ଅନେକ ଥର ପ୍ରଶଂସକମାନେ ଅଭିନେତା/ଅଭିନେତ୍ରୀଙ୍କ ନିକଟରେ ଅଜବ ଦାବି କରନ୍ତି। ଏହା ଶୁଣି ଅଭିନେତା/ଅଭିନେତ୍ରୀମାନେ ମଧ୍ୟ ତାହା ପୂରଣ କରିବାକୁ ଚେଷ୍ଟା କରନ୍ତି। ବଲିଉଡର ଖିଲାଡି କୁମାର ଅକ୍ଷୟ କୁମାରଙ୍କ ସହ ସମାନ ଘଟଣା ଘଟିଛି। ନିକଟରେ ଅକ୍ଷୟ ‘ଦି କପିଲ ଶର୍ମା ଶୋ’ରେ ଯୋଗ ଦେଇ ଥିଲେ। ଏହି ଶୋ’ରେ ଜଣେ ମହିଳା ପ୍ରଶଂସକ ତାଙ୍କ ପ୍ରିୟ ତାରକା ଶାହରୁଖ ଖାନଙ୍କ ସହ କଥା ହେବାକୁ ଇଚ୍ଛା ପ୍ରକାଶ କରିଥିଲେ। ପ୍ରଶଂସକଙ୍କ ଇଚ୍ଛାକୁ ସମ୍ମାନ ଦେଇ ଅକ୍ଷୟ ଶାହାରୁଖଙ୍କୁ ଫୋନ କରିଥିଲେ। ଅକ୍ଷୟ କୁମାର ଶାହାରୁଖଙ୍କ ନମ୍ବରକୁ କଲ୍ କଲାବେଳେ ସ୍ପିକର ଅନ୍ ରଖିଥିଲେ। କିନ୍ତୁ ନମ୍ବର ସୁଇଚ ଅଫ୍ ଆସୁଥିଲା। ତା’ପରେ ପ୍ରଶଂସକ କହିଥିଲେ ଯେ ସାର୍ ଅନ୍ୟ ଏକ ନମ୍ବରରେ କଲ କରନ୍ତି। ଏହା ଉପରେ ଶୋ’ର ହୋଷ୍ଟ କପିଲ ଶର୍ମା ଥଟ୍ଟା କରି କହିଥିଲେ, ଶାହାରୁଖ ଖାନ ପିସିଓରେ କାମ କରନ୍ତି? ତା’ପରେ ଅକ୍ଷୟ କୁହନ୍ତି, ମୁଁ ଶାହାରୁଖଙ୍କ ଦ୍ୱିତୀୟ ନମ୍ବର ଚେଷ୍ଟା କରେ। ତା’ପରେ ମହିଳା ପ୍ରଶଂସକ କୁହନ୍ତି, ସାର୍, ତାଙ୍କ ସ୍ତ୍ରୀ ଗୌରୀ ଖାନଙ୍କୁ ଡାକନ୍ତୁ। ଏହା ଶୁଣି ସମସ୍ତେ ଜୋରରେ ହସିବାକୁ ଲାଗିଲେ।
ଅକ୍ଷୟ କୁମାର ତାଙ୍କ ଫିଲ୍ମ ‘ବେଲବଟମ’ର ପ୍ରମୋଶନ ପାଇଁ ‘ଦି କପିଲ ଶର୍ମା ଶୋ’ରେ ପହଞ୍ଚିଥିଲେ। ତାଙ୍କ ସହ ସହ-ତାରକା ବାଣୀ କପୁର, ହୁମା କ୍ୟୁରେଶି ଏବଂ ନିର୍ମାତା ଜ୍ୟାକି ଭଗନାନୀ ଯୋଗ ଦେଇଥିଲେ। ଅକ୍ଷୟ ‘ଦି କପିଲ ଶର୍ମା ଶୋ’ର ନୂଆ ସିଜନରେ ସେ ପ୍ରଥମ ଅତିଥି ହୋଇଥିଲେ। ଅକ୍ଷୟଙ୍କ ଫିଲ୍ମ ଅଗଷ୍ଟ ୧୯ରେ ମୁକ୍ତିଲାଭ କରିଛି। ଏହି ଚଳଚ୍ଚିତ୍ର ଦର୍ଶକ ଏବଂ ସମୀକ୍ଷକଙ୍କ ଠାରୁ ଭଲ ପ୍ରତିକ୍ରିୟା ପାଇଛି।
