ବନ୍ୟାରେ ଛାରଖାର ପୁରୁଷୋତ୍ତମପୁର, ବିପନ୍ନଙ୍କ ଦୁର୍ଦ୍ଦଶା ଦେଖି ସରକାରଙ୍କୁ ଘେରିଲେ ଭକ୍ତ ଦାସ

ପୁରୁଷୋତ୍ତମପୁର,୫।୧୧(ସବିତା ମିଶ୍ର): ବାତ୍ୟା ଅର୍ଣ୍ଣବ ପ୍ରଭାବରେ ଋଷିକୁଲ୍ୟା ନଦୀର ପ୍ରଳୟଙ୍କରୀ ବନ୍ୟା ଗଞ୍ଜାମ ଜିଲାର ପୁରୁଷୋତ୍ତମପୁର ଅଞ୍ଚଳକୁ ଛାରଖାର କରିଦେଇଛି । ଘରଦ୍ୱାରଠାରୁ ଆରମ୍ଭ କରି ଚାଷଜମି ଓ ଜୀବନଜୀବିକା ପର୍ଯ୍ୟନ୍ତ ସବୁକିଛି ଉଜାଡ଼ି ଯାଇଥିବାବେଳେ ବନ୍ୟା ବିପନ୍ନଙ୍କ ଦୁର୍ଦ୍ଦଶା ଏବେ ବି ଲାଗିରହିଛି । ଏଭଳି ଦୁର୍ଦ୍ଦଶାର ବାସ୍ତବ ଚିତ୍ର ଅନୁଧ୍ୟାନ କରିବାକୁ ଗୁରୁବାର ଓଡ଼ିଶା ପ୍ରଦେଶ କଂଗ୍ରେସ କମିଟି (ପିସିସି) ସଭାପତି ଭକ୍ତଚରଣ ଦାସଙ୍କ ନେତୃତ୍ୱରେ ଏକ ପ୍ରତିନିଧିଦଳ ପୁରୁଷୋତ୍ତମପୁର ଗସ୍ତ କରିଥିଲେ।ପ୍ରତିନିଧିଦଳ ପୁରୁଷୋତ୍ତମପୁର ଏନ୍‌ଏସିର କନକାନଦୀପଦର ସାହି ପରିଦର୍ଶନ କରିବା ସହ ବନ୍ୟା କ୍ଷୟକ୍ଷତିର ଅନୁଧ୍ୟାନ କରିଥିଲେ। ଘରକୁ ଘର ବୁଲି ବିପନ୍ନଙ୍କ ସମସ୍ୟା ଓ ଦୁର୍ଦ୍ଦଶା ସମ୍ପର୍କରେ ପଚାରି ବୁଝିଥିଲେ। ପିଲାଛୁଆଙ୍କୁ ନେଇ କିଭଳି ଦୁର୍ବିସହ ଜୀବନ ବିତାଉଛନ୍ତି, ତାହା ବିପନ୍ନମାନେ ପ୍ରତିନିଧିଦଳ ଆଗରେ ବଖାଣିଥିଲେ।

ଏପରିକି ପିଲାଙ୍କ ବହିପତ୍ରନଷ୍ଟ ହୋଇଯାଇଥିବାରୁ ସେମାନେ ଭବିଶ୍ଯତ ଚିନ୍ତାରେ ଥିବାରୁ ସେମାନଙ୍କ ସହ ମଧ୍ଯ ଆଲୋଚନା କରିଥିଲେ । ଲୋକଙ୍କ ଏଭଳି ଦୂରାବସ୍ଥା ଦେଖି ପିସିସି ସଭାପତି ଗଭୀର ଦୁଃଖ ପ୍ରକାଶ କରିବା ସହ ରାଜ୍ୟ ସରକାରଙ୍କ ଉପରେ ବର୍ଷିଥିଲେ । ମୁଖ୍ୟମନ୍ତ୍ରୀ ମୋହନ ମାଝୀଙ୍କ ସରକାରକୁ ଅପାରଗ ବୋଲି ଅଭିହିତ କରିବା ସହ ବନ୍ୟାର ଭୟାବହତାକୁ ଦୃଷ୍ଟିରେ ରଖି ଏହାକୁ ଜାତୀୟ ବିପର୍ଯ୍ୟୟ ଘୋଷଣା କରିବାକୁ ଦାବି କରିଥିଲେ ।ବନ୍ୟା ପରିସ୍ଥିତି ଏତେ ଭୟଙ୍କର ହେବା ପଛରେ ପ୍ରଶାସନିକ ଅବହେଳାକୁ ଦାୟୀ କରି ସେ ଅନେକ ପ୍ରଶ୍ନ ଉଠାଇଥିଲେ ।

