ଓ୍ବାଶିଂଟନ,୨୮।୮: ଆଜିକାଲି ଆମେରିକା ଏବଂ ରୁଷିଆ ମଧ୍ୟରେ ସମ୍ପର୍କ ଭଲ ଚାଲି ନାହିଁ। ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ମଧ୍ୟ ଭାରତ ଉପରେ ରାଗିଛନ୍ତି, କିନ୍ତୁ ଏହି ସମୟରେ ଏକ ଗୁରୁତ୍ୱପୂର୍ଣ୍ଣ ଖବର ଆସିଛି। ଆମେରିକା ରୁଷିଆ ଉପରେ ଲାଗୁ ହୋଇଥିବା କିଛି ପ୍ରତିବନ୍ଧକରେ ଛାଡ ଦେଇଛି। ରୁଷିଆ ଉପରେ ତାଙ୍କର ପ୍ରତିବନ୍ଧକ ସତ୍ତ୍ୱେ, ଟ୍ରମ୍ପ କିଛି ସ୍ବତନ୍ତ୍ର ହୀରା ଆମଦାନୀ ପାଇଁ ଅନୁମତି ଦେଇଛନ୍ତି। ଆମେରିକା ସେପ୍ଟେମ୍ବର ୧, ୨୦୨୬ ପର୍ଯ୍ୟନ୍ତ ଛାଡ ଦେଇଛି। ବୈଦେଶିକ ସମ୍ପତ୍ତି ନିୟନ୍ତ୍ରଣ କାର୍ଯ୍ୟାଳୟ (OFAC) ଏକ ସୂଚନା ଶେୟାର କରିଛି, ଯାହା ଅନୁଯାୟୀ ୧ ସେପ୍ଟେମ୍ବର ୨୦୨୬ ପର୍ଯ୍ୟନ୍ତ ହୀରା ଆମଦାନୀ କରାଯାଇପାରିବ, କିନ୍ତୁ ଏଥିପାଇଁ କିଛି ସର୍ତ୍ତ ମଧ୍ୟ ରଖାଯାଇଛି।
ଆମେରିକା ରାଷ୍ଟ୍ରପତି ଟ୍ରମ୍ପ ଭାରତ ଉପରେ ୫୦ ପ୍ରତିଶତ ଟାରିଫ୍ ଲଗାଇଛନ୍ତି। ଭାରତ କାହିଁକି ରୁଷିଆରୁ ତେଲ କିଣୁଛି ତାହା ନେଇ ସେମାନଙ୍କର ସମସ୍ୟା ଅଛି। ଚାଇନା ମଧ୍ୟ ରୁଷିଆଠାରୁ ତେଲ କିଣୁଛି ଏବଂ ଏବେ ହୀରା ଉପରେ ରିହାତି ଦେଇଛି। ଟ୍ରମ୍ପ ଅଭିଯୋଗ କରିଥିଲେ, ଭାରତ ରୁଷିଆଠାରୁ ତେଲ କିଣି ୟୁକ୍ରେନ ଯୁଦ୍ଧକୁ ପାଣ୍ଠି ଯୋଗାଇ ଦେଉଛି। ଏବେ ଭାରତ ଏବଂ ଆମେରିକା ମଧ୍ୟରେ ସମ୍ପର୍କ ମଧ୍ୟ ଉତ୍ଥାନ-ପତନର ସମୟ ଦେଇ ଗତି କରୁଛି।
ଟ୍ରମ୍ଫଙ୍କ ଟାରିଫ୍ ଯୋଗୁ ଆମେରିକା ମଧ୍ୟ ଭାରୀ କ୍ଷତି ସହିପାରେ। ଭାରତ ଏବଂ ଅନ୍ୟାନ୍ୟ ଦେଶଗୁଡ଼ିକ ଉପରେ ଲାଗୁ ହୋଇଥିବା ଟାରିଫ୍ ଯୋଗୁ ମୁଦ୍ରାସ୍ଫୀତି ବୃଦ୍ଧି ପାଇପାରେ, ଯାହା ଫଳରେ ଆମେରିକାର ଅର୍ଥନୀତି ୦.୪-୦.୫ ପ୍ରତିଶତ ହ୍ରାସ ପାଇପାରେ। ଭାରତ ଉପରେ ଆମେରିକା ଦ୍ୱାରା ଲାଗୁ କରାଯାଇଥିବା ୨୫ ପ୍ରତିଶତ ଅତିରିକ୍ତ ଟାରିଫ୍ ବୁଧବାରଠାରୁ କାର୍ଯ୍ୟକାରୀ ହୋଇଛି। ଏହା ସହିତ, ଭାରତୀୟ ରପ୍ତାନି ଉପରେ ଆମେରିକାର ଟାରିଫ୍ ୫୦ ପ୍ରତିଶତ ହୋଇଯାଇଛି।
