ନୂଆଦିଲ୍ଲୀ, ୧।୯ : କଂଗ୍ରେସରୁ ଗୁଲାମ ନବୀ ଆଜାଦଙ୍କ ଇସ୍ତଫା ପରେ ଦଳରେ ସଙ୍କଟ ବଢ଼ିବାରେ ଲାଗିଛି। ଦଳ ଛାଡିବା ପରେ ଗୁଲାମ ନବୀ ଆଜାଦ ଏକ ବିବୃତ୍ତି ଦେଇ କଂଗ୍ରେସ ନେତା ରାହୁଲ ଗାନ୍ଧୀଙ୍କ ଠାରୁ ଆରମ୍ଭ କରି ଦଳର ନେତୃତ୍ୱ ଉପରେ ପ୍ରଶ୍ନ କରିଛନ୍ତି। ଫଳରେ କଂଗ୍ରେସକୁ ପୁଣି ଥରେ ବଡ଼ ଝଟ୍କା ଲାଗିଛି। ବର୍ତ୍ତମାନ ଏନଏସୟୁଆଇର୩୬ ଜଣ ଛାତ୍ରନେତା ସାମୂହିକ ଭାବରେ ଅଜାଦଙ୍କ ସମର୍ଥନରେ ଇସ୍ତଫା ଦେଇଛନ୍ତି। ରାଜ୍ୟ ଉପାଧ୍ୟକ୍ଷ ଅନିରୁଦ୍ଧ ରୈନା, ରାଜ୍ୟ ସାଧାରଣ ସମ୍ପାଦକ ମାଣିକ ଶର୍ମା ପ୍ରମୁଖ ଇସ୍ତଫା ଦେଇଛନ୍ତି।
ଆଜାଦ ଦଳ ଛାଡ଼ି କହିଥିଲେ ଯେ, ଦଳ ଏକସଖିକଣ୍ଢେଇ ମଡେଲରେ କାର୍ଯ୍ୟ କରୁଛି। ଦଳରେ ବରିଷ୍ଠ ନେତାମାନଙ୍କୁ ଅପମାନିତ କରାଯାଉଛି । ଖୁବ ଶୀଘ୍ର ଜମ୍ମୁ-କଶ୍ମୀରରେ ଏକ ନୂତନ ଦଳ ଗଠନ କରିବେ। ଏନେଇ ନିଷ୍ପତ୍ତି ନିଆଯାଇଛି। ତେବେ ଏହାଠାରୁ ଅଧିକ, ସେ ଏ ବିଷୟରେ ସୂଚନା ଦେବାକୁ ମନା କରିଦେଇଥିଲେ।
ସୂଚନାଯୋଗ୍ୟ,ଆଜାଦ ତାଙ୍କ ଇସ୍ତଫା ପତ୍ରରେ ସୋନିଆ ଗାନ୍ଧୀଙ୍କ ନିକଟକୁ ପଠାଇଥିଲେ। ସେ ଏଥିରେ ଉଲ୍ଲେଖ କରିଥିଲେ, ରାହୁଲ ଗାନ୍ଧୀ ଦଳର ପ୍ରତ୍ୟେକ ନିଷ୍ପତ୍ତି ନେଉଛନ୍ତି। ରାହୁଲ ଦଳରେ ଉପସ୍ଥିତ ଥିବା କୌଣସି ବରିଷ୍ଠ ନେତାଙ୍କଠାରୁ ମଧ୍ୟ ମତ ଗ୍ରହଣ କରୁନାହାଁନ୍ତି ଯାହା ଅସମ୍ମାନ ଅଟେ। ସେ ଏହା ମଧ୍ୟ କହଥିଲେ ଯେ ରାହୁଲଙ୍କ ନେତୃତ୍ୱରେ ଦଳ ଅନେକ ଥର ନିର୍ବାଚନରେ ହାରିଛି ଏବଂ ଭବିଷ୍ୟତରେ ମଧ୍ୟ ସମାନ ପରିସ୍ଥିତି ଦେଖାଯାଉଛି। ଏହା କୁହାଯାଇଥିଲା ଯେ ଦଳ ଗୁଲାମ ନବୀ ଆଜାଦ ଦେଇଥିବା ଏହି ବିବୃତ୍ତିକୁ କଂଗ୍ରେସ ପକ୍ଷରୁ ପ୍ରତ୍ୟାଖ୍ୟାନ କରାଯିବା ସହିତ ଏହା ବିନା ତଥ୍ୟ ଆଧାରିତ ବୋଲି କୁହାଯାଇଛି।
