ଅଗରତାଲା/କୋହିମା/ଶିଲଂ,୨।୩ : ତ୍ରିପୁରା, ମେଘାଳୟ ଏବଂ ନାଗାଲାଣ୍ଡର ତିନୋଟି ଉତ୍ତର-ପୂର୍ବ ରାଜ୍ୟରେ ବିଧାନସଭା ନିର୍ବାଚନର ଭୋଟ ଗଣତି ଆରମ୍ଭ ହୋଇଛି। ପ୍ରାଥମିକ ଫଳାଫଳାରୁ ଜଣାପଡ଼ିଛି ଯେ, ତ୍ରିପୁରା-ନାଗାଲାଣ୍ଡରେ ଭାଜପା ଆଗୁଆ ରହିଛି। ଅନ୍ୟପକ୍ଷରେ, ମେଘାଳୟର ସବୁଠାରୁ ବଡ ଦଳ ଭାବରେ ଏନପିପି ଉଦୀୟମାନ ହେଉଛି। ଭାଜପା ଏଠାରେ ଦ୍ୱିତୀୟ ବୃହତ୍ତମ ଦଳ ଭାବେ ଉଭା ହେଉଥିବା ଜଣାପଡ଼ିଛି।
ନାଗାଲାଣ୍ଡରେ ଭାଜପା ଜିତୁଥିବା ଜଣାପଡିଛି। ଟ୍ରେଣ୍ଡରେ, ଏଠାରେ ଭାଜପା ମିଳିତ ମେଣ୍ଟର ଆଗୁଆ ଆସନ ସଂଖ୍ୟା ୫୧ରେ ପହଞ୍ଚିଛି। ୮ ଟି ଆସନରେ ଏନପିଏଫ ଆଗରେ ଅଛି। କଂଗ୍ରେସ ଗୋଟିଏ ଆସନରେ ଆଗରେ ରହିଛି।
ନାଗାଲାଣ୍ଡ ବିଧାନସଭା ନିର୍ବାଚନରେ ଭାଜପା ଗୋଟିଏ ଆସନ ଜିତିଛି। ଭାଜପାର ବିଜେତା ପ୍ରାର୍ଥୀ କାଜେଟୋ କିନିମି ବିନା ନିର୍ବାଚନରେ ଜିତିଛନ୍ତି। କଂଗ୍ରେସ ଏଠାରେ ଏନ. ଖାକାସେ ସୁମୀଙ୍କୁ ଟିକେଟ ଦେଇଥିଲା, କିନ୍ତୁ ସେ ତାଙ୍କ ନାମ ପ୍ରତ୍ୟାହାର କରିନେଲେ। ଫଳରେ କାଜେଟୋ କିନିମି ନିଦ୍ୱନ୍ଦ୍ୱରେ ଜିତିଥିଲେ।
