ମୁମ୍ବାଇ: ନିର୍ଦ୍ଦେଶକ ବିବେକ ଅଗ୍ନିହୋତ୍ରୀଙ୍କ ମୁଭି ‘ଦ ଭ୍ୟାକ୍ସିନ ଓ୍ବାର’ର ପ୍ରିମିୟର ନିକଟରେ ନ୍ୟୁୟର୍କରେ ହୋଇଥିଲା। ଏବେ ଅଭିନେତା ଆର ମାଧବନ ଫିଲ୍ମର ରିଭ୍ୟୁ ସେୟାର କରିଛନ୍ତି। ଇଣ୍ଡିଆ ଫର ହ୍ୟୁମାନିଟି ଟୁର ପାଇଁ ଆୟୋଜିତ ହୋଇଥିବା ସ୍ବତନ୍ତ୍ର ସ୍କ୍ରିନିଂରେ ମାଧବନ ଦର୍ଶକଙ୍କ ମଧ୍ୟରେ ଉପସ୍ଥିତ ଥିବା କଳାକାରଙ୍କ ମଧ୍ୟରୁ ଜଣେ ଥିଲେ। ଇନଷ୍ଟାଗ୍ରାମରେ ମାଧବନ ଫିଲ୍ମର ପ୍ରଶଂସା କରିଥିଲେ। ସେ କହିଛନ୍ତି ଯେ ଫିଲ୍ମ ଦେଖିବାବେଳେ ସେ ଖୁସି ହୋଇଥିଲେ, କରତାଳି ଦେଇଥିଲେ ଓ କାନ୍ଦୁଥିଲେ। ଏହି ମୁଭିରେ ପଲ୍ଲବୀ ଯୋଶୀ, ଅନୁପମ ଖେର, ନାନା ପାଟେକର ଏବଂ ରାଇମା ସେନଙ୍କ ବଳିଷ୍ଠ ଅଭିନୟକୁ ଅଭିନେତା ପ୍ରଶଂସା କରିଛନ୍ତି।
ଫିଲ୍ମ ‘ଦ ଭ୍ୟାକ୍ସିନ ଓ୍ବାର’ର ପ୍ରଥମ ରିଭ୍ୟୁ ସେୟାର କରି ଆର ମାଧବନ ଲେଖିଛନ୍ତି, ‘ଦ ଭ୍ୟାକ୍ସିନ ଓ୍ବାର’ ଦେଖିଛି ଏବଂ ଭାରତର ପ୍ରଥମ ଟିକା ସୃଷ୍ଟି କରିଥିବା ଭାରତୀୟ ବୈଜ୍ଞାନିକ ସମ୍ପ୍ରଦାୟର ଚମତ୍କାର ବଳିଦାନ ଏବଂ ସଫଳତା ଦ୍ୱାରା ମୋର ମନ ଘାବରେଇ ଯାଇଛି। ଯେଉଁମାନେ ଦେଶର ପ୍ରଥମ ଭ୍ୟାକ୍ସିନ ତିଆରି କରିଥିଲେ ଓ ସବୁଠାରୁ ଚ୍ୟାଲେଞ୍ଜିଂ ସମୟ ମଧ୍ୟରେ ଦେଶକୁ ନିରାପଦ ରଖିଥିଲେ। ଜଣେ ମାଷ୍ଟର ଷ୍ଟୋରୀଟେଲର ବିବେକ ଅଗ୍ନିହୋଟ୍ରିଙ୍କ ଦ୍ୱାରା କୁହାଯାଇଛି ଯାହା ଆପଣଙ୍କୁ ଖୁସି କରିଦେବ, କରତାଳି, କାନ୍ଦିବା ଏବଂ ଏକାସାଙ୍ଗରେ ଉତ୍ସାହରେ ପରିପୂର୍ଣ୍ଣ କରିଥାଏ।
ମାଧବନ ଆହୁରି ଲେଖିଛନ୍ତି, ସମସ୍ତ କଳାକାର ପଲ୍ଲବୀ ଯୋଶୀ, ଅନୁପମ ଖେର, ରାଇମା, ନାନା ପାଟେକର (ଏବଂ ସେମାନଙ୍କ ମଧ୍ୟରୁ ପ୍ରତ୍ୟେକ) ଆମ ଭାରତୀୟ ବୈଜ୍ଞାନିକ (ମହିଳା) ଙ୍କ ବଳିଦାନ ଏବଂ ଧୈର୍ଯ୍ୟକୁ ଏତେ ସୁନ୍ଦର ଏବଂ ଶକ୍ତିଶାଳୀ ଭାବରେ ପ୍ରଦର୍ଶନ କରିଛନ୍ତ। ସେ ଆହୁରି ଲେଖିଛନ୍ତି, ଭାରତୀୟ ବୈଜ୍ଞାନିକ ଆପଣଙ୍କ ନିକଟରେ କୃତଜ୍ଞତାର ଋୁଣି। ସିାନମା ହଲରେ ମୁଭି ଦେଖିବା ପାଇଁ ଯାଆନ୍ତୁ ଏବଂ ଆପଣଙ୍କର ସୁପରଓମେନଙ୍କ ପାଇଁ ଟିକେଟ କିଣନ୍ତୁ, ଯିଏ ତୁମକୁ ଲକଡାଉନରୁ ବଞ୍ଚାଇବାରେ ସାହାଯ୍ୟ କରିଥିଲେ … ଡୋମେଷ୍ଟିକ ହେଲପ୍ସ ଆଣ୍ଡ ଦ ଲଭଲି ଲେଡି।
