ଅଭିନେତା ଆୟୁଷ୍ମାନ ଖୁରାନା ତାଙ୍କର ନିକଟରେ ମୁକ୍ତିଲାଭ କରିଥିବା ଚଳଚ୍ଚିତ୍ର ‘ଡ୍ରିମ ଗାର୍ଲ ୨’ର ସଫଳତାକୁ ଉପଭୋଗ କରୁଛନ୍ତି। ନିକଟରେ ଫିଲ୍ମ ୧୦୦ କୋଟି ଟଙ୍କାର କ୍ଲବରେ ପ୍ରବେଶ କରିବା ପରେ ସେ ପ୍ରଶଂସକଙ୍କ ସହ ପାର୍ଟି କରୁଥିବା ମଧ୍ୟ ଦେଖିବାକୁ ମିଳିଥିଲା। ଚଳଚ୍ଚିତ୍ରର ସଫଳତା ମଧ୍ୟରେ ଆୟୁଷ୍ମାନ ଖୁରାନା ଆଉ ଏକ ବଡ଼ ସଫଳତା ପାଇଛନ୍ତ। ଆୟୁଷ୍ମାନ ଖୁରାନାଙ୍କୁ ଚଳିତ ବର୍ଷ ଟାଇମ ୧୦୦ ଇମ୍ପାକ୍ଟ ଆୱାର୍ଡରେ ସମ୍ମାନିତ କରାଯାଇଛି। ଆୱାର୍ଡ ଆୟୁଷ୍ମାନ ଭଗବତ୍ ଗୀତା ପାଠ କରି ଏହି ମୁହୂର୍ତ୍ତକୁ ଆହୁରି ସ୍ବତନ୍ତ୍ର କରିଥିଲେ।
ଅଭିନୟ ସହିତ ଲୋକଙ୍କ ହୃଦୟରେ ସ୍ବତନ୍ତ୍ର ସ୍ଥାନ ସୃଷ୍ଟି କରିଥିବା ଆୟୁଷ୍ମାନ ଖୁରାନା ଧୀରେ ଧୀରେ ତାଙ୍କ ସଫଳତାର ତାଲିକା ବଢ଼ାଇଛନ୍ତି। କ୍ରମାଗତ ଫ୍ଲପ ଚଳଚ୍ଚିତ୍ର ପରେ ସେ ନିକଟରେ ‘ଡ୍ରିମ ଗାର୍ଲ ୨’ ପରି ଏକ ହିଟ ଫିଲ୍ମ ଦେଇଛନ୍ତି। ସେ ଏକମାତ୍ର ଭାରତୀୟ ଯିଏକି ଚଳିତ ବର୍ଷ ଟାଇମ ୧୦୦ ଇମ୍ପାକ୍ଟ ଆୱାର୍ଡ ଜିତିଛନ୍ତି, ଯାହା ତାଙ୍କ ପାଇଁ ଗର୍ବର ବିଷୟ।
ସିଙ୍ଗାପୁରରେ ପୁରସ୍କାର ଗ୍ରହଣ କରୁଥିବାବେଳେ ଆୟୁଷ୍ମାନ ଭଗବଦ ଗୀତାର ଗୋଟିଏ ଶ୍ଲୋକ ପାଠ କରିଥିଲେ। ତାଙ୍କ ଅଭିଭାଷଣରେ ଅଭିନେତା କହିଥିଲେ, ‘ଆମେ ଆରମ୍ଭ କରିବା ପୂର୍ବରୁ, ମୁଁ ଆମର ଭାରତୀୟ ହିନ୍ଦୁ ଶାସ୍ତ୍ର ଭଗବଦ ଗୀତାର ଏକ ଶ୍ଲୋକ ପାଠ କରିବାକୁ ଚାହୁଁଛି ବୋଲି ସେ କହିଥିଲେ।
Thank you @TIME for validating my purpose as a human being and an artiste!
Deeply humbled to represent India on this global stage. 🇮🇳❤️🏆#Time100ImpactAwards @ericnamofficial @lizwathuti #KeHuyQuan @ZainabSalbi pic.twitter.com/K9T1Iy2QIz— Ayushmann Khurrana (@ayushmannk) September 18, 2023
