ଲକ୍ଡାଉନ୍କୁ ପ୍ରାୟ ଦୁଇ ମାସ ବିତିଗଲାଣି। ଏହି ସମୟରେ ଶିକ୍ଷାନୁଷ୍ଠାନଗୁଡ଼ିକ ବନ୍ଦ ରହିଛି। ପିଲାଙ୍କ ପାଠପଢ଼ାରେ ଯେମିତି କ୍ଷତି ନ ହେବା ବିଦ୍ୟାଳୟ ପକ୍ଷରୁ ଅନ୍ଲାଇନ ଶିକ୍ଷା ପ୍ରଦାନ କରାଯାଉଛି। ଏପରି ସ୍ଥିତିରେ ପିଲାମାନଙ୍କୁ ୩ରୁ ୪ ଘଣ୍ଟା ପର୍ଯ୍ୟନ୍ତ କମ୍ପ୍ୟୁଟର କିମ୍ବା ମୋବାଇଲ ଦେଖିବାକୁ ପଡ଼ୁଛି। ଯେଉଁଥିପାଇଁ ସେମାନଙ୍କର ଦୃଷ୍ଟିଶକ୍ତି ପ୍ରଭାବିତ ହେବା ସ୍ବାଭାବିକ୍ କଥା। ତେଣୁ ଅବିଭାବକମାନେ ପିଲାମାନଙ୍କ ଶିକ୍ଷା ସହିତ ଏସବୁ ଦିଗପ୍ରତି ଯତ୍ନବାନ ହେବା ଆବଶ୍ୟକ।
ଅନ୍ଲାଇନ୍ ଅଧ୍ୟୟନ କରିବା ସମୟରେ କିଛି ଘରୋଇ ଉପଚାର ଜାରି ରଖିବା ଜରୁରୀ। ଯଦି ପିଲାମାନେ କ୍ରମାଗତ ଭାବରେ କମ୍ପ୍ୟୁଟର କିମ୍ବା ମୋବାଇଲ୍କୁ ଚାହିଁ ରହୁଛନ୍ତି,କିଛି ସମୟ ପାଇଁ ସେମାନଙ୍କୁ ଆଖି ବନ୍ଦ କରିବାକୁ କୁହନ୍ତୁ। ଆଖିପତା ପକାଇବା ଦ୍ୱାରା ଆଖିକୁ ଆରାମ ଲାଗେ।
ଅନେକ ପିଲା ରାତିରେ ଘର ଲାଇଟ୍ ବନ୍ଦ କରି ମୋବାଇଲ୍ କିମ୍ବା କମ୍ପ୍ୟୁଟ୍ରରେ ଅନ୍ଲାଇନ୍ ପାଠ ପଢ଼ିଥାନ୍ତି। ଅନ୍ଧାରରେ ଫୋନ୍ ଦେଖି ପିଲାଙ୍କୁ ଆଦୌ ପଢ଼ିବାକୁ ଦିଅନ୍ତୁ ନାହିଁ। କାରଣ ମୋବାଇଲ ଆଲୋକ ସିଧାସଳଖ ଆଖି ଉପରେ ପଡ଼ିଥାଏ। ତେଣୁ ଲାଇଟ୍ ଜାଳିବା ସହ ଅନ୍ଲାଇନ୍ ପାଠପଢ଼ା ଜାରି ରଖନ୍ତୁ।
ଏହି ସମୟରେ ପିଲାଙ୍କୁ ପୁଷ୍ଟିକର ଖାଦ୍ୟ ଖାଇବାକୁ ଦିଅନ୍ତୁ। ପିଲାମାନଙ୍କୁ ପ୍ରଚୁର ପରିମାଣରେ ଭିଟାମିନ୍ ଏ ଏବଂ ସି ଥିବା ଖାଦ୍ୟ ଖାଇବାକୁ ଦିଅନ୍ତୁ।
