ୍କା କ୍ଷତି ସହିବାକୁ ପଡ଼ିଲା। ହେଲେ ସାଉଣ୍ଡ ସିଷ୍ଟମକୁ ଅନୁମତି ମିଳିଥିବାରୁ ବେପାର ଆରମ୍ଭ ହୋଇଛି। ଗତ ୮ ଦିନ ମଧ୍ୟରେ ୫ଟି ସ୍ଥାନରୁ ଅଗ୍ରିମ ଆସିଲାଣି।
-ରଶ୍ମିରଞ୍ଜନ ସାହୁ, ସାଉଣ୍ଡ ସିଷ୍ଟମ ମାଲିକ, ବନ୍ଦା

ବହୁ ପରିବାର ଉପକୃତ ହେବେ
ସରକାରଙ୍କ କଡ଼ା କଟକଣା ଯୋଗୁ ଲକ୍‌ଡାଉନ୍‌ ସମୟରେ ମାଙ୍ଗଳିକ କାର୍ଯ୍ୟ ସମ୍ପନ୍ନ ପାଇଁ କେହି ଆଗ୍ରହ ପ୍ରକାଶ କରୁ ନ ଥିଲେ। ତେଣୁ ଡିଜେ, ଢୋଲ ଓ ବ୍ରାସ ପରିବେଷଣର ଅନୁମତି କି ସୁଯୋଗ ନ ଥିଲା। ଏହାଦ୍ୱାରା ବାଦ୍ୟକାରଙ୍କଠାରୁ ଆରମ୍ଭ କରି ଗାୟିକା, ଗାୟକ, ନୃତ୍ୟଶିଳ୍ପୀ, ଲାଇଟ୍‌, ସାଉଣ୍ଡ ଓ ଟ୍ରଲି ଚାଳକଙ୍କ ସହ ୩୦ରୁ ଅଧିକ ପରିବାର ରୋଜଗାର ହରାଇଥିଲେ। ଅନୁମତି ପରେ ଏସବୁ ସଦସ୍ୟଙ୍କ ପରିବାର ଉପକୃତ ହେବେ।
-ଈଶ୍ୱର ବେହେରା, ଗିରାଙ୍ଗ ମ୍ୟୁଜିକ ସିଷ୍ଟମ ମ୍ୟାନେଜର

ଦୁର୍ବଳ ସ୍ଥିତିକୁ ବଳ ମିଳିଛି
କିଛିମାସ ହେଲା ଲକ୍‌ଡାଉନ୍‌ କୋହଳ କରାଯାଇଥିଲେ ମଧ୍ୟ ବେପାର ନ ଥିଲା। ସରକାର କଟକଣା ଲଗାଇଥିବାରୁ ବିନା ବାଜା, ବାଣ ଓ ଶୋଭାଯାତ୍ରାରେ କେହି ବିବାହ କାର୍ଯ୍ୟ କରିବାକୁ ଆଗ୍ରହ ପ୍ରକାଶ କରୁ ନ ଥିଲେ। ସେହିପରି ସାଂସ୍କୃତିକ କାର୍ଯ୍ୟକ୍ରମକୁ ମଧ୍ୟ ଅନୁମତି ନ ଥିଲା। ତେଣୁ ଏସବୁ କାର୍ଯ୍ୟକ୍ରମ ପାଇଁ ପ୍ରଥମେ ଖୋଜାପଡ଼ୁଥିବା ଟେଣ୍ଟହାଉସ୍‌ ଏକପ୍ରକାର ଅଛୁଅଁା ହୋଇଯାଇଥିଲା। କଟକଣା ହଟିବା ବେପାରର ଦୁର୍ବଳ ସ୍ଥିତିକୁ ବଳ ଯୋଗାଇଛି।
-ଦୁଷ୍ମନ୍ତ ସାହୁ, ଟେଣ୍ଟ ହାଉସ ମାଲିକ, କନ୍ୟାବେଡ଼ା

ବରଗାଡ଼ି ସଜାଇବା ପାଇଁ ବଇନା ପାଇଛି
ସରକାର ଅଧିକ ସଂଖ୍ୟକ ଲୋକଙ୍କୁ ଏକାଠି ହେବାକୁ ଅନୁମତି ଦେଉ ନ ଥିବାରୁ ପୂର୍ବରୁ ବିବାହ, ବ୍ରତୋପନୟନ ଆଦି କାର୍ଯ୍ୟକୁ ଘୁଞ୍ଚାଇ ଦିଆଯାଉଥିଲା। ଫଳରେ ବରଗାଡ଼ିଠାରୁ ବିବାହ ବେଦି ଯାଏ ସାଜସଜ୍ଜା ପାଇଁ ଫୁଲ ଆବଶ୍ୟକ ପଡ଼ୁ ନ ଥିଲା। ଏହା ବ୍ୟବସାୟୀଙ୍କୁ କ୍ଷତି ପହଞ୍ଚାଉଥିଲା। ସରକାରଙ୍କ ଅନୁମତି ମିଳୁ ମିଳୁ ବରଗାଡ଼ି ପାଇଁ ବଇନା ପାଇଛି।
-ଅଭିଜିତି ମାଝି, ଫୁଲ ଦୋକାନୀ, ନାଲ୍‌କୋ


Enter your email to get our daily news in your inbox.

