ବଣାଇଁ,୨୨।୨(ପ୍ରଦୀପ ତ୍ରିପାଠୀ): ଶନିବାର ଝାରଖଣ୍ଡ ପଶ୍ଚିମ ସିଂହଭୂମ ଜିଲାର ସାରାଣ୍ଡା ଜଙ୍ଗଲ ଅଞ୍ଚଳରେ ନକ୍ସଲ ବିରୋଧୀ ଅଭିଯାନ ସମୟରେ ପୁଣି ଲ୍ୟାଣ୍ଡ ମାଇନ ବିସ୍ଫୋରଣ ଘଟିଥିବା ଜଣାପଡ଼ଛି । ଛୋଟାନାଗରା ଥାନା ଅନ୍ତର୍ଗତ ଚାଦ୍ରିଡେରା ଜଙ୍ଗଲରେ ୨୦୯ ନମ୍ବର କୋବ୍ରା ବାଟାଲିୟନର ଯବାନମାନେ ଶର୍ଚ୍ଚ ଅପରେଶନ କରୁଥିବା ବେଳେ ଏକ ଆକସ୍ମିକ ବିସ୍ଫୋରଣ ଘଟିଥିଲା । ସମ୍ପୃକ୍ତ ଅଞ୍ଚଳରେ ଏକ କ୍ୟାମ୍ପ କରିବା ପାଇଁ ସ୍ଥାନ ନିରୂପଣ ନିମନ୍ତେ ଯାଇଥିବା ଏହି ଯବାନଙ୍କ ମଧ୍ୟରୁ ବିସ୍ଫୋରଣରେ ଦୁଇଜଣ ହେଡ କନେଷ୍ଟବଳ ବଲଜିନ୍ଦର ସିଂ ଓ ଦିନେଶ କୁମାର ଗୁରୁତର ଭାବେ ଆହତ ହୋଇଥିଲେ। ତାଙ୍କୁ ଏୟାର ଲିଫ୍ଟ କରାଯାଇ ରାଞ୍ଚି ଚିକିତ୍ସା ପାଇଁ ପଠା ଯାଇଥିଲା । ଏବେ ଉଭୟଙ୍କ ଅବସ୍ଥା ଠିକ ଥିବା ସୂଚନା ମିଳିଛି ।
