ସିଡନୀ,୧୨।୯: ଅଷ୍ଟ୍ରେଲିଆର ଅଲରାଉଣ୍ଡର ମିଚେଲ ମାର୍ଶ ଖୁବ୍ଶୀଘ୍ର ବିବାହ ବନ୍ଧନରେ ଆବଦ୍ଧ ହେବାକୁ ଯାଉଛନ୍ତି। ଗର୍ଲଫ୍ରେଣ୍ଡ ଗ୍ରେଟା ମ୍ୟାକଙ୍କ ସହ ମିଚେଶଙ୍କ ନିର୍ବନ୍ଧ ଶେଷ ହୋଇଛି। ସୋସିଆଲ ମିଡିଆରେ ସେ ତାଙ୍କ ପ୍ରଶଂସକଙ୍କ ସହ ଏହି ଖୁସି ଖବର ସେୟାର କରିଥିଲେ। ମିସେଲ ମାର୍ଶ ଏବଂ ଗ୍ରେଟା ଦୀର୍ଘ ସମୟ ଧରି ପରସ୍ପରକୁ ଡେଟ କରୁଛନ୍ତି। ମାର୍ଶ ଶେୟାର କରିଥିବା ଫଟୋରେ ସେ ଏକ ବେଳାଭୂମି ନିକଟରେ ବସିଥିବାର ନଜର ଆସିଛନ୍ତି। ଏଥିରେ ଗ୍ରେଟା ଏକ ସେଲଫି କ୍ଲିକ କରୁଥିବାବେଳେ ମାର୍ଶ ହସୁଛନ୍ତି ଏବଂ ତାଙ୍କ ନିର୍ବନ୍ଧ ରିଙ୍ଗ ଦେଖାଉଛନ୍ତି। ମିଚେଲ୍ ଟି -୨୦ ବିଶ୍ୱକପ ପାଇଁ ମନୋନୀତ ଅଷ୍ଟ୍ରେଲିୟ ଦଳରେ ସାମିଲ କରାଯାଇଛି। ଆସନ୍ତା ମାସ ଅକ୍ଟୋବର ୧୭ରୁ ସଂଯୁକ୍ତ ଆରବ ଏମିରେଟ୍ସ (ୟୁଏଇ)ରେ ଟି -୨୦ ବିଶ୍ୱକପ ଆୟୋଜିତ ହେବ।
