ବଲିଉଡର ମେଗାଷ୍ଟାର ଅମିତାଭ ବଚ୍ଚନ ନିଜ ଜନ୍ମଦିନରେ ଏକ ବଡ ଘୋଷଣା କରିଛନ୍ତି। ସେ ଗୁଡ୍ଖା କମ୍ପାନୀ କମଲା ପସନ୍ଦ ସହ ଚୁକ୍ତି ବାତିଲ କରିଛନ୍ତି। ନିକଟରେ ଅମିତାଭଙ୍କୁ ଏହି ପାନ ମସଲା ବିଜ୍ଞାପନ ପାଇଁ ସୋସିଆଲ ମିଡିଆରେ ଟ୍ରୋଲ କରାଯାଇଥିଲା। ବିଗ୍ ବି’ ଏଭଳି ବିଜ୍ଞାପନ କରନ୍ତୁ ପ୍ରଶଂସକ ଚାହୁଁ ନ ଥିଲେ। ବୋଧହୁଏ ଏହି କାରଣରୁ ଅମିତାଭ ଆଉ ପାନ ମସନା ବିଜ୍ଞାପନ କରିବେ ନାହିଁ ବୋଲି ନିଷ୍ପତ୍ତି ନେଇଛନ୍ତି। ଏକ ବ୍ଲଗ ମାଧ୍ୟମରେ ବିଗ ବି ଘୋଷଣା କରିଛି ଯେ ସେ ପାନ ମସାଲା ବ୍ରାଣ୍ଡ ସହିତ ଚୁକ୍ତି ଭଙ୍ଗ କରୁଛନ୍ତି। ତାଙ୍କର ସରକାରୀ ବିବୃତ୍ତି ଅମିତାଭ ବଚ୍ଚନଙ୍କ କାର୍ଯ୍ୟାଳୟ ପକ୍ଷରୁ ଜାରି କରାଯାଇଛି। ବିବୃତ୍ତି ଅନୁଯାୟୀ, କମଲା ପସନ୍ଦ ବିଜ୍ଞାପନ ପ୍ରସାରିତ ହେବା ପରେ ଅମିତାଭ ବଚ୍ଚନ ବ୍ରାଣ୍ଡ ନିକଟକୁ ଯାଇଥିଲେ ଏବଂ ସେ ଗତ ସପ୍ତାହରେ ଏହି ଚୁକ୍ତିନାମାରୁ ଓହରି ଯାଇଥିଲେ। ତାଙ୍କ ହଠାତ୍ ଏହି ପଦକ୍ଷେପ ପଛର କାରଣ ହେଉଛି ଯେ, ଅମିତାଭ ବଚ୍ଚନ ଏହି ବ୍ରାଣ୍ଡ ସହିତ ଜଡିତ ଥିବାବେଳେ ସେ ଜାଣି ନ ଥିଲେ ଏହା ସେରୋଗେଟ ବିଜ୍ଞାପନ। ଜାଣିବା ପରେ ସେ ଚୁକ୍ତିନାମା ବାତିଲ କରିବା ସହ ନେଇଥିବା ଟଙ୍କା ମଧ୍ୟ ଫେରସ୍ତ କରିଛନ୍ତି ।
