ଭବାନୀପାଟଣା,୧।୧(ଡି.ଏନ୍.ଏ.): ଭବାନୀପାଟଣା ଦର୍ପଣ ସାଗରପଡ଼ାରେ ଚାଲିଥିବା ନିତ୍ୟାନନ୍ଦ ମହାପାତ୍ର ବ୍ୟାଡମିଣ୍ଟନ ଟୁର୍ନାମେଣ୍ଟ ଉଦ୍ଯାପିତ ହୋଇଯାଇଛି। ଟୁର୍ନାମେଣ୍ଟରେ ୧୦ଟି ଦଳ ଅଂଶ ଗ୍ରହଣ କରିଥିଲେ। ପ୍ରତ୍ୟେକ ଦଳ ୩ଟି ଲେଖାଏଁ ମ୍ୟାଚ ଖେଳିଥିଲେ। ସେମାନଙ୍କ ମଧ୍ୟରୁ ଫାଇନାଲରେ ଅଜୟ ନାଗ ଓ ଯଶୋବନ୍ତ ଧଙ୍ଗଡାମାଝିଙ୍କ ଯୋଡି ଏବଂ ଦିନେଶ ମହାପାତ୍ର-ଜଗମୋହନ ମହାପାତ୍ରଙ୍କ ମଧ୍ୟରେ ଖେଳାଯାଇଥିଲା। ଫାଇନାଲ ମ୍ୟାଚ ୩ ରାଉଣ୍ଡ ହୋଇଥିଲା। ଯଶୋବନ୍ତ ଓ ଅଜୟ ୨ଟି ରାଉଣ୍ଡ ଜିତି ଟୁର୍ନାମେଣ୍ଟର ଟାଇଟଲ ହାସଲ କରିଥିବା ବେଳେ ଦିନେଶ ଓ ଜଗମୋହନ ଗୋଟିଏ ରାଉଣ୍ଡ ଜିତି ରର୍ନ୍ସଅପ ହୋଇଥିଲେ। ଟୁର୍ନାମେଣ୍ଟର ଉଦ୍ଯାପନୀ ସମାରୋହରେ ମୁଖ୍ୟ ଅତିଥି ଭାବେ ସୁଶାନ୍ତ ମହାପାତ୍ର ଯୋଗ ଦେଇଥିବା ବେଳେ ପ୍ରଶାନ୍ତ ମହାପାତ୍ର, ସଚିକାନ୍ତ ମହାପାତ୍ର ଅତିଥି ଭାବେ ଯୋଗଦେଇ ବିଜେତା ଏବଂ ରର୍ନ୍ସଅପ ଦଳକୁ ଟ୍ରଫି ସହ ନଗଦ ରାଶି ପ୍ରଦାନ କରିଥିଲେ। ଟୁର୍ନାମେଣ୍ଟ ଆୟୋଜନରେ ଜୟଦେବ ମହାପାତ୍ର, ପ୍ରୀତେଶ ମହାପାତ୍ର, ରାକେଶ କୁମାର ପ୍ରମୁଖ ସହଯୋଗ କରିଥିଲେ।
