କ୍ରିକେଟ ପଡ଼ିଆରେ ବିରାଟ କୋହଲି ଏବଂ ଜେମ୍ସ ଆଣ୍ଡରସନଙ୍କ ମଧ୍ୟରେ କଡ଼ା ପ୍ରତିଦ୍ୱନ୍ଦ୍ୱିତା ହୋଇଥାଏ। ୨୦୧୪ ପରଠାରୁ ବିରାଟ ଏବଂ ଆଣ୍ଡରସନଙ୍କ ମଧ୍ୟରେ ଟକ୍କର ଚାଲିଛି। ଆଣ୍ଡରସନ ୨୦୧୪ରେ କୋହଲିଙ୍କୁ ଆଉଟ୍ କରିଥିଲେ, ୨୦୧୮ରେ ଭାରତୀୟ ଅଧିନାୟକ କୋହଲି ପ୍ରାଧାନ୍ୟ ବିସ୍ତାର କରିଥିଲେ। ଚଳିତ ସିରିଜରେ କୋହଲି ଆଣ୍ଡରସନଙ୍କ ସୁଇଙ୍ଗ ବଲ ସାମ୍ନାରେ ଖେଳିବା କଷ୍ଟ ଅନୁଭବ କରୁଥିବା ଦେଖିବାକୁ ମିଳିଛି। ଏହି ସିରିଜରେ ଆଣ୍ଡରସନ ଦୁଇଥର କୋହଲିଙ୍କୁ ଆଉଟ୍ କରିଛନ୍ତି। ଟେଷ୍ଟ କ୍ରିକେଟରେ ୭ଥର ଆଣ୍ଡରସନ କୋହଲିଙ୍କୁ ଆଉଟ୍ କରିଛନ୍ତି। ଲିଡ୍ସ ଟେଷ୍ଟରେ କୋହଲିଙ୍କୁ ଆଉଟ୍ କରିବା ପରେ ଆଣ୍ଡରସନ ପଡ଼ିଆରେ ଏକସ୍ବେତନ୍ତ୍ର ସେଲିବ୍ରେସନ କରିଥିଲେ।
ତାଙ୍କ ସେଲିବ୍ରେସନର କାରଣ ଦର୍ଶାଇ ଆଣ୍ଡରସନ କହିଛନ୍ତି ଯେ, ସେ ବିରାଟଙ୍କୁ ଦେଖାଇବାକୁ ଚାହୁଁଥିଲେ ତାଙ୍କୁ ଆଉଟ୍ କରିବା ଅର୍ଥ ମୋ ପାଇଁ କେତେ ଅଧିକ। ମୁଁ ଲିଡସ ଟେଷ୍ଟର ପ୍ରଥମ ଇନିଂସରେ କୋହଲିଙ୍କୁ ଆଉଟ କରିଥିଲି ସେତେବେଳେ ମୁଁ ବହୁତ ଭାବପ୍ରବଣ ହୋଇଥିଲି। କାରଣ ସେ ଜଣେ ମହାନ ବ୍ୟାଟ୍ସମ୍ୟାନ ଏବଂ ଜଣେ ଅଧିନାୟକ ମଧ୍ୟ। ସେଥିପାଇଁ ମୁଁ ତାଙ୍କୁ କହିବାକୁ ଚାହେଁ ଯେ ତାଙ୍କୁ ଆଟ୍ କରିବାର ଅର୍ଥ କ’ଣ? ତୃତୀୟ ଟେଷ୍ଟ ମ୍ୟାଚରେ କୋହଲିଙ୍କ ବିପକ୍ଷରେ ରଣନୀତି କ’ଣ ବୋଲି ଆଣ୍ଡରସନ ଆହୁରି କହିଛନ୍ତି। ସେ ଲେଖିଛନ୍ତି, ସବୁଠୁ ବଡ଼ ଲକ୍ଷ୍ୟ ହେଉଛି ଭାଗିଦାରୀରେ ବୋଲିଂ କରିବା । ହେଡିଙ୍ଗଲିରେ ଭାରତର ଦ୍ୱିତୀୟ ଇନିଂସରେ ଏହାର ଭଲ ଉଦାହରଣ ରହିଛି। ମୁଁ କୋହଲିଙ୍କୁ ବୋଲିଂ କରିଥିବା ପ୍ରଥମ ୧୨ ବଲ ମଧ୍ୟରୁ ସେ ୧୦ଟି ଛାଡି ଦେଇଥିଲେ। ଜୋ ରୁଟ କୋହଲିଙ୍କୁ ଖେଳିବାକୁ ବାଧ୍ୟ କରିବାକୁ ମୋତେ କହୁଥିଲେ। କିନ୍ତୁ ମୁଁ ଚାହୁଁ ନ ଥିଲି ଯେ ସେ ସେ ସେଟ୍ ଖେଳନ୍ତୁ। ୫ ଟି ଇନିଂସରେ ଅର୍ଦ୍ଧଶତକୀୟ ସହାୟତାରେ କୋହଲି ଏହି ସିରିଜରେ ମାତ୍ର ୧୨୪ ରନ ସ୍କୋର କରିବାରେ ସକ୍ଷମ ହୋଇଛନ୍ତି। ତାଙ୍କର ସର୍ବାଧିକ ସ୍କୋର ହେଉଛି ୫୫। ଶେଷ ଗସ୍ତରେ (୨୦୧୮ ରେ) କୋହଲି ଦୁଇ ଶତକ ସହିତ ପାଞ୍ଚ ଟେଷ୍ଟ ସିରିଜରେ ୫୯୩ରନ ସ୍କୋର କରିଥିଲେ।
