ମୁମ୍ବାଇ,୧୬।୧: ବଲିଉଡ ଅଭିନେତା ସୈଫ ଅଲ୍ଲୀ ଖାନଙ୍କ ଉପରେ ତାଙ୍କ ନିଜ ଘରେ ଛୁରୀରେ ଆକ୍ରମଣ ହୋଇଛି। ଏହା ପରେ ତାଙ୍କୁ ମୁମ୍ବାଇର ଲୀଳାବତୀ ହସ୍ପିଟାଲରେ ଭର୍ତ୍ତି କରାଯାଇଥିଲା। ତାଙ୍କ ଅବସ୍ଥା ବିପଦମୁକ୍ତ ବୋଲି କୁହାଯାଉଛି। ମିଳିଥିବା ରିପୋର୍ଟ ଅନୁଯାୟୀ, ତାଙ୍କର ଅସ୍ତ୍ରୋପଚାର କରାଯାଇଛି। କସମେଟିକ ସର୍ଜରୀ ମଧ୍ୟ କରାଯାଉଛି। ଅପରେସନ ସମୟରେ ସୈଫଙ୍କ କ୍ଷତରୁ ଏକ ତିନି ଇଞ୍ଚର ଧାରୁଆ ଜିନିଷ ମଧ୍ୟ ବାହାର କରାଯାଇଥିଲା। ଯଦି ରିପୋର୍ଟଗୁଡ଼ିକୁ ବିଶ୍ୱାସ କରାଯାଏ, ତେବେ ତଦନ୍ତ ପାଇଁ ସୈଫ ଅଲ୍ଲୀ ଖାନଙ୍କ ଆପାର୍ଟମେଣ୍ଟକୁ ବମ ସ୍କ୍ବାଡ କୁକୁରମାନଙ୍କୁ ଅଣାଯାଇଛି।
ପ୍ରାରମ୍ଭିକ ସୂଚନା ଅନୁଯାୟୀ, ଜଣେ ଅଜଣା ବ୍ୟକ୍ତି ସୈଫଙ୍କ ଘରେ ପ୍ରବେଶ କରିଥିଲେ। ଉଭୟଙ୍କ ମଧ୍ୟରେ ଝଗଡା ଧସ୍ତାଧସ୍ତି ହୋଇଥିଲା। ଘଟଣା ସମୟରେ ଅଭିନେତାଙ୍କ ପରିବାରର ଅନ୍ୟ କେତେଜଣ ସଦସ୍ୟ ମଧ୍ୟ ଘରେ ଉପସ୍ଥିତ ଥିଲେ। ଏହା ମଧ୍ୟ କୁହାଯାଉଛି ଯେ ଘରେ ପ୍ରବେଶ କରିଥିବା ବ୍ୟକ୍ତିଙ୍କର ଚାକରାଣୀଙ୍କ ସହ ଯୁକ୍ତିତର୍କ ହୋଇଥିଲା। ଯେତେବେଳେ ଅଭିନେତା ଜଣକ ହସ୍ତକ୍ଷେପ କରି ବ୍ୟକ୍ତିଙ୍କୁ ଶାନ୍ତ କରିବାକୁ ଚେଷ୍ଟା କଲେ, ସେ ସୈଫ ଅଲ୍ଲୀ ଖାନଙ୍କ ଉପରେ ଆକ୍ରମଣ କଲେ। ଘଟଣା ସମ୍ପର୍କରେ ସୂଚନା ପାଇବା ପରେ ବାନ୍ଦ୍ରା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। କରିନାଙ୍କ ଟିମ କହିଛନ୍ତି ଯେ ଘରେ ସମସ୍ତେ ଭଲ ଅଛନ୍ତି। ପୋଲିସ କହିଛି ଯେ ଘଟଣାଟି ଅଭିନେତାଙ୍କ ବାନ୍ଦ୍ରାସ୍ଥିତ ବାସଭବନରେ ମଧ୍ୟରାତ୍ରିରେ ଘଟିଥିଲା। ଆକ୍ରମଣ ସମୟରେ ସୈଫଙ୍କ ହାତ, ମେରୁଦଣ୍ଡ ଏବଂ ବେକରେ ଆଘାତ ଲାଗିଥିଲା। ସୈଫ ଅଲ୍ଲୀ ଖାନଙ୍କର ହସ୍ପିଟାଲରେ ଅସ୍ତ୍ରୋପଚାର ହୋଇଛି। ତାଙ୍କ ପତ୍ନୀ କରୀନା କପୁର ଖାନ ମଧ୍ୟ ତାଙ୍କୁ ଭେଟିବା ପାଇଁ ସକାଳ ୪.୩୦ ରେ ହସ୍ପିଟାଲରେ ପହଞ୍ଚିଥିଲେ।
