ବୈପାରିଗୁଡା,୨ା୨ (ଡି.ଏନ୍.ଏ.) ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଖେଇ ଆସୁଥିବା ବେଳେ ଏବେ ବ୍ଲକ ଅଧ୍ୟକ୍ଷ ଆସନକୁ ନେଇ ବୈପାରିଗୁଡା ବ୍ଲକରେ ବିଭିନ୍ନ ରାଜନୈତିକ ଦଳ ମଧ୍ୟରେ ଅଙ୍କକଷା ଆରମ୍ଭ ହୋଇଯାଇଛି। ପଞ୍ଚାୟତ ସମିତି ଅଧ୍ୟକ୍ଷ ଆସନ ପାଇଁ କୌଣସି ଦଳୀୟ ଚିହ୍ନରେ ପ୍ରାର୍ଥୀମାନେ ନିର୍ବାଚନ ଲଢିବାର ବ୍ୟବସ୍ଥା ନାହିଁ ା ମାତ୍ର ପରୋକ୍ଷ ଭାବେ ନିଜ ଦଳର ସମର୍ଥିତ ପ୍ରାର୍ଥୀଙ୍କୁ ଜିତାଇ କ୍ଷମତା ଦଖଲ କରିବାକୁ ବିଭିନ୍ନ ରାଜନୈତିକ ଦଳ ପକ୍ଷରୁ ଜୋରଦାର ପ୍ରୟାସ ଆରମ୍ଭ ହୋଇଛି ା
ଏହି ବ୍ଲକ ଅଧ୍ୟକ୍ଷ ଆସନ ଆଦିବାସୀ ପ୍ରାର୍ଥୀଙ୍କ ପାଇ ସଂରକ୍ଷିତ ରହିଛି ା ବ୍ଲକର ସମୁଦାୟ ୨୦ ପଞ୍ଚାୟତର ନିର୍ବାଚିତ ସମିତି ସଭ୍ୟମାନେ ସେମାନଙ୍କ ମଧ୍ୟରୁ ଜଣଙ୍କୁ ଭୋଟ୍ ଦେଇ ଅଧଧ୍ୟକ୍ଷ ଭାବେ ନିର୍ବାଚିତ କରିବେ ା ଅନ୍ୟୁନ ୧୧ ଜଣ ସମିତି ସଭ୍ୟ ଯାହା ସପକ୍ଷରେ ଯିବେ ସେ ଜିତିବେ। ଚଳିତ ନିର୍ବାଚନରେ ୩ ପ୍ରମୁଖ ରାଜନୈତିକ ଦଳ ବିଜେଡି,ଭାଜପା ଓ କଂଗ୍ରେସ ସମେତ କିଛି ସ୍ବାଧୀନ ପ୍ରାର୍ଥୀ ଦୌଡରେ ସାମଲ୍ ଅଛନ୍ତି। ତେବେ ଭାଜପା ଓ ସ୍ବାଧୀନ ପ୍ରାର୍ଥୀ ନିର୍ଣ୍ଣାୟକ ଭୂମିକା ନେଇପାରନ୍ତି ବୋଲି ଆକଳନ କରାଯାଉଛି ାସୂଚନାଯୋଗ୍ୟ, ଦଳୀୟ ନେତୃତ୍ବ ପରିବର୍ତ୍ତନ ନେଇ ବିଗତ ଦିନରେ ଏଠାରେ ବିଜେଡି ୨ ଗୋଷ୍ଠୀରେ ଭାଗ ହୋଇଥିଲା। ଦଳିୟ କନ୍ଦଳ ଯୋଗୁ ବ୍ଲକ ସଭାପତି ପଦବୀ ସ୍ଥାନରେ ଏକ ୫ ଜଣିଆ କମିଟିକୁ ପରିଚାଳନା ଦାୟିତ୍ବ ପ୍ରଦାନ କରାଯାଇଥିଲା। ଏବେ ଅନେକ ସ୍ଥାନରେ ଦଳିୟ ପ୍ରାର୍ଥୀଙ୍କ ବିପକ୍ଷରେ ଦଳୀୟ ପ୍ରାର୍ଥୀ ଲଢୁଛନ୍ତି। ଫଳରେ ଦଳରେ ଏବେ ମଧ୍ୟ ଫାଟ ରହିଥିବା ଷ୍ପଷ୍ଟ ହେଉଛି। ଏହାର ଫାଇଦା କଂଗ୍ରେସ ଉଠାଇପାରେ ବୋଲି ଆଲୋଚନା ହେଉଛି। ବ୍ଲକ ଅଧ୍ୟକ୍ଷ ପଦ ପାଇଁ ବିଜେଡିର ୨ ଆଶାୟୀ ପ୍ରାର୍ଥୀ ବର୍ତ୍ତମାନର ବୈପାରୀଗୁଡା ସରପଞ୍ଚ ଭାଗୀରଥି ମୁର୍ଜିଆ ଓ ଜିଲା ପରିଷଦ ସଦସ୍ୟ ପ୍ରଶାନ୍ତ ଗୁପ୍ତା ପୂଜାରୀଗୁଡା ପଞ୍ଚାୟତ ସମିତିସଭ୍ୟ ପାଇଁ ଲଢିବା ଦଳକୁ ଅଡୁଆରେ ପକାଇଛି ା ଯଦି ଦଳ ମଧ୍ୟରେ ସହମତି ନ ହୁଏ ଅଧ୍ୟକ୍ଷ ପଦବୀ ପାଇଁ ତୃତୀୟ ବିକଳ୍ପକୁ ଗ୍ରହଣ କରାଯାଇପାରେ। ତେବେ ୨ ପ୍ରମୁଖ ଦଳ ବିଜେଡି ଓ କଂଗ୍ରେସ ଏକାକି ଆବଶ୍ୟକ ସଂଖ୍ୟା ଯୋଗାଡ କରିବା ମଧ୍ୟ ସେତେଟା ସହଜ ହେବନାହିଁ ା
