ପ୍ରସିଦ୍ଧ ବୁଲଗେରିଆନ୍ ଭବିଷ୍ୟବ୍ୟକ୍ତା ବାବା ଭେଙ୍ଗା, ଚଳିତ ବର୍ଷ ପାଇଁ ଅନେକ ଭୟଙ୍କର ଚେତାବନୀ ଦେଇଥିଲେ। ସେ ଭବିଷ୍ୟବାଣୀ କରିଥିଲେ ଯେ ବିଶ୍ୱ ଏକ ଗମ୍ଭୀର ଆର୍ଥିକ ସଙ୍କଟର ସମ୍ମୁଖୀନ ହୋଇପାରେ, ଯାହା ଫଳରେ ନଗଦର ଘୋର ଅଭାବ ଦେଖାଦେବ। ଏହି ପରିସ୍ଥିତିରେ, ଲୋକମାନେ କାଗଜ ମୁଦ୍ରା ବଦଳରେ ସୁରକ୍ଷିତ ସମ୍ପତ୍ତି ଆଡ଼କୁ ମୁହାଁଇବା ଆରମ୍ଭ କରିବେ।
ବାବା ଭେଙ୍ଗାଙ୍କ ଅନୁସାରେ, ଏହି ସମୟକାଳ ମଧ୍ୟରେ ଲୋକମାନେ ସୁନା, ରୂପା ଏବଂ ତମ୍ବା ଭଳି ଧାତୁରେ ନିବେଶ କରିବା ଉଚିତ। ଅତୀତରେ ତାଙ୍କର ଅନେକ ଭବିଷ୍ୟବାଣୀ ସତ ବୋଲି ପ୍ରମାଣି ହୋଇଛି । ତେଣୁ ୨୦୨୬ ବର୍ଷ ପାଇଁ ତାଙ୍କର ଭବିଷ୍ୟବାଣୀ ପୁଣି ଥରେ ସୋସିଆଲ ମିଡିଆରେ ଟ୍ରେଣ୍ଡ କରିବା ଆରମ୍ଭ କରିଛି।
ବର୍ତ୍ତମାନର ବଜାର ଧାରା ଉପରେ ନଜର ପକାଇଲେ, ସୁନା ମୂଲ୍ୟ ପୂର୍ବ ଅପେକ୍ଷା ଦୁଇରୁ ତିନିଗୁଣା ଭଳି ଅଧିକ ରହିଛି। ସୂଚନା ମୁତାବକ MCXରେ ସୁନା ଦର ପ୍ରାୟ ୧.୬୯ ଲକ୍ଷ ପ୍ରତି ୧୦ ଗ୍ରାମ ମୂଲ୍ୟରେ କାରବାର ହେଉଛି । ଯାହା ୨୦୨୫ ପରଠାରୁ ପ୍ରାୟ ୫୦ ପ୍ରତିଶତ ବୃଦ୍ଧିରେ ବିକ୍ରି ହେଉଛି। କେନ୍ଦ୍ରୀୟ ବ୍ୟାଙ୍କଗୁଡ଼ିକ ନିରନ୍ତର ସୁନା କ୍ରୟ କରୁଛନ୍ତି, ଏକ୍ଷେତ୍ରରେ ଭାରତର ବାର୍ଷିକ କ୍ରୟ ୧୦୦ ଟନ୍ ଅତିକ୍ରମ କରିବ ବୋଲି ଆକଳନ କରାଯାଉଛି।
ବାବା ଭେଙ୍ଗାଙ୍କ ଭବିଷ୍ୟବାଣୀରେ ଆଗକୁ ବିଭିନ୍ନ ଧାତୁର ମୁଲ୍ୟ ଅହେତୁକ ବୃଦ୍ଧି ହେବ ବୋଲି ବିଶ୍ୱାସ ରହିଛି । ତେବେ ଆପଣ ନିବେଶ କରିବା ପୂର୍ବରୁ କେବଳ ତଥ୍ୟ ଏବଂ ତଥ୍ୟ ଉପରେ ଆଧାର କରି ନିବେଶ କରନ୍ତୁ । ସମ୍ପତି ଡଲାର ପ୍ରତି ବଢ଼ୁଥିବା ଅବିଶ୍ୱାସ, ବାଣିଜ୍ୟ ଉତ୍ତେଜନା ଏବଂ ମୁଦ୍ରାସ୍ଫୀତି ଭଳି ଚ୍ୟାଲେଞ୍ଜ ଭବିଷ୍ୟତରେ ସୁନା ରୁପା ଦର ଆହୁରପି ଅଧିକ ବଢିବ ବୋଲି ଆଶା କରାଯାଉଛି । ସୁନା, ରୂପା ଏବଂ ତମ୍ବା ଭଳି ଧାତୁରେ ନିବେଶ ୨୦୨୬ରେ ଆପଣଙ୍କୁ ଏକ ସୁରକ୍ଷା ଜାଲ ଭାବରେ କାର୍ଯ୍ୟ କରିପାରନ୍ତି, କିନ୍ତୁ ବୁଦ୍ଧିମାନ ଭାବରେ ନିବେଶ କଲେ ଆପମଙ୍କୁ ଜବରଦସ୍ତ ଲାଭ ମିଳିବ।
