ଅହମ୍ମଦାବାଦ,୧୩।୬: ଗୁରୁବାର ଅହମ୍ମଦାବାଦରୁ ଲଣ୍ଡନ ଗାଟୱିକ ଅଭିମୁଖେ ଯାଉଥିବା ଏୟାର ଇଣ୍ଡିଆର ବୋଇଂ ୭୮୭ ଡ୍ରିମଲାଇନର ବିମାନ ଦୁର୍ଘଟଣାଗ୍ରସ୍ତ ହେବା ପରେ ଏକ ଆଶ୍ଚର୍ଯ୍ୟଜନକ ଭବିଷ୍ୟବାଣୀ ସୋସିଆଲ ମିଡିଆରେ ଭାଇରାଲ ହେଉଛି। ଏହି ଦୁର୍ଘଟଣା ହେବା ନେଇ ବର୍ଷେ ପୂର୍ବରୁ ଭବିଷ୍ୟବାଣୀ ହୋଇଥିବା ଏବେ ସାରା ଦେଶରେ ଚହଳ ପଡିଛି।
ଜୁନ ୫ରେ ଭବିଷ୍ୟବକ୍ତା ଶର୍ମିଷ୍ଠା ଏକ ଟ୍ବିଟରେ ବିମାନ ଦୁର୍ଘଟଣା ଏବଂ ବିମାନ ଚଳାଚଳ କ୍ଷେତ୍ରରେ ଅସ୍ଥିରତା ସମ୍ପର୍କରେ ସତର୍କ କରିଥିଲେ। ଏହି ଟ୍ବିଟ ସେତେବେଳେ ବେଶୀ ଧ୍ୟାନ ଆକର୍ଷଣ କରି ନଥିଲା, କିନ୍ତୁ ଜୁନ ୧୨ରେ ଏୟାର ଇଣ୍ଡିଆ ବିମାନ ଦୁର୍ଘଟଣାଗ୍ରସ୍ତ ହେବା ପରେ ଏହା ବ୍ୟାପକ ଭାବେ ସେୟାର ହେଉଛି। ସେ ୫ ତାରିଖରେ ଏପରି ପୋଷ୍ଟ କରିଥିଲେ। ୧୨ ତାରିଖରେ ଏହି ଦୁର୍ଘଟଣା ଘଟିଛି। ଏହି ଜ୍ୟୋତିଷଙ୍କ ନାମ ଶର୍ମିଷ୍ଠା। ସେ ଏହି ଭବିଷ୍ୟବାଣୀ ସହିତ ଅନ୍ୟ କିଛି ଭବିଷ୍ୟବାଣୀ ମଧ୍ୟ କରିଥିଲେ। ସେ ତାଙ୍କ X ସାଇଟରେ ଆର୍ଥିକ ଅବନତି ଏବଂ ବୃଦ୍ଧି, ସୁନା ଏବଂ ରୂପା ପରିସ୍ଥିତି ଭଳି ଅନେକ ବିଷୟ ବିଷୟରେ ଭବିଷ୍ୟବାଣୀ ପୋଷ୍ଟ କରିଆସୁଛନ୍ତି।
Tata will make Rafale fuselage in Hyderabad. This is just aviation expansion, ISRO will surprise the world in Space and satellite engineering, space tourism in coming two years. Predicted this last year via Nakshatra transit. I am still holding high the prediction of Plane crash… https://t.co/WjX39R7E47
— Astro Sharmistha (@AstroSharmistha) June 5, 2025
