ମୁମ୍ବାଇ: ବଲିଉଡ୍ ବିୟୁଟି ଐଶ୍ୱର୍ଯ୍ୟା ରାଏ ବଚ୍ଚନ ଏବେ ତାଙ୍କ ନୂଆ ଲୁକ୍କୁ ନେଇ ଚର୍ଚ୍ଚାରେ । ଅସଲରେ ବେଶ କିଛିଦିନ ହେବ ବଡ ପରଦାରୁ ଦୂରେଇ ରହିଥିବା ଐଶ୍ୱର୍ଯ୍ୟା ଏବେ ପୁଣିଥରେ ଫେରିଛନ୍ତି । ହେଲେ ଏବେ ତାଙ୍କର ଏକ ଫଟୋକୁ ନେଇ ସେ ଆସିଛନ୍ତି ଚର୍ଚ୍ଚାକୁ । ଏଥର ଐଶ୍ୱର୍ଯ୍ୟା ଡବ୍ୱୁ ରତ୍ନାନୀଙ୍କ କ୍ୟାଲେଣ୍ଡର ପାଇଁ ଫଟୋ ଶୁଟ୍ କରିଛନ୍ତି । ୨୦୨୧ର ଏହି କ୍ୟାଲେଣ୍ଡର ପାଇଁ ଐଶ୍ୱର୍ଯ୍ୟା ଯେଉଁ ଫଟୋ ଶୁଟ୍ କରିଛନ୍ତି ତାହାର ଏକ ଫଟୋ ଡବ୍ୱୁ ନିଜେ ସୋସିଆଲ ମିଡିଆରେ ଶେୟାର କରିଛନ୍ତି । ବୁଧବାର ଏହା ଇନଷ୍ଟାଗ୍ରାମରେ ଶେୟାର କରାଯିବା ପରେ ଐଶ୍ୱର୍ଯ୍ୟାଙ୍କ ପ୍ରଶଂସକମାନେ ଖୁସି ହୋଇ ଯାଇଛନ୍ତି । ଡବ୍ୱୁ ରତ୍ନାନୀଙ୍କ କ୍ୟାଲେଣ୍ଡର ପାଇଁ ଐଶ୍ୱର୍ଯ୍ୟାଙ୍କର ଏହା ୨୨ ତମ ଫଟୋ ଶୁଟ୍ । ରତ୍ନାନୀ ଯେଉଁ ଫଟୋଟି ଇନଷ୍ଟାଗ୍ରାମରେ ଶେୟାର କରିଛନ୍ତି ତାହା ଏକ ବ୍ଲାକ ଆଣ୍ଡ ହ୍ୱାଇଟ ଫଟୋ । ହେଲେ ବି ଏଥିରେ ଐଶ୍ୱର୍ଯ୍ୟାଙ୍କ ଗ୍ଲାମର ସହଜରେ ବାରି ହୋଇ ପଡୁଛି । ଏଥିରେ ରତ୍ନାନୀ କ୍ୟାପଶନରେ ଲେଖିଛନ୍ତି. ଯଦି ଆପଣଙ୍କ ଭିତରେ ଉଜ୍ୱଳତା ଅଛି ତେବେ ଏହା ବାହାରେ ବି ପ୍ରକାଶ ପାଇବ । ଐଶ୍ୱର୍ଯ୍ୟାଙ୍କ ଏହି ସୁନ୍ଦର ଫଟୋ ଡବ୍ୱୁଙ୍କ କ୍ୟାଲେଣ୍ଡରରୁ । ଐଶ୍ୱର୍ଯ୍ୟା ଏବେ ଏକ ସାଉଥ୍ ଫିଲ୍ମରେ କାମ କରୁଛନ୍ତି । ସେ ପୁଣିଥରେ ବଲିଉଡ୍କୁ ଫେରିବେ ବୋଲି ତାଙ୍କ ପ୍ରଶଂସକମାନେ ଆଶା ରଖିଛନ୍ତି ।
