ବଞ୍ଚୋ,୧୦।୬(ପ୍ରଦୋଷ କୁମାର ବିଶ୍ୱାଳ ): କେନ୍ଦୁଝର ଜିଲା ଆନନ୍ଦପୁର ଅଞ୍ଚଳର ଯୁବକ ସତ୍ୟଦୀପ ସାହୁ ତାଞ୍ଜାନିଆରେ ଫସି ରହିଥିବା ନେଇ ଚିନ୍ତା ପ୍ରକାଶ ପାଇଛି। ତାଙ୍କୁ ସୁରକ୍ଷିତ ଭାବେ ଭାରତକୁ ଫେରାଇ ଆଣିବା ପାଇଁ ସମାଜସେବୀ ଯଜ୍ଞ ପ୍ରସାଦ ସାହୁ କେନ୍ଦୁଝର ଜିଲା ପ୍ରଶାସନଙ୍କ ଦୃଷ୍ଟି ଆକର୍ଷଣ କରିଛନ୍ତି। ସାହୁ ଜିଲା ପ୍ରଶାସନ, ବିଦେଶ ମନ୍ତ୍ରାଳୟ ଏବଂ ସମ୍ପୃକ୍ତ କର୍ତ୍ତୃପକ୍ଷଙ୍କୁ ଏହି ଘଟଣାରେ ତୁରନ୍ତ ହସ୍ତକ୍ଷେପ କରି ସତ୍ୟଦୀପଙ୍କ ଉଦ୍ଧାର ପାଇଁ ଆବଶ୍ୟକ ପଦକ୍ଷେପ ନେବାକୁ ଅନୁରୋଧ କରିଛନ୍ତି। ବିଦେଶରେ ଫସି ରହିଥିବା ଯୁବକଙ୍କ ପରିବାର ମଧ୍ୟ ଚିନ୍ତାରେ ରହିଥିବାବେଳେ, ପ୍ରଶାସନ ଏହାକୁ ଗୁରୁତର ସହ ନେଇ ଶୀଘ୍ର ସହାୟତା ପ୍ରଦାନ କରିବ ବୋଲି ଆଶା ପ୍ରକାଶ ପାଇଛି। ସମାଜସେବୀ ଯଜ୍ଞ ପ୍ରସାଦ ସାହୁ କହିଛନ୍ତି ଯେ, ଜଣେ ଓଡ଼ିଆ ଯୁବକ ବିଦେଶରେ ଅସୁବିଧାରେ ପଡ଼ିଥିବାରୁ ତାଙ୍କୁ ଫେରାଇ ଆଣିବା ପାଇଁ ସମସ୍ତ ସ୍ତରରେ ପ୍ରୟାସ ହେବା ଆବଶ୍ୟକ। ଏନେଇ ସେ କେନ୍ଦୁଝର ଜିଲା ପ୍ରଶାସନଙ୍କୁ ଶୀଘ୍ର ହସ୍ତକ୍ଷେପ କରିବାକୁ ନିବେଦନ କରିଛନ୍ତି।
