ମୁମ୍ବାଇ: ‘ ଦ କପିଲ ଶର୍ମା’ ଶୋରେ ଏଥର ଚର୍ଚ୍ଚିତ ଯୋଡିଙ୍କୁ ଦେଖିବାକୁ ମିଳିବ। ଯେଉଁଥିରେ ଅଛନ୍ତି ଅର୍ଚ୍ଚନା ପୁରନ ସିଂ ଓ ପରମିତ ସେଠୀ, କଶ୍ମୀରା ଶାହ ଓ କୃଷ୍ଣା ଅଭିଷେକ, କିକୁ ଶାରଦା ଓ ପ୍ରିୟଙ୍କା ସାରଦା। ଏହି ମିଷ୍ଟର ଆଣ୍ଡ ମିସେସ ସ୍ପେଶାଲ ଏପିସୋଡରେ ପତ୍ନୀ-ପତି ନିଜ ଜୀବନ, ପରସ୍ପର ମଧ୍ୟରେ ଥିବା ସମ୍ପର୍କର କିଛି ରୋଚକ କାହାଣୀ କଥା ଆଲୋଚନା କରିବେ। ଏମାନଙ୍କ ମଧ୍ୟରେ ଥିବା ଚର୍ଚ୍ଚତ ଯୋଡି ଅର୍ଚ୍ଚନା ଓ ପରମିତଙ୍କ ଉପରେ ରହିଛି ସମସ୍ତଙ୍କର ନଜର। ଏମାନଙ୍କ ବିବାହକୁ ୨୮ ବର୍ଷ ବିତିଗଲାଣି। ହେଲେ ଆଜିବି ଏମାନେ ଖୁବ୍ ରୋମାଣ୍ଟିକ୍। ଏଥର ଓ୍ବିକ ଏଣ୍ଡ ‘ଦ କପିଲ ଶର୍ମା’ ଶୋରେ ଏହି ଯୋଡି ‘ କପଲ ଗୋଲ୍ସ’ର ପରିଭାଷା ବଦଳାଇବେ ବୋଲି କୁହାଯାଉଛି। ତେବେ ଏହି କମେଡି ଶୋ’ରେ କପିଲ ପରମିତଙ୍କଠାରୁ ଜାଣିବାକୁ ଚାହିଁଛନ୍ତି ବିବାହ ପାଇଁ ଅର୍ଚ୍ଚନା ତାଙ୍କୁ କି କି କାମରେ ଲଗାଇଛନ୍ତି। ଆଉ ପରମିତ କହିଛନ୍ତି ବିବାହ ପାଇଁ ଅର୍ଚ୍ଚନା ତାଙ୍କ ଉପରେ ଚାପ ପକାଇଥିଲେ। ଏମିତି ସ୍ଥିତି ଉପୁଜିଥିଲା କି ଅର୍ଚ୍ଚନାଙ୍କୁ ସେ ବିବାହ କରିବା ବ୍ୟତୀତ ଅନ୍ୟ କିଛି ଉପାୟ ନ ଥିଲା। ହେଲେ ଅର୍ଚ୍ଚନା ଏହାକୁ ବିରୋଧ କରି କହିଛନ୍ତି ପରମିତ ତାଙ୍କୁ ପ୍ରପୋଜ କରିଥିଲେ। ଆଉ ଉଭୟ ବିବାହ କରିବେ ବୋଲି ଘରୁ ଲୁଚି ପଳାଇଥିଲେ। ତେବେ ବିବାହ ପାଇଁ ସ୍ଥିର କରିବା ପରେ ଉଭୟ ରାତି ୧୧ଟାରେ ପଣ୍ଡିତ ଖୋଜିଥିଲେ ଆଉ ୧୨ଟାରେ ତାଙ୍କୁ ପଣ୍ଡିତ ମିଳିଯାଇଥିଲେ। ହେଲେ ପଣ୍ଡିତଙ୍କର କିଛିଟା ସର୍ତ୍ତ ଯୋଗୁ ବିବାହ ତା’ପରଦିନ ଦିନ ୧୧ଟାରେ ହୋଇଥିଲା।