ଶର୍ମିଷ୍ଠା ତାଙ୍କ ଟୱିଟରେ ଲେଖିଥିଲେ, ୨୦୨୫ରେ ବିମାନ ଚଳାଚଳ କ୍ଷେତ୍ରରେ ଉନ୍ନତି ହେବ, କିନ୍ତୁ ବିମାନ ଦୁର୍ଘଟଣାର ଖବର ଆମକୁ ଆଘାତ ଦେଇପାରେ। ସେ ଆହୁରି ଉଲ୍ଲେଖ କରିଥିଲେ ଯେ ଗୁରୁ (ବୃହସ୍ପତି) ମୃଗଶିରା ଓ ଆର୍ଦ୍ରା ନକ୍ଷତ୍ରରେ ଅବସ୍ଥାନ କରୁଥିବା ଯୋଗୁଁ ବିମାନ ଚଳାଚଳ କ୍ଷେତ୍ରରେ ଅଗ୍ରଗତି ହେବ, କିନ୍ତୁ ସୁରକ୍ଷା ଓ ନିରାପତ୍ତାରେ ଅଭାବ ରହିବ।
ଏହି ଦୁର୍ଘଟଣାରେ ବିମାନରେ ଥିବା ୨୪୨ ଜଣ ଯାତ୍ରୀଙ୍କ ମଧ୍ୟରୁ ଅନ୍ତତ ୧୩୦ ଜଣଙ୍କର ମୃତ୍ୟୁ ହୋଇଥିବା ରିପୋର୍ଟ ମିଳିଛି, ଏବଂ ୫୦ରୁ ଅଧିକ ମୃତଦେହ ଉଦ୍ଧାର କରାଯାଇଛି। ଏହି ଘଟଣା ପରେ ସୋସିଆଲ ମିଡିଆରେ #ArtOfPrediction ହାଶଟାଗ ଟ୍ରେଣ୍ଡ କରୁଛି। ଜଣେ ଉପଭୋକ୍ତା ମନ୍ତବ୍ୟ କରିଛନ୍ତି, ନକ୍ଷତ୍ର କ’ଣ ସତରେ ଆମ ବିମାନ ଯାତ୍ରାର ପଥ ର୍ନିଦ୍ଧାରଣ କରୁଛି? ଅନ୍ୟ ଜଣେ କହିଛନ୍ତି, ଏତେ ସଠିକ ଭବିଷ୍ୟବାଣୀ? ଏବେ ମୋତେ ନକ୍ଷତ୍ରମାନଙ୍କଠାରୁ ଭୟ ଲାଗୁଛି।
କେହି କେହି ଜ୍ୟୋତିଷୀଙ୍କ ଦୂରଦୃଷ୍ଟିପୂର୍ଣ୍ଣ ଭବିଷ୍ୟବାଣୀର ପ୍ରଶଂସା କରୁଥିବା ବେଳେ ଅନ୍ୟମାନେ ଏହାର ଅଲୌକିକ ସମୟ ସମ୍ପର୍କରେ ଅସନ୍ତୋଷ ପ୍ରକାଶ କରିଛନ୍ତି। ଏହି ଘଟଣା ଜ୍ୟୋତିଷ ଶାସ୍ତ୍ରର ସାର୍ବଜନୀନ ଆଲୋଚନାରେ ଏକ ନୂଆ ବିତର୍କ ସୃଷ୍ଟି କରିଛି, ବିଶେଷତଃ ଏହା ପ୍ରକୃତ ବିପର୍ଯ୍ୟୟ ସହ ଜଡ଼ିତ ହେବା ପରେ।
ଅନ୍ୟପକ୍ଷରେ, ଶର୍ମିଷ୍ଠା ତାଙ୍କ ଅନ୍ୟ ଭବିଷ୍ୟବାଣୀରେ ଦାବି କରିଛନ୍ତି ଯେ ଟାଟା ହାଇଦ୍ରାବାଦରେ ରାଫେଲ ଫ୍ୟୁଜଲେଜ ର୍ନିମାଣ ଆରମ୍ଭ କରିବ ଏବଂ ଇସ୍ରୋ ଆଗାମୀ ଦୁଇ ବର୍ଷ ମଧ୍ୟରେ ମହାକାଶ ଓ ଉପଗ୍ରହ ଇଞ୍ଜିନିୟରିଂ ଏବଂ ମହାକାଶ ପର୍ଯ୍ୟଟନ କ୍ଷେତ୍ରରେ ବିଶ୍ୱକୁ ଆଶ୍ଚର୍ଯ୍ୟ କରିବ। ଏହି ଭବିଷ୍ୟବାଣୀଗୁଡ଼ିକ ମଧ୍ୟ ନକ୍ଷତ୍ର ଗତି ଉପରେ ଆଧାରିତ ବୋଲି ସେ ଦାବି କରିଛନ୍ତି।