ଡ୍ୟାମ୍‌ରୁ ପାଣି ଛାଡ଼ିବା ପୂର୍ବରୁ କାହିଁକି ଆଗୁଆ ସୂଚନା ଦିଆଗଲା ନାହିଁ, ବର୍ଷା ପୂର୍ବରୁ ଜଳ ନିଷ୍କାସନ କାହିଁକି କରାଯାଇ ନଥିଲା ଏବଂ ବର୍ଷା ସମୟରେ କାହିଁକି ପାଣି ଛଡ଼ାଗଲା ନଦୀବନ୍ଧ ଖୋଳିଥିବା ବ୍ୟକ୍ତିମାନଙ୍କୁ ଅପରାଧୀ ଦର୍ଶାଇ ସେମାନଙ୍କୁ ତୁରନ୍ତ ଗିରଫ କରିବାକୁ ମଧ୍ୟ ସେ ଦାବି କରିଥିଲେ । ବନ୍ୟାରେ ବ୍ୟାପକ ଫସଲ ନଷ୍ଟ ହୋଇଥିବାବେଳେ ସରକାରଙ୍କ ଘୋଷିତ ସହାୟତା ସମୁଦ୍ରକୁ ଶଙ୍ଖେ ସଦୃଶ ବୋଲି ସେ କହିଥିଲେ । ବିପନ୍ନଙ୍କ ବଞ୍ଚିବା ପାଇଁ ଆବଶ୍ୟକ ମୌଳିକ ସହାୟତା ସହ ଉପଯୁକ୍ତ କ୍ଷତିପୂରଣ ପ୍ରଦାନ ଲାଗି ବିଧାନସଭାରେ ଦାବି ଉଠାଯିବ ବୋଲି ସେ ପ୍ରକାଶ କରିଥିଲେ। କେବଳ ନାମକୁ ମାତ୍ର ରିଲିଫ୍‌ ନୁହେଁ, ବରଂ ବିପନ୍ନଙ୍କ ଜୀବନଜୀବିକା ପୁନରୁଦ୍ଧାର ପାଇଁ ଯଥେଷ୍ଟ ସହାୟତା ଯୋଗାଇଦେବାକୁ ସେ ସରକାରଙ୍କୁ ଆହ୍ୱାନ ଦେଇଥିଲେ।

ଏହି ପ୍ରତିନିଧିଦଳରେ ପିସିସି ମିଡିଆ ସେଲ୍‌ ସଂଯୋଜକ ପବିତ୍ର ସେଠୀ, ଗଞ୍ଜାମ ଜିଲା ଦକ୍ଷିଣ ଭାଗ ସଭାପତି ଦଣ୍ଡପାଣି ପାତ୍ର, ଜିଲା ମହିଳା ସଭାନେତ୍ରୀ ଅଞ୍ଜନା ତ୍ରିପାଠୀ, ସୋନାଲି ସାହୁ, ମନିଷା ଦାସ ପଟ୍ଟନାୟକ, ଉପସଭାପତି ବଳରାମ ନାୟକ, ଭୋକାଲି ସେଠୀ, ପିସିସି ସଂପାଦକ ସତ୍ଯବ୍ରତ ନାୟକ, ବ୍ଲକ ସଭାପତି ପ୍ରଦୀପ ମହାରଣା ପ୍ରମୁଖ ସାମିଲ ଥିଲେ ।

 

Dharitri – Odisha’s No.1 Odia Daily

Enter your email to get our daily news in your inbox.

All Right Reserved By Dharitri.Com

ଏସିଡିସି ବୈଠକରେ ଉନ୍ନୟନ କାର୍ଯ୍ୟର ସମୀକ୍ଷା: ବିଭିନ୍ନ ପ୍ରକଳ୍ପର ଅଗ୍ରଗତି ଓ ସ୍ଥିତି ନେଇ ଆଲୋଚନା

ହାଟଡିହୀ/ଛେନାପଦୀ, ୧୩/୧୧ (ଶୁଭକାନ୍ତ ନାୟକ/ନିରାକାର ପରିଡ଼ା): କେନ୍ଦୁଝର ଜିଲା ହାଟଡିହୀ ବ୍ଲକ କାର୍ଯ୍ୟାଳୟ ପରିସରରେ ଶୁକ୍ରବାର ଜିଲ୍ଲା ପରିଷଦର ମୁଖ୍ୟ ଉନ୍ନୟନ ଅଧିକାରୀ କୁମାର ନାଗଭୂଷଣଙ୍କ ତତ୍ତ୍ୱାବଧାନରେ…

ବୟସ୍କଙ୍କ ଭତ୍ତା ପାଇଁ ରାଜ୍ୟ ସରକାରଙ୍କ ହାତ ଖୋଲା:  ନୂଆ ହିତାଧିକାରୀଙ୍କୁ ଭତ୍ତା ବାଣ୍ଟିଲେ ବିଧାୟକ

ମହାକାଳପଡ଼ା, ୧୩।୧୧ (ପ୍ରତାପ ଚନ୍ଦ୍ର ସ୍ୱାଇଁ): ରାଜ୍ୟ ସରକାର ତୃଣମୂଳ ସ୍ତରରେ ବୟସ୍କଙ୍କ ପାଇଁ ନୂଆ ଭତ୍ତା ପ୍ରଦାନ କରିବାକୁ ହାତ ଖୋଲି ଦେଇଛନ୍ତି। ଏହି ପରିପ୍ରେକ୍ଷୀରେ…

