ନୂଆଦିଲ୍ଲୀ,୨୮ା୮: ପିସ୍ତଲ ଶୁଟର ଅଙ୍କେତ ତୋମରଙ୍କୁ ବାକୁରେ ଅନୁଷ୍ଠିତ ବିଶ୍ୱକପ ଦଳରୁ ଶୁଟିଂ ବାଦ ଦିଆଯାଇଛି। ସାଥୀ ଖେଳାଳିଙ୍କ ସହ ଝଗଡ଼ା କାରଣରୁ ଜାତୀୟ ରାଇଫଲ୍ ମହାସଂଘ(ଏନ୍ଆର୍ଏଆଇ) ବାଦ୍ ଦେବାକୁ ନିଷ୍ପତ୍ତି ନେଇଥିଲା। ସୋମବାର ଅଙ୍କେତ ଏନ୍ଆର୍ଏଆଇର ଶୃଙ୍ଖଳାଗତ କମିଟି ସମ୍ମୁଖରେ ହାଜର ହେବେ ବୋଲି ଜଣାପଡିଛି।
ଦକ୍ଷିଣ କୋରିଆର ଚାଙ୍ଗଓନ୍ରେ ଜୁନିୟର ଶୁଟିଂ ବିଶ୍ୱକପ ଅନୁଷ୍ଠିତ ହୋଇଥିଲା। ଏଥିରେ ଅଂଶଗ୍ରହଣ କରିଥିବା ଅଙ୍କିତ ଅନ୍ୟ ଜଣେ ଭାରତୀୟ ଖେଳାଳିଙ୍କ ସହିତ ଝଗଡ଼ା କରିଥିବା କାରଣ ଦର୍ଶାଇ ଏନ୍ଆର୍ଏଆଇ ତାଙ୍କୁ ଶୁଟିଂ ବିଶ୍ୱକପରୁ ବାଦ ଦେଇଥିଲା। ଜୁଲାଇ ମାସରେ ଜୁନିୟର ବିଶ୍ୱକପ ସମୟରେ ଏହି ଘଟଣା ଘଟିଥିବା ନେଇ ଅଙ୍କେତଙ୍କ ପିତା ପ୍ରକାଶ କରିଛନ୍ତି। ୫୦ ମିଟର ପିସ୍ତଲ ଶୁଟିଂରେ ଟିମ୍ ଇଭେଣ୍ଟରେ ଅଙ୍କେତ, କମଲଜିତ୍ ଓ ସନ୍ଦୀପ ବିଷ୍ଣୋଇ ଭାରତ ପାଇଁ ସ୍ବର୍ଣ୍ଣ ପଦକ ଜିତିଥିଲେ। ବିଶ୍ୱକପରୁ ବାଦ୍ ପଡ଼ିବା ନେଇ ଅଙ୍କେତ କାରଣ ପଚାରିଥିବା ବେଳେ ଶୃଙ୍ଖଳାଗତ କାରଣରୁ ତାଙ୍କୁ ବାଦ୍ ଦିଆଯାଇଥିବା ଏନ୍ଆର୍ଏଆଇ ସ୍ପଷ୍ଟ କରିଛି।
