ମୁମ୍ବାଇ: ବଲିଉଡ୍ ନାୟିକା କ୍ୟାଟ୍ରିନା କୈଫ ଓ ନାୟକ ଅକ୍ଷୟ କୁମାର ଦର୍ଶକଙ୍କ ପସନ୍ଦର ଯୋଡି। ଏମାନେ ଏକାଠି ଓ୍ବେଲକମ୍ ବ୍ୟାକ୍, ଦେ ଦନା ଦନ, ସିଂ ଇଜ୍ କିଙ୍ଗ, ନମସ୍ତେ ଲଣ୍ଡନ, ହମକୋ ଦିଓ୍ବାନା କରଗୟା ଓ ତିସ୍ ମାର୍ ଖନ୍ ଭଳି ଚଳଚ୍ଚିତ୍ରରେ ଅଭିନୟ କରି ଦର୍ଶକଙ୍କ ନିକଟତର ହୋଇ ପାରିଛନ୍ତି। ଦର୍ଶକେ ଏସବୁ ଫିଲ୍ମରେ ଉଭୟ କଳାକାରଙ୍କୁ ପସନ୍ଦ ମଧ୍ୟ କରିଛନ୍ତି। ଏବେ ଏହି ଯୋଡିଙ୍କର ଏକ ପୁରୁଣା ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଉକ୍ତ ଫଟୋରେ ଉଭୟେ ଏକ ସୁଇମିଂ ପୁଲରେ ମସ୍ତି କରୁଥିବା ଦେଖାଯାଇଛି। ଫଟୋଟି ପୁରୁଣା ହୋଇଥିଲେ ମଧ୍ୟ ଏହା ତାଙ୍କ ପ୍ରଶଂସକଙ୍କ ଦୃଷ୍ଟି ଆକର୍ଷଣ କରିଛି। ଫଟୋଟିକୁ ଫିଲ୍ମ ମେକର ତାଙ୍କ ଇନଷ୍ଟାଗ୍ରାମରେ ଶେୟାର କରିବା ପରେ ଏହା ଭାଇରାଲ ହୋଇଯାଇଛି। ଫଟୋରେ କ୍ୟାଟ୍ରିନା ଏକ ହଳଦିଆ ଡ୍ରେସ୍ରେ ନଜର ଆସୁଥିବା ବେଳେ ଉଭୟଙ୍କ କେମେଷ୍ଟ୍ରି ଦର୍ଶକଙ୍କୁ ବେଶ୍ ପସନ୍ଦ ଆସିଛି। ଏବେ ପର୍ଯ୍ୟନ୍ତ ଏହି ଫଟୋକୁ ୧୯ ହଜାରରୁ ଅଧିକ ଲାଇକ୍ସ ମିଳି ସାରିଲାଣି। ସୂଚନାଯୋଗ୍ୟ କ୍ୟାଟ୍ରିନା ଓ ଅକ୍ଷୟ ଅଗାମୀ ଦିନରେ ଫିଲ୍ମ ‘ସୂର୍ଯ୍ୟବଂଶୀ’ରେ ନଜର ଆସିବେ।