ରାଜଧାନୀରେ ନୂଆପଡ଼ା ସୁଆଦିଆ ଆତର ଚାହିଦା

ନୂଆପଡ଼ା,୧୩ା୧୧(ମକାରୁ ବେମାଲ): ରାଜଧାନୀ ଭୁବନେଶ୍ୱରରେ ନୂଆପଡ଼ା ଆତର ଚାହିଦା ଦେଖିବାକୁ ମିଳିଛି। କୋମନା ବ୍ଲକ ଅଞ୍ଚଳର ବିଭିନ୍ନ ଗାଁରୁ ଯାଉଥିବା ସୁଆଦିଆ ଫଳ ଆତ (ରେକଟା, ବଡହଳ)…

ଦୀର୍ଘ ଅପେକ୍ଷାର ଅନ୍ତ! ୨୩୫ ନୂଆ ହିତାଧିକାରୀଙ୍କୁ ଭତ୍ତା ପ୍ରଦାନ

ଥୁଆମୂଳ ରାମପୁର, ୧୩/୧୧ (ଦୁର୍ଗା କୀର୍ତ୍ତି): କଳାହାଣ୍ଡି ଜିଲା ଥୁଆମୂଳ ରାମପୁର ବ୍ଲକ ସମ୍ମିଳନୀ କକ୍ଷରେ ଶୁକ୍ରବାର ଏକୀକୃତ ପେନ୍‌ସନ୍‌ ପରିଚାଳନା ପୋର୍ଟାଲ (ୟୁପିଏମ୍‌ପି) ଜରିଆରେ ମଧୁବାବୁ…

ଆସାମରେ ମର୍ମନ୍ତୁଦ ଦୁର୍ଘଟଣା: କଣ୍ଟେନର ଟ୍ରକ୍‌ ସହ ମିନି ବସ୍‌ ମୁହାଁମୁହିଁ, ଚାଲିଗଲା ୨୩ ଯାତ୍ରୀଙ୍କ ଜୀବନ

କାଜିରଙ୍ଗା,୧୩।୧୧: ଆସାମ କାଜିରଙ୍ଗାରେ ଶୁକ୍ରବାର ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଏକ କଣ୍ଟେନର ଟ୍ରକ୍‌ ସହ ମିନି ବସ୍‌ ମଧ୍ୟରେ ମୁହାଁମୁହିଁ ଧକ୍କା ହୋଇଛି। ଦୁର୍ଘଟଣାରେ…

ନୂଆ ଭତ୍ତାଧାରୀଙ୍କ ମୁହଁରେ ହସ, ଦୁଇ ମାସର ଟଙ୍କା ପ୍ରଦାନ

ହାଟଡିହୀ/ଛେନାପଦୀ, ୧୩/୧୧ (ଶୁଭକାନ୍ତ ନାୟକ/ନିରାକାର ପରିଡ଼ା): କେନ୍ଦୁଝର ଜିଲା ହାଟଡିହୀ ବ୍ଲକ କାର୍ଯ୍ୟାଳୟ ପରିସରରେ ଶୁକ୍ରବାର ନୂତନ ହିତାଧିକାରୀଙ୍କୁ ଭତ୍ତା ବଣ୍ଟନ କରାଯାଇଛି। ବ୍ଲକର ୨୬୧୨ ଜଣ…

ଗୁଡ଼ାରି ବନ ବିଭାଗ ପକ୍ଷରୁ ବାଘଛାଲ ଜବତ, ୪ ଅଟକ

ଗୁଡ଼ାରି, ୧୩।୧୧ (ପ୍ରମୋଦ କୁମାର ପତି): ଗୁଡ଼ାରି ବନ ବିଭାଗକୁ ମିଳିଛି ବଡ଼ ସଫଳତା। ଗୁଡ଼ାରି ରେଞ୍ଜ ଅନ୍ତର୍ଗତ କର୍ଣ୍ଣପାଡ଼ୁ ଶିବ ମନ୍ଦିର ନିକଟରେ ବାଘଛାଲ ବିକ୍ରି…

ପୁରୀ ବଡ଼ଦାଣ୍ଡରେ ଭୟଙ୍କର ବିସ୍ଫୋରଣ: ୪ ଗୁରୁତର

ପୁରୀ,୧୩।୧୧(ଅଜିତ୍‌ କୁମାର ମହାନ୍ତି): ପୁରୀ ବଡ଼ଦାଣ୍ଡରେ ଶୁକ୍ରବାର ଏକ ଅଭାବନୀୟ ଘଟଣା ସାମ୍ନାକୁ ଆସିଛି। ବଡ଼ଦାଣ୍ଡରେ ଥିବା ଟିପି ହୋଟେଲରେ ଭୟଙ୍କର ବିସ୍ଫୋରଣ ଘଟି ୪ଜଣ ଗୁରୁତର…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?