ମୁମ୍ବାଇ: ଭୟଭୀତ ଅନ୍ଦାଜରେ ଫରିଛନ୍ତି କାଶୀପୁର ବାଲା ବାବା । ପୁଣିଥରେ ସେ ଫ୍ୟାନ୍ସଙ୍କୁ ଚମକାଇବାକୁ ଆସିଛନ୍ତି । ବବି ଦେୱଲଙ୍କ ଅଭିନୀତ ବହୁ ପ୍ରତିକ୍ଷିତ ଧାରାବାହିକ ଆଶ୍ରମ ୩ର ଟ୍ରେଲର ରିଲିଜ ହୋଇଛି । ଟ୍ରେଲର ଦେଖିଲେ ଲାଗୁଛି ବାକି ଦୁଇଟି ସିଜନ ଭଳି ଦର୍ଶକେ ଏହାକୁ ପସନ୍ଦ କରିବେ । ଏହି ସିରିଜ ଜୁନ ୩ରେ ରିଲିଜ୍ ହେବ । ହଁ ସିଜିନ ୩ରେ ବାବା ନିରାଲିଙ୍କ ନୂଆ କୁକର୍ମର ଅନ୍ଧକାର ସତ୍ୟ ବାହାରକୁ ଆସିବାକୁ ଯାଉଛି । ଅନେକ ମଜାଦାର ମୋଡ ରହିଛି ଏହି ସିରିଜରେ, ଯାହା ଫ୍ୟାନ୍ସଙ୍କୁ ସର୍ପ୍ରାଇଜ ଦେବ । ଏଥର ଏହି ସିରିଜରେ ଗ୍ଲାମରସ ଆକେଟ୍ରସ ଇସା ଗୁପ୍ତା ବି ନଜର ଆସିବେ । ଏହି ସିରଜରେ ଅନ୍ଧବିଶ୍ୱାସ, ରାଜନୀତି, ବଳାତ୍କାର ଓ ଡ୍ରଗ୍ସ ଭଳି ଘଟଣାକୁ ଦୃଶ୍ୟାୟନ କରାଯାଇଛି । ଏହାର ପ୍ରଥମ ସିଜନ ୨୦୨୦ରେ ଆସିଥିଲା ଯାହା ସୁପରହିଟ ହୋଇଥିଲା । ଏହି ସିରିଜ ବବି ଦେୱଲଙ୍କ ବୁଡି ଯାଉଥିବା କ୍ୟାରିୟରକୁ ପୁଣି ଫେରାଇ ଆଣିଥିଲା । ପୂର୍ବର ଦୁଇଟି ଯାକ ସିରିଜକୁ ଦର୍ଶକେ ବେଶ ପସନ୍ଦ କରିଥିଲେ । ଆଶ୍ରମର ସମସ୍ତ ସିରିଜକୁ ପ୍ରକାଶ ଝା ନିର୍ଦ୍ଦେଶନା ଦେଇଛନ୍ତି ।
ଆଶ୍ରମ ୩ରେ ବାବା ନିରାଲିଙ୍କୁ ଭଗବାନ ହେବାର ଜର୍ନିଂ ଦୃଶ୍ୟମାନ ହେବ । ଏବେ ବାବା ନିରାଲା ଏକ ନୂଆ ଦୁନିଆ ଗଢିବେ । ସେ ଭଗବାନ ନିରାଲା ହେବାର ସ୍ୱପ୍ନ ଦେଖୁଛନ୍ତି । ଏହା କିପରି ସଫଳ ହେଉଛି ତାହା ଏଥର ସିଜନରେ ଦେଖାଇବାକୁ ମେକର୍ସ ପ୍ରୟାସ କରିଛନ୍ତି ।
