ବେଜିଂ,୨୬ ।୯: ଚାଇନା ସରକାର ଓ ଇ-କମର୍ସ କମ୍ପାନୀଙ୍କ ମଧ୍ୟରେ ଟଣାଓଟରା ଜାରି ରହିଛି । ଏହାରି ଭିତରେ ଅଲିବାବା, ଟେନସେଣ୍ଟ ଓ ବୈଦୁ ଭଳି କମ୍ପାନୀ ବହୁ ଅସୁବିଧାର ସମ୍ମୁଖୀନ ହେଉଛନ୍ତି । ଏବେ ଶୁଣିବାକୁ ମିଳିଛି କି ଅଲିବାବା, ଚାଇନାର ସବୁଠାରୁ ବଡ ଟେଲିଭିଜନ ବ୍ରଡକାଷ୍ଟଠାରୁ ନିଜ ଶେୟାରିଂ ଡମ୍ପ କରିବାର ଯୋଜନା କରୁଛି । ଏହି ଶେୟାର ଅଲିବାବା କିଛି ମାସ ତଳେ କ୍ରୟ କରିଥିଲେ । ମିଡିଆ କମ୍ପାନୀ ପକ୍ଷରୁ ଜାରି କରାଯାଇଥିବା ଏକ ବୟାନ ଅନୁଯାୟୀ, ମ୍ୟାଙ୍ଗୋ ଏକ୍ସିଲେଣ୍ଟ ମିଡିଆରେ ୫ ପ୍ରତିଶତ ଅଂଶକୁ ଅଲିବାବା ବିକ୍ରି କରିବାକୁ ଯୋଜନା କରୁଛନ୍ତି । ସୂଚନାଯୋଗ୍ୟ, ମ୍ୟାଙ୍ଗୋ ଟିଭି ଚାଇନାରେ ନିଜର ଭିନ୍ନ ଭିନ୍ନ କାର୍ଯ୍ୟକ୍ରମ ପାଇଁ ବେଶ୍ ଲୋକପ୍ରିୟ । ହୁଆନ ବ୍ରଡକାଷ୍ଟିଂ ସିଷ୍ଟମରେ ଏହାର ୫୬ ପ୍ରତିଶତ ଭାଗିଦାରୀ ରହିଛି । ଜାରି କରାଯାଇଥିବା ବୟାନରେ ଅଲିବାବା ଏକ ବର୍ଷ ମଧ୍ୟରେ ନିଜର ଅଂଶ ବିକ୍ରି କରିବାକୁ ନେଇ କରାଯାଇଥିବା ଚୁକ୍ତିରେ କୋହଳ ଦେବାକୁ କହିଛନ୍ତି ।
