କରାଚୀ,୧୨।୧୧: ଆଗାମୀ ନୁଜିଲାଣ୍ଡ ଗସ୍ତ ପାଇଁ ପାକିସ୍ତାନ ଏକ ୩୫ ଜଣିଆ ଯୁବ ଦଳ ଘୋଷଣା କରିଛି। ୩ଟି ଯାକ ଫର୍ମାଟ ପାଇଁ ବାବର ଆଜମଙ୍କୁ ଅଧିନାୟକ ନିଯୁକ୍ତ କରାଯାଇଛି। ତେବେ ଏହି ଦଳରୁ ୩ଜଣ ବରିଷ୍ଠ ଖେଳାଳି ସୋଏବ ମଲିକ, ମହମ୍ମଦ ଆମୀର ଓ ଆସାଦ ସାଫିକଙ୍କୁ ବାଦ୍ ଦିଆଯାଇଛି। ଏମାନଙ୍କ ବଦଳରେ ପ୍ରତିଭାସମ୍ପନ୍ନ ଯୁବ ଖେଳାଳିଙ୍କୁ ସୁଯୋଗ ଦିଆଯାଇଛି। ନ୍ୟୁଜିଲାଣ୍ଡ ଗସ୍ତରେ ପାକିସ୍ତାନ ୩ ଟି୨୦ ଓ ୨ଟି ଟେଷ୍ଟ ମ୍ୟାଚ୍ ଖେଳିବ। ଏହି ଗସ୍ତ ବାବର ଆଜମଙ୍କ ପାଇଁ ନୂଆ ପରୀକ୍ଷା ସୃଷ୍ଟି କରିବ। ଉଇକେଟକିପର ମହମ୍ମଦ ରିଜଓ୍ବାନଙ୍କୁ ଟେଷ୍ଟ ସିରିଜ ପାଇଁ ଉପ ଅଧିନାୟକ ନିଯୁକ୍ତ କରାଯାଇଛି। ସେହିପରି ଟି୨୦ରେ ୨୨ ବର୍ଷୀୟ ଅଲରାଉଣ୍ଡର ସଦାବ ଖାନ୍ ଆଜମଙ୍କ ଡେପୁଟି ଭାବେ କାର୍ଯ୍ୟ କରିବେ। ମିସ୍ବା-ଉଲ୍- ହକ୍ ଦଳରେ ମୁଖ୍ୟ ଚୟନକର୍ତ୍ତା ଓ ହେଡ୍ କୋଚ୍ ରହିଛନ୍ତି।
ଦ୍ରୁତ ବୋଲର ନିସିମ ଶାହା, ଶାହିନ ଶାହା ଆଫ୍ରିଦିଙ୍କ ସମେତ ନବାଗତ ଖେଳାଳିଭାବେ ବ୍ୟାଟ୍ସମ୍ୟାନ ଡେନିସ ଅଜିଜ୍ ଓ ଇମ୍ରାନ ବଟ୍ଟ, ଉଇକେଟକିପର ରୋହେଲ ନାଜିର, ଦ୍ରୁତ ବୋଲର ଅମାଦ ବଟ୍ଟଙ୍କୁ ଦଳରେ ସାମିଲ କରାଯାଇଛି।
ପାକିସ୍ତାନ ଦଳ: ବାବର ଆଜମ (ଅଧିନାୟକ), ଅବିଦ ଅଲି, ଅବଦୁଲ୍ଲର ସାଫିକ୍, ଫଖର ଜମାନ, ଇମାମ-ଉଲ୍- ହକ୍, ଶାନ ମାସୁଦ, ଜିଶାନ ମଲିକ, ଆଝାର ଅଲି, ଡେନିସ ଅଜିଜ୍, ଫଓ୍ବାଦ ଆଲମ, ହାଇଦର ଅଲି, ହାରିସ ସୋହେଲ, ହୁସେନ ତଲତ, ଇମ୍ରାନ ବଟ୍ଟ, ଇଫ୍ତିକାର ଅହମ୍ମଦ, ଖୁସ୍ଦିଲ ଶାହା, ମହମ୍ମଦ ହାଫିଜ, ମହମ୍ମଦ ରିଜଓ୍ବାନ, ରୋହେଲ ନାଜିର, ସର୍ଫରାଜ ଅହମ୍ମଦ, ଇମାଦ ଓ୍ବାସିମ, ଶଦାବ ଖାନ, ଉସମାନ କାଦିର, ୟାସିର ଶାହା, ଜାଫର ଗୋହର, ଅମାଦ ବଟ୍ଟ, ଫହିମ ଆଶ୍ରଫ୍, ହାରିସ ରୌଫ, ମହମ୍ମଦ ଆବାସ, ମହମ୍ମଦ ହାସନେନ, ମୁସା ଖାନ, ନସିମ ଶାହା, ଶାହିନ ଆଫ୍ରିଦି, ସୋହେଲ ଖାନ ଓ ଓ୍ବାହାବ ରିୟାଜ।
