ଗଞ୍ଜାମ,୨୭ା୮(ବିଦ୍ୟାଧର ସାହୁ): ପଠାଣି ସାମନ୍ତ ମେଧା ବୃତ୍ତି ପରୀକ୍ଷାରେ ଆନନ୍ଦିନୀ ପଣ୍ଡା ସଫଳତା ପାଇଛନ୍ତି । ଆନନ୍ଦିନୀ ହେଉଛନ୍ତି ଗଞ୍ଜାମ ସହର ଦୁର୍ଗା ଦେବୀ ସାହି ମହେନ୍ଦ୍ର ପଣ୍ଡାଙ୍କ ଝିଅ । ସେ ସରସ୍ବତୀ ଶିଶୁ ବିଦ୍ୟା ମନ୍ଦିର ନବମ ଶ୍ରେଣୀ ଛାତ୍ରୀ । ପଠାଣି ସାମନ୍ତ ପରୀକ୍ଷାରେ ସଫଳତା ଗଞ୍ଜାମ ସହର ପାଇଁ ଗର୍ବ ଆଣି ଦେଇଛନ୍ତି ।
କଠିନ ପରିଶ୍ରମ ନିଷ୍ଠାପର ଭାବନା ଯୋଗୁଁ ପଠାଣି ସାମନ୍ତ ମେଧା ବୃତ୍ତିରେ କୃତିତ୍ୱ ଅର୍ଜନ କରି ଅନୁଷ୍ଠାନକୁ ଗର୍ବାନିତ୍ଵ କରିଛନ୍ତି ବୋଲି ଶିଶୁ ବିଦ୍ୟା ମନ୍ଦିର ସ୍କୁଲ ପକ୍ଷରୁ କୁହାଯାଇଛି । ମା’ ବାପାଙ୍କ ପ୍ରେରଣା ଗୁରୁମା ଗୁରୁଜୀଙ୍କ ଉପଦେଶ ଯୋଗୁଁ ଏହା ସମ୍ଭବ ହୋଇ ପାରିଛି ବୋଲି ଆନନ୍ଦିନୀ ନିଜ ପ୍ରତିକ୍ରିୟାରେ କହିଛନ୍ତି । ଆନନ୍ଦିନୀଙ୍କ ଏହି କୃତିତ୍ୱ ଅର୍ଜନ କରିଥିବାରୁ ଛଅ ହଜାର ଟଙ୍କା ବୃତ୍ତି ଅର୍ଥ ରାଶି ପାଇବାକୁ ଯୋଗ୍ୟ ବିବେଚିତ ହୋଇଛନ୍ତି ।