All Right Reserved By Dharitri.Com

ଗଞ୍ଜେଇ ବ୍ୟବସାୟ କରି କୋଟିପତି

ଛେଣ୍ଡିପଦା, ୨୮ା୧୧(ସ୍ବ.ପ୍ର.)-ଗଞ୍ଜେଇ ବ୍ୟବସାୟ କରି ଛିଡ଼ା କରିଥିଲେ ବିଶାଳ ସାମ୍ରାଜ୍ୟ। ରାଜ୍ୟ ବାହାର ବ୍ୟବସାୟୀଙ୍କ ସହ ସମ୍ପର୍କ ବଢ଼ାଇ ବ୍ୟାଙ୍କ ଆକାଉଣ୍ଟ ମାଧ୍ୟମରେ ଚାଲିଥିଲା କୋଟି...

ଜଳିଗଲା ୩ ଦୋକାନ, ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ

ପାଲଲହଡ଼ା, ୧୪ା୪(ଡି.ଏନ.ଏ.)- ପାଲଲହଡ଼ା ଉପଖଣ୍ଡ ମୁଖ୍ୟ ଡାକ୍ତରଖାନା ଛକ ବିଜୁ ପଟ୍ଟନାୟକଙ୍କ ପ୍ରତିମୂର୍ତ୍ତି ନିକଟରେ ଥିବା ୩ ଦୋକାନରେ ସୋମବାର ବିଳମ୍ବିତ ରାତିରେ ନିଆଁ ଲାଗିଯାଇଛି...

ଜନ୍ମମାଟିରେ ଜଳିଲା ଯବାନ ରାଣାପ୍ରତାପଙ୍କ ଜୁଇ

ଅନୁଗୋଳ ଅଫିସ,୧୧ା୧୨: ତାମିଲନାଡୁର କୁନ୍ନୁରରେ ହେଲିକପ୍ଟର ଦୁର୍ଘଟଣାରେ ପ୍ରାଣ ହରାଇଥିବା ବୀର ଯବାନ ରାଣାପ୍ରତାପ ଦାସଙ୍କ ଜୁଇ ତାଙ୍କ ଜନ୍ମମାଟି କୃଷ୍ଣଚନ୍ଦ୍ରପୁର ଗାଁରେ ଜଳିଛି। ରାଷ୍ଟ୍ରୀୟ...

ଆଇନଜୀବୀଙ୍କୁ ମରଣାନ୍ତକ ଆକ୍ରମଣ

ତାଳଚେର, ୧୦ା୩(ନି.ପ୍ର.)- ତାଳଚେର ଓକିଲ ସଂଘର ପୂର୍ବତନ ସଭାପତି ଦୟସାଗର ମିଶ୍ରଙ୍କୁ କେତେଜଣ ଦୁର୍ବୁତ୍ତ ମଙ୍ଗଳବାର ମରଣାନ୍ତକ ଆକ୍ରମଣ କରିଥିବା ଅଭିଯୋଗ ହୋଇଛି । ତାଙ୍କ...

୨ ଘଣ୍ଟାରେ ବେପାର ସରେ

ପିଲାବେଳେ ବାପାଙ୍କୁ ଦୋକାନରେ ସହଯୋଗ କରୁଥିଲେ। ତାଙ୍କଠାରୁ ସ୍ବାଦିଷ୍ଟ ଜଳଖିଆ ତିଆରି କରିବା ଶିଖିଥିଲେ। ଟିକେ ବଡ଼ ହେବା ପରେ ନିଜେ ଏହି ବ୍ୟବସାୟ ଆରମ୍ଭ...

୫-ଟି ପାଇଁ ଆନୁଷଙ୍ଗିକ ଭିତ୍ତିଭୂମି ପ୍ରସ୍ତୁତ କର

ଅନୁଗୋଳ ଅଫିସ, ୨୩।୨ – ଅନୁଗୋଳ ଜିଲା କାର୍ଯ୍ୟାଳୟ ସମ୍ମିଳନୀ କକ୍ଷରେ ଶନିବାର ପୂର୍ବାହ୍ନରେ ‘୫-ଟି’ର ସମୀକ୍ଷା ବୈଠକ ଜିଲାପାଳ ମନୋଜ କୁମାର ମହାନ୍ତିଙ୍କ ଅଧ୍ୟକ୍ଷତାରେ...

ହାତୀ ପହଞ୍ଚାଉଛି କ୍ଷତି

ବଇଣ୍ଡା,୧୯ା୮: ଐତିହ୍ୟ ପ୍ରାଣୀ ହାତୀ ପାଇଁ ଅନୁଗୋଳ ଜିଲା କିଶୋରନଗର ବ୍ଲକ ହଣ୍ଡପା ରେଞ୍ଜ ଅଞ୍ଚଳବାସୀ ବର୍ଷ ବର୍ଷ ଧରି କ୍ଷତି ସହୁଛନ୍ତି। ଗତ ୮ ବର୍ଷ...

ପାଚିଲା ଧାନ ଉପରେ ବର୍ଷା ପାଣି

ଅନୁଗୋଳ ଅଫିସ, ୬।୧୨: ବାତ୍ୟା ଜଓ୍ବାଦ ପ୍ରଭାବରେ ୨ ଦିନ ଧରି ବର୍ଷା ଲାଗିରହିବାରୁ ଅନୁଗୋଳ ଜିଲାର ସହସ୍ରାଧିକ ଏକର ଧାନ ଫସଲ ନଷ୍ଟ ହୋଇଯିବା ଆଶଙ୍କା...

Advertisement


Archives

Model This Week